تقرير رحلتي لجزر المالديف "جنة الأرض" وصور بكاميرتي الخاصه .. بقلم جامعي

silent_dove · 28-11-2015, 11:03 PM

نكمل ما بدأناه

أتصلوا فيني الريسبشن
وسألوني متى تبي العشاء الهدية من إدارة الفندق
طبعا العشاء على البيتش وعلى أضواء الشموع
يعني حاجه تهبل وفيها الكثير من الرومانسية
بمناسبة شهر العسل...
قلت أبيه الليلة
وكان المنيو مكون من طبقين يجب أن أختار أحدهما
الطبق الأول سمك محضر على الطريقة المالديفية
والطبق الثاني إستيك مشوي مع الخضار على الطريقة الفرنسية
وأنتبهو للجملة الجاية...سألوني بما أني من السعودية
أكيد الطبق تبيه حلال؟...فقلت طبعاً وأبيه ( ويل دن ) كمان

قالوا ... سيدي أمر وطاعه <<<خخخخ على باله بالجنادرية
المهم سألتهم وين راح يكون الدينر كاندل قالوا اختار المكان اللي تبيه
قلت خليه قريب من المطعم أبي أكشخ خخخخخ
تذكرت ابو عزيز وهو يقول لازم تلبسون جزمه الله يكرمكم
والسبب لأنه على الشاطئ فيه سلطعونات صغيره ( ماتخوف)
بس العيب انها تجي جنب رجلك وتفزع وتصرخ قدام الجرسون خخخ

المهم جا الموعد وكان من 7:30 مساء الى 10:30
انا رحت على الساعه 8:00
ورحب بي المضيف...ولقيت 3 عوائل برضه يتمتعون بالوجبة المجانية
لشهر العسل...
العائله الاولى من اسبانيا والثانية من كوريا والثالثه من بريطانيا
طبعا المكان على البيتش كما ذكرت
ولا تضيئه سوى قناديل الشموع
وكل طاوله بعيده عن الطاولات الاخرى
يعني تعييش جوك ورومانسيتك بكيفك ولا احدن حولك

قنديل يعمل على القاز
شريت واحد منه في اليوم التالي من متجرهم المصغر
وراح تشوفون صورة المتجر

وهذا قنديل ينير لك الطاوله بالكامل

شوي ويجي المضيف ويقول الشيف الاسترالي حاب يقدم لك مفاجاه
قلت في قلبي خير ياطير...قال هو اليوم عمل لكم أسكريم مخصوص
بطعم المنجا وعلى الطريقة المالديفيه ...قلت تكفون عجل عليه خخخ

وهذا هو الذ اسكريم مانجا على الطريقه المالديفيه
صراحه اسكريم روعه
وكان ودي اقوله تكفون روح عبي الكاسه ثاني مره خخخخخ

بعد التهامي للأيسكريم
حدثت مفاجأه لم تكن بالحسبان
هي حلوه وماهي حلوه

فاصل ونواصل بحول الله تعالى

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي جـزر المالديف	سحيم السليطي	رحلات الجزر والكروز	55	07-07-2019 02:33 AM
افيدوني جزاكم الله خير..طالب جامعي	عبدالرحمن الحربي	فيزا	3	06-04-2015 08:54 AM