مساء الخير عدت لك بالجدول

اليوم الاول

الوصول للفندق عن طريق التكسي

وبعد الراحه

التوجه الى الديره سيتي سنتر بالمترو من المحطه القريبه منك اسمها Rashidiya Metro Station والنزول في محطه ديرة سيتي سنتر محطة مترو والعوده بنفس الطرق





اليوم الثاني

الباص السياحي بدبي صراحه مامره جربته لكن حاطته ببالي لانه ياخذك بجوله بدبي وباهم المعالم بدبي وينزلك باهم المعالم تتوجهين بالمترو من محطه القريبه منك الى محطه مركز برجمان وتنزلين بالمركز وتحجزين من المكتب الخاص فيها يوجد نوعين للباصات الباص العجيب (البرمائي ) ياخذك بجوله في بر دبي وينزل في الخور (جوله بريه +بحريه ) مدتها 1:30 والنوع الثاني وهو اللي اقصده هو باص الجولات الساحيه وهذا رابطهم

Sightseeing Bus | Hop-on Hop-off Bus | Big Bus Tours

اللي اعرفه انه ينزلك في كل مكان فتره 10 او 15 دقيقه تاخذين فكره عن المكان ويكمل الجوله الاخ ليث راح يفيدك اكثر من كذا
ممكن في هذا اليوم تحجزين من دبي مول تذاكر لدخول برج خليفه لان الجوله في من خلالها زياره لدبي مول

راح تكون المحطه الاخيره للباص هي محطه البدايه مركز برجمان تركبين مترو BurJuman Metro Station 1 الخط الاخضر وتتوجهين الى Dubai Healthcare City Metro Station 1 وتنزلين هناك وتمشين مسافه الى ان تصلين الى حديقه الخور وقرية البوم وكملي باقي اليوم هناك او ممكن تركبين بالباص من مركز برجمان الى الحديقه ماعندي خلفيه عن طريقه استخدام الباصات في دبي
ملاحظه حاولي العوده الى السكن بدري حتى ما تستوحشين بالليل ولان المترو اخر رحله له 11:30 باليل


اليوم الثالث
تركبين اقرب محطه باصات او المترو وتركبين الى محطه مدينه الجميره
تتوجهين لسوق مدينه الجميره وهو عباره عن ممرات مائيه ومجمع صغير ومطاعم ومقاهي على الممرات وممكن تشوفين برج العرب منه وفنادق (ميناء السلام والقصر والمصيف ) والفنادق يوجد فيها مطاعمها الخاصه ومقاهييها والسوق وتركبين في القوارب اللي تاخذك في جوله في الممرات المائيه
وبعد كذا باستخدام الباص و تتوجهين الى مرسى دبي (المارينا ) وتتناولين العشاء باحد المطاعم اللي ذكرتيها وتكملين الى الجي بي ار وتسهرين هناك مرسى دبي على امتداده الجي بي ار

اليوم الرابع

التوجه الى المترو والى محطه الامارات مول بالخط الاحمر للمترو وتنزلين الامارات مول وتدخلين سكاي دبي وبعد كذا تتوجهين الى المترو ومن محطه الامرات مول الى محطه دبي مول وتنزلين راح تحتاجين تمشين برجليكي لمده 10 دقايق علشان توصلين المول وراح تمرين بالطريق بوليفارد محمد بن راشد وتوصلين لدبي مول وتدخلين الاكواريوم وبعد كذا تتوجهين للنافوره واذا وصلتي النافوره راح تلقين جسر يربط بين دبي مول وسوق البحار (مجمع صغير وعادي اللي يميزه المطاعم اللي تطل على النافوره ممكن تروحينه من خلال الجسر وتلقين نظره واذا حبيتي تتعشين باحد مطاعمه ممكن او احد مطاعم دبي مول المطله على النافوره )وتقضين الليله على النافوره وتركبين القارب وممكن تزورين برج خليفه لانه على النافوره ممكن تحجزين تذاكر عن طريق موقعهم الالكتروني

Home | Burj Khalifa

ملاحظه : وضعت لك الامارات مول في اول اليوم لان من رايي انك تشوفين النافوره بالليل اجمل ولان النافوره عروضها المسائيه اكث من النهاريه وثاني سبب لان اذا بتستخدمين المترو راح تكون اول محطه هي محطة الامارات مول وبعدين تركبين المترو ووتتو جهين لمحطه دبي مول والمترو ماراح ينزلك بالمول مباشره مثل الامارات مول لا راح تنزلين وتمشين في بوليفارد الشيخ محمد لذلك خليته بالنص الجدول وبعد كذا تتوجهين مشي لدبي مول


اليوم الخامس

بالتكسي توجهي الى حديقه الزهزر وبعد كذا حديقه الفراشات مقابله لها وبعد كذا بالتكسي الى القريه العالميه وقضاء باقي اليوم فيها والعوده للفندق بالتكسي

اليوم السادس
تاخذين المترو بالخط الاحمر من محطه الرقه الى محطه Union Metro Station 1 وتنزلين وتركبين المترو الخط الاخضر وتتوجهين الى Baniyas Square Metro Station 2 وتنزلين لسوق نايف وسوق مرشد وتتسوقين اسعاره مناسبه بالنسبه لدبي

وبعد كذا العوه على نفس الخط للفندق وتنزلين المشتريات
وتتوجهين بالمترو الخط الاحمر الى ان تصلين الى محطه ابن بطوطه الطريق طويل شوي وتنزلين لمجمع ابن بطوطه وتتمتعين فيه والعوده الى الفندق


اليوم السابع
العوده للوطن


وهذا فيديو يوضح طريقه المترو


وهذي خريطه توضح خطوط المترو الاحمر والاخضر في دبي
https://www.google.com/maps/d/viewer...M.kLd0Jz-wUcx8

وهذي الصوره بتفيدك



وهذي صوره لخط المترو



موقع خاص للنول

https://www.nol.ae/RtaPortal/Portal....et_range_range


وتوجد انواع لبطاقات المترو واسمها النول في نوع لاستخدام مره وحده ماينفعك وفي نوع اعادة التعبئه اتوقع الفضيه وهو اللي يناسيبك الركوب الواحد ب 2درهم ونص





وبالتوفيق