بسم الله الرحمن الرحيم
السلام عليكم ورحمة الله وبركاته
قررت انا و الشباب نسافر ع بريطانيا و إسبانيا .. و بدأنا نضبط أمورنا و حجوزاتنا ..
و الحمدلله تيسرت حجوزاتنا و كل شي كان تمام .. و بدأنا ب اجراءات الفيزا البريطانيه قبل الاسبانيه ..
و كنّا شايلين همها كثير .. ع العموم نبدأ ب الابلكيشن و المستندات و حضورنا للموعد و استلام الجواز ..
الإبلكيشن
الأبلكيشن تم تعبئته من هذا الموقع بتاريخ 10/9/2015
https://www.visa4uk.fco.gov.uk
و تم دفع المبلغ بالكرديت كارد 136$ = 510 ريال سعودي - فيزا سياحه 6 شهور
وحجز الموعد ع بتاريخ 14/9/2015 .. يوم الإثنين .. مواعيدنا كانت مختلفه من 9:30 إلى 10:30
و كل أبلكيشن تم تعبئته على حده و بحساب منفصل تجنباً لـ اللبس و اللخبطه
.gif "(41)")
المستندات
1- كشف حساب 6 شهور للحساب اللي ينزل فيه الراتب - إنجليزي - مختوم من البنك
"
حسابي كان فيه 68 ريال فقط بس كان باين فيه ايداعات الراتب .gif "(40)")
"
2- تعريف بالراتب - انجليزي - مختوم من الغرفه التجاريه - مبيّن فيه تاريخ مباشرتك و رقمك الوطني وراتبك و اسم المهنه .
3-صوره من الكردت كارد " الفيزا " .
" اسمي ع الكردت كارد و كشف الحساب غير مطابق للجواز ، اختلاف 4 احرف تقريبا "
4- صورتين شخصيه .
5- صورة بطاقة الأحوال .
6- صوره للجواز .
7- صوره للتأمين الطبي .
8- صوره لحجز الطيران .
9- صوره لحجز الفندق من بوكينق .
ملاحظه .. يفضّل عدم حجز تذاكر الطيران إلا بعد أخذ التأشيره .. التوصيه من السفاره البريطانيه بالرياض
بعد ماقدمت الطلب جاني ايميل منهم بهذا النّص
.gif "(49)")
حضورنا للموعد
اتجهنا من مكه ع جده .. و وصلنا هناك ع 9:15 ودخلنا ع طول كل واحد بموعده و ترتيبه
الصراحه كانوا منظّمين و مرتبين عكس الإسبانيه .. إللي عانينا فيها من العشوائيه و مزاجية الموظف و عدم الإلتزام بالدور و النظام ..
.gif "(7)")
الموعد مع التبصيم اخذ تقريباً 45 دقيقه .. و سلّمنا 8 ريال لكل جواز عشان الرسايل ..
استلام الجواز
وصل جوازي أول واحد من الشباب
بتاريخ 8/10/2015
مما يعني إنه أخذ 24 يوم .. منها 6 ايام تقريباُ اجازة عيد الاضحى و 4 ايام جمعه و سبت ..
يعني تقريباُ 14 يوم عمل اخذ ..
وباقي الشباب وصلت جوازاتهم يوم 11/10/2015
.gif "(90)")
تم استلام الجوازات بتاريخ 13/10/2015 يوم الثلاثاء ..
الإستلام يبدأ من الساعه 10 ص إلى الساعه 5 م .. طوّلنا شوي لبطئ الموظفين فقط ..
في حال تأخروا عليك جداً و كنت تبي تعرف حالة طلبك أدخل هالموقع
https://ukvi-international.faq-help.com/
و اختار البلد - بالصفحه الثانيه اختار Email Form - و الصفحه اللي بعدها عبّي بياناتك و من آخر خيار
إختار " I have query about the status of my visa application "
وح يردوا عليك خلال يومين عمل بالكثير .. كانوا متجاوبين معاي و يردوا خلال ساعه او ساعتين
اذا تم الإنتهاء من جوازك وارساله للمركز وحبيت بس تعرف اذا تم القبول او لا كـ اشباع فضول ..
ف لا تتعب نفسك و تسأل لاني حاولت و قالوا لي لاسباب امنيه مانقدر نقولك ومحد يقدر يقولك
..
لازم انت بنفسك تروح تاخذه و تشوف
نهايةً كل الشكر للاخ -
آخر فرصه - .. الله يجزاك خير و جميع اعضاء المنتدى .. فضلكم كبير .. و سهّل علينا الكثير ..
و صلّى الله و بارك .. فمان الله
.gif "(114)")
18-10-2015, 12:45 PM
تجربتي مع التأشيره البريطانيه - جده 
العرض الشجري
المواضيع المتشابهه 
