وعليكم السلام ...

عندك تقريبا 14 يوم اذا حسبنا الوصول والمغادرة أيامها ضايعه يعني 12 يوم

ترى بليد في الرياضيات. ..

أول ماتوصل تحصل مكتب في المطار أخذ تكسي الي سلانجور يومين

عندك هناك فنادق ممتازة مثل الصن واي وأن شاء الخبرا والمنتدى غني في المعلومات والجداول اليوميه

طبعا احجز من بوكينق أفضل واضمن
اتفق مع صاحب تكسي وكثير جدا هناك أهم شيء ذات اللون الأحمر وابتعد عن اللي يجيك شكله صيني وكاسرهم في الأسعار
طبعا قبلها تكون مسؤي لك جدول سياحي يومي

بعدها طيران على بينانغ 3 ايام

احجز على طيران الماليزي عن طريق النت

هناك مجموعة فنادق ممتازة والخبراء مايقصرون معك مثل الهوليدي

برضوا كمان اتفق مع تكسي وتكون محدد جدول يومي مسبق

بعدها طيران على لنكاوي 4 ايام
طبعا نفس الطريقه طيران داخلي ماليزي
تحصل هناك مكاتب في مطار لنكاوي اتفق مع احدهم وكاسر في السعر يوديك الفندق وكل يوم صباح يمر عليك يوديك أماكن سياحيه ويرجعك المساء
عندك مجموعة فنادق ممتازة والخبراء ماراح يقصرون معك أن شاءالله على حسب ميزانيتك للفندق

بعدها طيران داخلي ع كوالا 4 ايام
اذا وصلت مر على نفس المكتب اللي وصلك الي سلانجور وأخذ تاكسي يوصلك على الفندق المختار والمحجوز مسبقا من بوكينق

نفس الطريقة بعدها اتفق مع تكسي وحاول دايم لاتاخذ من التكاسي اللي عند الفندق

اتفق معه يجيك الصباح يوديك إمكان سياحية انت مخطط لها مسبقا
طبعا حاول كل يوم تغير السواق. ..

ادخل ع البوابه فيها معلومات ثمينه وغنيه والخبراء فيهم الخير والبركه

سفره سعيده