العرب المسافرون سياحية


السلام عليكم
أعضاء المنتدي الرائع سمعت الكثير ووصلتكم كلي أمل بالله ثم منكم أن تساعدوني برحلتي
بدايه فرانكفورت ثم إجازه 10 أيام متبقيه أين أقضيها

لم أحدد العوده وهي رهن تحديدكم

أنتظركم بفارغ الصبر

وشكرآ

وعليكم السلام ورحمه الله وبركاته

ياهلا ومرحبا اخوي

منورنا اخوي المكان مكانك وابشر بسعدك ان شاء الله
الجميع ماراح يقصرون معك بأذن الله

بالسنبه للعشر ايام الباقيه

ياريت لو نعرف اي شهر وقت سفرك !
وعددكم ! وعل معكم اطفال او لا
وشنو الوسيله الي تفضلها للتنقل من مكان الى اخر !


تحياتي لك

العفو اخوي

اها يعني شهر 11


يفضل السكن با المدن لان الجو بارد والنشاطات معظمها مغلقه

الاقتراح الاول :

ممكن من فرانكفورت الى امستردام ثم بروكسل وتختمها في باريس

الاقتراح الثاني :

من فرانكفورت الى ستراسبورغ وثم باريس وبعدها لندن ( اذا ماعندك فيزا بريطانيه اعتقد الوقت مايمديك )

---------

وبالنسبه لوسيله التنقل وبما انك لوحدك
ممكن بالسياره وممكن بالقطار

بس لبعض المسافات في رحلات دايركت بالقطار تكون المسافه اقل من السياره وتوصل اسرع

وميزه السياره سهوله التنقل بالمكان الي انت موجود فيه لو بتروح الارياف القريبه

بس دام ان لحالك القطار فكره جيده اخوي

وماعندك مشكله ترجع من مطار اخر غير فرانكفورت او تبغي عودتك للبلاد من نفس المطار

و عليكم السلام

منور المنتدى

شوف هذا تصوري للرحلة

1 يوم في فرانكفورت
تسكن في المنطقة المركزية تشوف النهر و الساحة المركزية و شارع التسوق
و تستلم السيارة اليوم الثاني
و تمشي على هذا الخط



يعني رحلة العودة تكون من امستردام

راح تزور فرانكفورت + آخن + ايندهوفن + اوترخت + امستردام

و تحديد عدد المدن في كل مدينة حسب راحتك فيها

ممكن تضيف بروكسل لو حبيت و تصير خطتك مثل كذا

مبدع يا بوغسان يا عسل

حلو تخطيطك

تقريبا نفس تخطيطي في المقترح الاول بس انا اضفت باريس

لازم اوصله باريس يستمتع با الاجواء الباريسيه الجميله

اخويا حالم

سيبك من ابو سعد وابو غسان رحلاتهم مشاوير وهجولة



ههههههه ترى مزوح بس وناسة الخميس

رأيهم ممتاز وخبير بس مع ملاحظة اذا انت من السعودية ما في رحلة دايركت من امستردام

وبعطيك كمان خط ثاني

فرانكفورت - شتوتغارت - زيورخ - جنيف

متأثر يابو سعد بالنسمات الباريسية
مخططك حلو برضه

تعدد الخيارات مهم للمسافر

الله يسعدك يا عسل