رحلتي إلى اليابان 2010 - أوساكا + طوكيو ..بقلم ..mr.eng6

silent_dove · 15-12-2015, 05:22 PM

روووووعة كـل ماله تقريرك بزيد روووعة

وعالفكرة بالنسـبة للأمن اكثـر اليابانيين يتركون اطفالهم يروحون مشي للحداايق وهي على مسافة بعيدة من منازلهـم والمشكلــة ماتحصل عندهم قضايا خطف ولا غيرة ويعتبرووونه شي عآآدي واذا انته تشووف برنـامج خواطر للأستاذ احمد الشقيري اللي عرض في mbc في رمضاان اكيد كان يتكلم عن هالموضوع صراااحة بـلد راااائع اقل مايقال له ...

ننتظـــر جديدكـ ...

تحياتي لكـ ,,,

-------------

فعلاً الامن مستدب عندهم نوعاً ما و مع ان لديهم مشاكل قانونية و لصوص لكن صعب تواجههم من وسط ٣ ملايين شخص .

بلد جميل ومشوق كثيراً لزياراته .. وتقرير رائع سردته لنا عن هذه اليابان .
ولكني أرى في كوريا الجنوبية إمتاعاً أكثر من اليابان وسياحة بشكل أكبر وحتى أكثر جمالية وتطور أسرع .

-------------

سمعت كثير من الي راكبين معاي بالطيارة انهم رايحين كوريا و فعلاً قرأت فيها تقارير جميلة ، لكن بالنهاية تختلف الاذواق و ان كنت اجد صعوبة تصديق ان في ناس منظمين و مرتبين اكثر من اليابانين

طيب هل اليابان غاليه سمعت خخخ أنه كوب الشاي 150 ريال سعودي

لو حبيت اروح لها 7 أيام كم تكلف لشخصين < شهر عسل قصير

لأنه راح اسافر معها بلد ثاني

وكيف الجو في شهر أبريل

-------------

لأ كوب شاي عادة سعره ٦ ريال وهو سعر ليس منخفض .... لكن بالغالب لا تحتاج لشراءه لان يعطى مجانا بالمطاعم مع الماء

و الجو دائماً افضل ما يكون في الربيع فأي مكان في العالم بما فيه اليابان

اما عن شهر العسل فهذا سؤل صعب .... عن نفسي اراها مناسبة تماماً اذا رحلة شبابيه

اما عن رحلات عائلية فعندك Disney sea & Disney land فهذا يومين
و حديقة الامبراطور الشرقية + ملاهي كثيرة و معابد و متاحف .... لكن اذا كنت تفضل زيارة مكان ارخص عندك ماليزيا ربما .

يعطيك العافيه
سؤالي اليابان كله متاحف ما شي طبيعه جبال شلالات اموت عالطبيعه ما احب المتاحف وغيرها
في الاول كنت افكر الصراحه اسير اليابان من شفت تقريرك الرائع بس كله متاحف ستوالي احباط
ارجوك خبرني انا حاب اودي عيالي يعني تستاهل اسير الها او لا

-------------

ليسمحلي صاحب الموضوع على الجواب

اخوي اليابان فيها طبيعها خلابه تأسر فؤاد السائح ولدى إمبراطورية اليابان إهتمام بالاماكن السياحيه وخصوصا معابدهم أهتمام كبير ولاتنسى ان اليابان مجموعة جزر وبها مجموعة من البراكين الخامده واكبرها وسط جبل فوجي .. انصحك ان تتابع تقارير الاعضاء وسوف تغير كلامك

يعطيك الف عافيه على التقرير المفيد و الجميل
انا رايحه في اول مايو طوكيو اسبوع و واوساكا اسبوع مع زوجي و بنتي عمرها سنه اتوقع اذا رحنا نفس رحلاتك بتكون مناسبه لنا كون عندنا ياهل و له في عندك اقتراحات اماكن افضل و تونس ؟ شكرا لك

-------------

اختي انا نصيحتي بما ان رحلتكم قصيره في رأيي فا انصح توزيع الايام كالتالي :
3 أيام تكون في اوساكا
يومين تكون في كيوتو
باقي المده تكون في طوكيو
وللاستدلال على الاماكن السياحيه هناك اكثر من طريقة ,, تقارير الاعضاء منها التقرير اللي اكتب بداخله ومنها تقرير الاخ الكريم والعزيز QJQ لرحلاته عامي 2006 و 2007 وتقرير الاخ Mr.Jo ,, بعض المواقع السياحيه مثل هيىة السياحه اليابانية
Japan National Tourism Organization |
و

http://www.jnto.go.jp/eng/index.html

واي سؤال انا حاضر

الحمد الله على السلامه اخوي

مشالله عليك ماتروح الا الاماكن الجميله

والله تعجبني

-------------

الله يسلمك و حاولت فعلاً اختار اكثر الاماكن الي ارتاح لها ، لكن بعض الاوقات احوال الطقس من البرد و المطر ربما حالت بين الذهاب الى بعض الاماكن

و ايضاً افكر الذهاب الى اليابان في الصيف هذا او القادم لزيارة كيوتو + جبل فوجي ... لكن هذا المرة سأخذ معي مرافقي لطوارىء خصوصاً رحلة الجبل فوجي

الحمدلله على السلامـــة أخي العزيز .. بصراحــة تقرير مميــز جدا بكل ما يحتويــه .. حبيت أسألك أخوي عن طوكيو بشكل عام هل تنصحني بزيارتها ؟؟ والتكاليف ل 10 أيام جم تتوقع تكفيها ؟؟ وهل أمان هناك وايد ؟؟ سمعت ان طوكيو والمناطق اللي يمها خطره ومعرضه للزلازل هل صحيح ؟؟
أخوك .. " بويعقوب " .. ..

-------------

طوكيو احد اجمل عواصم العالم ، لكن الجمال و الشعور بالراحة في مكان امر نسبي فلا اقدر اضمن لك انك ستحب و ترتاح تماماً في طوكيو كل ما اقوله انها اعجبتني كثيراً ... وهي عاصمة اقتصادية تجارية ضخمة و ربما الاضخم في العالم ، ربما اذا اردت رؤية جانب الياباني القديم تقدر تجرب كيوتو و نوغويا

التكلفة عالية نوعاً ما .... حيث رسمياً تعتبر طوكيو الاكثر تكلفة في العالم ..... لكن تتوفر على الجانب الاخر جوانب التوفير و الاقتصاد بشكل كبير فتستطيع الاستمتاع فيها بشكل معتدل

الامن عالي جداً و انت حاول الذهاب الى اماكن التجارية المعروفة و تجب الذهاب الى الضواحي و الازقة الداخلية

الكوارث الطبيعية لا يوجد وسيلة لمعرفتها او تخمينها كما تعرف و اليابان معرضة لزلارل كل ١٠ اعوام او اكثر ... لكن بشكل عام خطر الزلازل ليس عالي كما تتصور و شبه نادر لديهم و ايضاً تصميم المباني موضوعه على هذا الاساس .

السلام عليكم،، ماشالله أخوي تقريرك لا يعلى عليه مثل ما يقولون ،، استمتعت الصراحة،، يعطيك العافية

عندي سؤالين اذا تسمح: الأول عن تحويل العملات..شو أحسن طريقة؟ (تحويل دراهك ل دولارات في ألامارات و بعدين تحويل الدولارات ل ين في اليابان؟؟ أو تحويل الدرهم مباشرة ل ين قبل السفر؟؟)

السؤال الثاني عن أكيهابارا.. هل تستحق الزيارة؟؟ و كم تعطيها من عشرة؟؟

و مشكور ما قصرت

-------------

تحويل العملات سؤال صعب جداً يفرق تماماً من دولة لدولة اخرى
انا جربت التحويل المباشر و طلع على غالي و جربت اسحب من فيزا من اليابان مباشرة على بنكي و طلع سعر معقول

اكيهابارا مقاطعة الكترونيات و تجارية و شبابية + مدينة المانغا و الانمي او بالاحرى عاصمة المانغا في العالم
و هي جميلة لمن يريد التسوق و مشاهدة اليابان التجارية ذات سعر معقول

و عندك ايضا Ginza الموجودة في طوكيو هي الاغلى في العالم و جميلة جداً و تحوي احدث التصاميم العالمية تستطيع التجول فيها لمشاهدة اليابان الحديثة

يعطيك العافيه ولد عمي على الشرح والصور وان شاء الله تكون استانست بالسفره

انا نفس الشباب عندي جم سؤال

انا بروح اليابان وحجزت بس راح اقعد في طوكيو مدة 10 ايام بروحي

وبسألك عن القطارات لاني جيكت عليها بس فيها تعقيد شوي

الحين انا وصلت مطار ناريتا الدولي؟ حلو؟

اكيد اني راح اركب القطار السريع اللي يسمونه الطلقه واروح طوكيو

شلون اعرف المكينه مالت التذاكر ان هالمكينه حق هالقطار؟؟

وقطار الطلقه عندهم مو بس واحد في الكبير واللي اصغر منه واللي اصغر منه بعد

واكبر واحد اهو ما يوقف الا عند المحطات الرئيسيه ( اوساكا - طوكيو - هيروشيما - فوكوكا .. الخ )

واللي اصغر منه يوقف عند محطات اكثر

بس اوكي انا الحين لما اوصل وبروح من ناريتا لي طوكيو لاني مابي اقعد في ناريتا عموما

شلون اعرف هالمكينه حق هالقطار بالظبط؟؟

وشلون طريقه المكاين للعلم ان في مكاين ما تقبل 1000 ين وانا روحتي من ناريتا لي طوكيو راح تكلفني 2000 ين

انزين الشغله الثانيه لما اوصل طوكيو .. مثلا نقول فندقي في منطقه shinjuku انزين اكيد اني راح اركب القطار العادي صح؟ انزين شلون اعرف ان هالقطار بيروح هالمنطقه؟؟

الشغله الثالثه انا لما اوصل shinjuku وطلعت بره المحطه شلون اوصل حق الفندق؟ هل اني اخذ تاكسي؟؟؟ وجم يكلف اذا المسافه 10 ميل تقريبا من المحطه لي الفندق؟

انزين اذا صار ثاني يوم مثلا وانا ابي اطلع ابي اروح اتمشى هل اني اقزرها كله تكاسي ولا كله بالقطار؟؟؟

وهل القطارات تشتغل بالليل؟؟

ادري اني طولت عليك بس اسمحلي انا من شفت الخريطه مالت القطارات وانا متعقد وشاكرلك ابوي

-------------

مرحبا يا الغالي اتمنى ان ما اكون تأثيري سلبي عليك بسفرك بمفردك الي ما انصح فيه
انت الحين اكيد رحت و سافرت لكن ما يمنع اجاوب على السؤال للفائدة

بصراحة ما نزلت في مطار ناريتا لذلك ما اعرف تفاصيل خارطة القطارات هناك ،

هذا المواقع تعطيك تفصيل ممل عن طريقة انتقال

Airport Transfer Narita | Tokyo Narita Limousine (Limo) & Bus Service.
Narita Airport (NRT)
Airport Access Information : Rail | NARITA INTERNATIONAL AIRPORT OFFICIAL WEBSITE
Airport Access Information : Buses & Taxis | NARITA INTERNATIONAL AIRPORT OFFICIAL WEBSITE
How to get to tokyo from narita airport - Narita airport access guide

انصح في الباص اذا كان معاك حقائب او التاكسي لكن التاكسي غالي الثمن

لما تنزل من قطار و تبي تنتقل الى قطار ثاني طبعا تخرج من سكة الي انت فيها و روح الى موظف الخدمة الي موجود عند كل بوابة دخول و خروج من سكة و اسئله عن موقع السكة الثانية الي تبي تروج لشينجيكو
دايماً هم نادر ما يرفضون الاجابة لكن للاسف الانجليزي عندهم ضعيف لذا فقط اجعل السؤال بسيط و اذكر اسم المحطة بوضوح

و لما تنزل من محطة نعم افضل شيء تاخذ تاكسي لفندق
اسعار التاكسي بالميل تقدر تلقاها بالانترنت
japan taxi rate - Google Search
gs_rfai=

مافي شيء يشتغل بعد الساعة ١٠ او ١١ بالليل الا الملاهي و الكازينو
لذا افضل وقت برحلاتك هو مابين ٨ او ٩ صباحاً الى ٨ او ٩ مساءاً4

يعطيك العافية على هذا التقرير بس حبيت اسال اذا ما عليك كلافة بغيت اعرف جم كلفت الرحلة تقريبا لاني مخطط اروح اسافر انشاالله في شهر 6 حق اليابان واضبط ميزانيتي

-------------

مممممم تختلف من شخص لاخر انا كلفتني الرحلة كلها ١٢٠٠ دينار كويتي للشخص الواحد
لكن ما خليت شي ما سويته خلال ١٢ يوم ، يعني ١٠٠ دينار كويتي في اليوم لكن خذ بعين الاعتبار تذكرة الطيارة و السكن تغير بسعر التكلفة بشكل جذري
اضف عليهم المواصلات هذه الاشياء الثلاثة اخذت ٨٠٪ من اجمالية التكلفة فإذا لعبتها صح تقدر تتحكم بتكلفة على الي يريحك

يعطيك الف عافيه على التقرير المفيد و الجميل
انا رايحه في اول مايو طوكيو اسبوع و واوساكا اسبوع مع زوجي و بنتي عمرها سنه اتوقع اذا رحنا نفس رحلاتك بتكون مناسبه لنا كون عندنا ياهل و له في عندك اقتراحات اماكن افضل و تونس ؟ شكرا لك

-------------

صعب اجيب على هذا السؤال ، لأن لم اجرب الرحلة العائلية لليابان
لكن اتوقع تطلع مكلفة السعر ، لأن تفرق لما تروح مع شباب فإن المواصلات و بعض الاماكن تسهل عليك ، لكن مع العائلة و طفل فأكيد تفرق بعديد من الامور

اخوي مشكور وايد بس سؤال نحجز حق القطارات و الرحلات من الحين و لا بنفس الوقت؟

-------------

ما في حجوزات مسبقة لقطارات لكن تشتري التذكرة من هناك
و انصح بمشاهدة المقاطع السبعة لليوتوب الي حطيتهم في ردودي الاولى لاخذ فكرة جيدة عن اليابان

اخوي انا عندي استفسار انشالله انا ناويه بروح شهر 9 يعني بالعيد ، شنو تنصحني فيه بما انك انك كنت اهناك ؟؟ شنو احلي المناطق عشان لا اضيع وقت يعني طوكيو تسوي لها جم يوم واوساكا جم يوم وناويه بروح نارا او كيوتو يسون او لا انا للحين ما حطيت الخطه بس قاعده اسوي لي جدول اشيل واحد وابي احد رايح ويفيدني واشلون علي غلاء الاسعار صج هالكلام او لا ؟؟؟ وبعرف الاسواق هل اهي اسواق راقيه او كلها شعبيه ؟؟؟

تحياتي لك

-------------

التنويع جميل جداً
لكن في الاولى حدد شنو تبي تشوف ، طبيعة ام تراث ام مدن تجارية
لأن كل مدينة في اليابان لديها اختصاصها وشئ مشهوره فيه

و اختر مكان فندق جيد لتكون مواصلات قليلة
اما الاسعار فكلام يطول فيه انت تستطيع تقييم التسعيرة لعديد من الامور قبل تسافر - فتعرف مبدئياً كم راح تكلفك الرحلة قبل تسافر
(تذكرة الطيارة + سكن + مواصلات + تذاكر دخول لاماكن ترفيهية ... الخ )

تسلم ع الموضووع والله ابدااع و مرتب بس بغيت اسأل انت تعرف تتكلم ياباني ولا ؟

وانت سويت لك جدول سياحي و لا رايح مع السياحه

ومشكوووور وان شاءالله ماثقلت عليك بالاسئله ^

-------------

اعرف اتكلم ياباني بشكل بسيط ( يكفي لفهم الحوار و نقاش بسيط )

رحت بجدولي الخاص بناء على معلومات شخصية + توصيات من صديق + معلومات انترنت

آخـــرفـــرصـــة و Prince Kytu معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي إلى اليابان 2008.. طبيعة ساحرة.. وشعب متطور.. وغريب..!!	abumohmd	بوابة اليابان	39	17-03-2016 11:53 AM
حديقة السفاري - رحلتي 2010 !	عاشق الخالد	بوابة اندونيسيا	16	14-02-2016 06:29 PM
رحلتي إلى اليابان .. بقلم .. امل عيسى	silent_dove	بوابة اليابان	18	28-12-2015 04:14 PM