نينو Nino - الصفحة 2

ملاك · 05-01-2016, 02:39 PM

بالعافية عليكم فاندا
المنطقة باين حلوة
اما سلطة الشمندر لو ماقلتي انها سلطة ماعرفتها
الله يعطيكي العافية وشكرا لك

fandaمعجبون بهذا.

ملاك · 05-01-2016, 02:47 PM

اقتباس : المشاركة الأصلية كتبت بواسطة MOBARKI

هنا وعافية

مطعم جميل ومرتب بس ليه يابو غسان اطلع جوعان

جاي عشان اشبع

تجربة مميزة ام ريم واطباق شهيه

مباركي انا بعد زي ابو غسان
مو نطلع جيعانين لكن خفيفين

fanda · 05-01-2016, 06:04 PM

اقتباس : المشاركة الأصلية كتبت بواسطة توبليرون

عوافي يارب
نينو من المطاعم اللذيذه
موجود عندا بعد
اليوم نوينا نتعشى فيه بس غيرنا
الظاهر الحين التوجه بالخليج انتشار مجمعات المطاعم
بكل مكان
السلطة نتيفه وغاليه علشان الكينوا
وحتى طبق بو العيال غالي لنفس السبب
هنا وصحة على قلوبكم
شكراا لذكر تجربتج ومعلومة المجمع الجديد

الله يعافيج يا ام حسين
مثل ما قلتي التوجه الحين لمجمعات المطاعم وانه اشوفه شي حلو ومرتب
الشارع الي قبال هذا المجمع في مجمع ثاني في الرفاع فيوز وكله مطاعم بعد

السلطه سعرها مرتفع بالنسبه لكميتها بس للامانه الطعم لذيذ
شكرًا لك عالمرور

fanda · 05-01-2016, 06:07 PM

اقتباس : المشاركة الأصلية كتبت بواسطة فيصل

بالعافيه

يم يم

أحس السلطه للتصوير أكثر من أنها للأكل....كثروا يأ هل المطاعم الكميه
شكرا ام ريم

الله يعافيك
العين تعشق كل جميل
بس كانت شكل وطعم

fanda · 05-01-2016, 06:14 PM

اقتباس : المشاركة الأصلية كتبت بواسطة آخـــرفـــرصـــة

بالعافية عليكم أم ريم

تقديمهم رائع

يعجبني المطعم اللي كمياته محدودة
يخليك تستطعم الاكل غصب عنك و تطلع جيعان
عشان ترجع له مرة ثانية

السلطة مرة قليلة لو ما طلبتوها احسن

القمبري يا سلام شكله يشهي

و السعر أشوفه معقول مقارنة بتقييم المطعم

الله يسعدك

الله يعافيك يا ابو غسان

التقديم رائع يخليك تتحمس للاكل والاهم انه الطعم بنفس المستوى

الكميات تحسها قليله بس تراها كافيه وتشبع او يمكن احنا مب اكيلين

السلطة سعرها مبالغ لما شفت الوصف في المنيو شرايح جرجير مع شمندر وجبنة فيتا وكينوا تخيلت يجيني طبق مليان نفس سلطة الجرجير
بس أقول لك سر بيني وبينك ، كان في صورة للسلطة في المنيو بس ما شفتها الا لما نزلت التقرير يعني الخلل مني

شكرًا لك ابو غسان انته الي حمستني انزل تقارير للمطاعم

fanda · 05-01-2016, 06:16 PM

اقتباس : المشاركة الأصلية كتبت بواسطة الغردقاوي

المطبخ الإيطالي له عشاق كثيرون
تسلمي مشرفتنا على التعريف بالمطعم

لذيذ الاكل الايطالي بس الغالب يكون دسم
شكرا لك عالمرور

fanda · 05-01-2016, 06:21 PM

اقتباس : المشاركة الأصلية كتبت بواسطة فتاة الدمى

وعليكم السلام ورحمة الله وبركاته

ياصباح الإيطالي اللذيذ

صحتين وعافية يارب على قلبكم المطعم عجبني عشان الديكور والمنيو والطاولات أبيض وأسود

عجبتني جداً طريقة التقديم خصوصا شرائح الدجاج

احب المطاعم اللي تقدم الكينوا لأنها خيار صحي للي مايحب يخرب نظام أكله وبنفس الوقت يستمتع بالطلعة

يعطيكي ألف عافية يارب

الله يعافيك فتاة
ديكورات المطعم بسيطه بس مريحه
طريقة التقديم جدا مشجعه للاكل والحمد لله يقابلها طعم ممتاز
الكينوا نازل جديد في منيو المطعم واشوفه أضافه موفقه
شكرًا لك عالمرور

fanda · 05-01-2016, 06:24 PM

اقتباس : المشاركة الأصلية كتبت بواسطة الايمان

هني وعافية
نينو من المطاعم اللي احبها بالكويت
خصوصا الروزيتو وايد يضبطونه

الله يعافيج إيمان
جربت قبل ريزوتو روزا و فونجي والاثنين لذيذين
شكرًا لك

الايمانمعجبون بهذا.

fanda · 05-01-2016, 07:29 PM

اقتباس : المشاركة الأصلية كتبت بواسطة dana99

عليكم بالعافيه

الاكل شكله لذيذ ، أحب المطاعم الإيطالية بس للأسف ابو حمد عكسي تمااااما عشان كذا ماروح لها كثير

الله يعطيك العافيه تقرير جميـــل

الله يعافيك دانه
الاكل كان موفق ولذيذ
صحيح المطعم إيطالي بس في خيارات كثيره للاكل ما تحسي ممكن تعجبه

fanda · 05-01-2016, 07:32 PM

اقتباس : المشاركة الأصلية كتبت بواسطة OLGA

ماشاءالله بالعافيه عليكم
نينو البحر ذكريات المراهقه لوول
المجمع شكله بيكون حلو عقب مايفتح وو قعداته حلوه
شكرا فاندا

الله يعافيك اولغا
المطاعم الموجودة والي راح تفتح كلها ممتازه
موقع المجمع ممتاز بعيد عن أماكن الزحمه المعتادة
أتوقع راح ينجح بقوه

شكرًا لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري