نامت عيوني على حسنك ؟؟ - الصفحة 8

q8ya metnaqla · 24-02-2015, 09:25 PM

مسائكم خير ياحلوين واسفه على التأخير
اكمل معاكم الجزء الاخير من رحلتنا واخر ليلتين

طلعنا من ميلان بتاريخ 9 اكتوبر 2014 يوم الخميس
واحنا بالطريج وحاسبين حسابنا انه نوقف عند مكان كان المفروض نوقف عنده من قبل بس قدر الله وماشاء فعل تعطلت سيارتنا ومارحناله ..
والحين بعض الصور من الطريج

يتراوالي بين مقصدنا
اهو حبيب الحريم اكثر هههههه
فوكس تاون اوت لت fox town outlet

طبعا نزلنا وعطيتهم وقت معين لكن اذن من طين واذن من عيين تقريبا قعدنا 3 ساعات وهذا شي متعب لي لاني مااحب اقعد في السوق كل هالمده اتنرفز ف حنيت عليهم حنه عشان يطلعون يعني هال3 من بعد حنه ورنه فوق روسهم )

وهذا الاوت لت من برا وداخل

واختكم امتكية اهني

ونخلص من الاوت لت ونتجه الى مقصدنا

فارس من خيال و هاوية الاسفار معجبون بهذا.

q8ya metnaqla · 24-02-2015, 10:39 PM

بعد ماخلصنا من الاوت لت
توكلنا على الله ورحنا

زيوووورخ zurich

اشكر كل الشباب اللي ساعدوني في الطريج من ميلان الى زيورخ وسهلوا لي الطريج بدال جبال هاي وي ( القطري - qa6ar911 - مقدام وان شاءالله مانسيت احد اشكرهم كل الشكر )

وصلنا زيورخ بعد طريج من احلى مايكون من طبيعه وخضره
وبالتحديد على فندقنا

وهذا اسم فندقنا
4 ستار ويطل على النهر مبااااشره ماادري بحيره احترت

Steigenberger Hotel Bellerive au Lac

الفندق ممتاز من كل النواحي - الا الريوق اللي مايغيرونه في كل الفنادق نفس الشي

وهذي بعض الصور من النت من برا الفندق

لوبي الفندق

المنور عجيب

نصعد غرفنا

هذي الغرفه اللي على النهر حق نبع الحنان

اخييييه على هالمناظر اللي نقعد ونصبح عليها الواحد مايطلع من الفندق

تكرمون الحمام الشور بروح والتواليت بروح

ابي ارجع اقعد اهني ((

الغرفه الثانية twin bed وتطل على داخل الفندق

الحمام عزكم الله

والكبت

هذا اللي تطل عليه الغرفه الثانيه

بعد ماخلصنا الفندق وريجنا رحنا نتمشى في شوارع زيورخ الجميله
بصراحه حيل حبيتها وراح ارد ازورها ان شاءالله

وخليك هنا خليك .. بلاش تفارق ..

بتقول يومين .. وتغيب سنة .. بلاش تفارق ..

زيورخ تنقسم الى زيورخ القديمه بمبانيها البسيطه وبيوتها الحلوووه وزيورخ اليديده بأبراجها هذا على كلامهم
بس انا ما شفت وايد ابراج والحلو وحببني في زيورخ سكيكها اموت على السكيك

الترامات الحلوه وسهلة الاستخدام ترا استخدمناهم

برد وكاياك فراغه انتوا ) كلش مو محتره

جزء من زيورخ القديمه

شارع السوق في زيورخ اليديده

تقريبا نفس اوكسفورد على اليمين واليسار محلات

فندق سافوي على اليسار

نرجع على زيورخ القديمه وسكيكها

اتمشى تحت هالسور واناظر بيتك المهجور وينك يافنر هالبيت
بعدك انطفى العالم ومابقى بالشوارع نور

من اعز المحلات اللي فقدتها في لندن C&A

ناديت بأعلى الصوت يا صاح انا مجروح
محد سمع صوتي ومحد درا بي اه لو اشوفك يا هوى البال والروح

تأخرتي يا عمري الذي اقبل
تأخرتي وهذا الموعد الاول
احسب له انا الايام والساعات واللحظات

بعد ما تمشينا وحاشنا اليوم وبدينا نتهاوش قلت لازم ندور مطعم بأسرع وقت واحنا نمشي شفت واحد امريكي كنا نتشاور علية ما اشوف الا نبع الحنان تقول فلااافل قلت شنو فلافله يما مافي الحين جان تقول كاهوو شوفي ولا محل صغير كنسولوا الامريكي وراحوا للفلافل جان يطلع الفلافل مطعم شكبره لبنـــــــــــاني واخيرا بناكل اكل عربي والله على اول طاوله ونطلب وطبعا ماتغير حتى لليوم الثاني )

موجود بزورخ القديمه بالساحه على النهر وجدامه مسرح مكانه وايد حلو وشرح

المقبلا
حمص - لبنه - فلافل - سلطة - عرايس

جبده دياي بدبس الرمان

الاطباق الرئيسية
كباب - شيش طاووق

الحساب ماادري جم للاسف لان نبع الحنان الله يخليها اهي اللي ادفعت
وتم القصف والحمدلله

ونطروني في اخر يوم في زيورخ وينتهي تقريري واودع البوابه الساحره ( ســـــويســـــرا )

فارس من خيال و هاوية الاسفار معجبون بهذا.

فيصل · 25-02-2015, 05:51 PM

غريبه أنثي ما تحب السوق
أيش رأيك بالأوت لوت
زيورخ زرتها يوم بس وحسيت ما عطيتها حقها
متابعين معاك

الغردقاوي · 25-02-2015, 07:00 PM

كالعاده جزء غني وثري جدا بالصور والمعلومات
- كومو ويا جمال كومو
حديقتها سبحان الله ساحره ومنظر الأوراق وألوانها على الأرض يسحر ،
وأنا عرفت ليه رايحه مخصوص ، مش لأجل الطيران ، لأ نو أبسليوتلي
أنتي كنتي رايحه تشوفي أسمك على جذع الشجره
بس ده طبيعي ولا صناعي ههه ،
رحلة الطائره ممتعه وألوان المازل وسط الغابه يسحر وتداخل جميل
لكن جورج كلوني حسب المعلومات المنشوره عنه أنه أمريكي من أصول أيرلنديه فما دخل كومو بذلك ؟؟ يمكن يكون منزل يتخذه كمصيف لا أكثر ولكنها ليست ديرته ،
- زيورخ رائعه وخصوصا صورك لها أوقات الغروب وبالليل
منازل جميله وشزارع نظيفه وممهده بشكل جميل وإبداعي

تسلم إيدك ومنتظرين الباقي

وجهات أوروبية · 25-02-2015, 07:07 PM

العفوووو مشرفتنا ابرار ماسوينا الا الواجب

ماشاء الله تقرير روعه وفوق الممتاز اتسمتعت فيه جدا جدا
كل ماجيت ابي اقتبس صوره اعجبتني حصلت تحتها صور احلى منها

وكل ماجيت ابي اعلق على كلام او وصفج احصل تحته وصف احلى منه

الصور وطريقه سردج للتقرير روعه اعجبتني وايد
والصوره نفسها تتكلم عن نفسها

بخصوص مطعم الارز في الويكند مشكله وخاصه بالصيف الطاولات عندهم بالحجز وفل
وهو من 3 ادوار ومش ملحقين
بس الي لاحظته خدمتهم جدا ممتازه

روعه الطياره والرحله شكلها كانت ممتعه كثير

ابدعتي بالتقرير

وبأنتظار البقيه

q8ya metnaqla · 04-03-2015, 04:54 PM

ايي بوغازي لان اهم شي عندي وناستي قبل السوق
السوق اخر اللسته
الاوت لت حلوو وماشاءالله كان فيه خليجين وايد
تبي الصج زيورخ احنا ليلتين بس بصراحه احس اقل شي يبيلها اربع ليالي وااايد حبيتها
ان شاءالله اليوم الاخير وانخلص التقرير

الغردقاوي
تعجبني تعاليقاتك
كومووو اتينن ويكفي هدوئها
هههههههههههههه ده طبيعي يا عم
رحلة الطياره تجربه وايد حلوه
جورج الله يسلمك واغلب المشاهير ماخذين بيوت في كومو وان شاء الله الله يرزقني ويرزقك ويرزق اعضاء المنتدى في الجنه والدول اللي يبونها
اي زيوورخ عجيبه وبيوتها اتينن حلووه زيوورخ

قطر911
يزاك الله خير
والله يا قطر الصور بروحهم يعبرون من غير ما اعلق وبالطبيعه ودي كل ما عيني رمشت اتصور صوره وتبع على طول سبحان الله الطبيعه شي خيالي
وااو ماشاءالله احنا اول شي على بالنا دكان صغير فلافل وامش بعدين شفنا بالساحه بس اكله لذيذ بوخدمتهم موايد متازه
رحله الطياره وايد حلووه بصراحه
ان شاءالله اليوم الجزء الاخير
وشرفني مرورك

الغردقاوي · 28-03-2015, 02:44 AM

اقتباس : المشاركة الأصلية كتبت بواسطة q8ya metnaqla

الغردقاوي
تعجبني تعاليقاتك
كومووو اتينن ويكفي هدوئها
هههههههههههههه ده طبيعي يا عم
رحلة الطياره تجربه وايد حلوه
جورج الله يسلمك واغلب المشاهير ماخذين بيوت في كومو وان شاء الله الله يرزقني ويرزقك ويرزق اعضاء المنتدى في الجنه والدول اللي يبونها
اي زيوورخ عجيبه وبيوتها اتينن حلووه زيوورخ

ههههههههههه والله مش حتصدقي قرات أسم المدينه في تعليقك
كومو أتينن
يعني أسم مكون من مقطعين
وفييييييين أخدت بالي أنك تقصدي كومو إتينن بمعنى كومو إتجنن هههههههه
جننتيني يا شيخه

وربنا يوعدنا جميعا بيوت في كومو أو حتى في قريه جمبها

يلا أروح أشوف الجزء الباقي وأرجع أعلق عليه
بس بعد ما أسويلي كوب شاي يعدل المزاج أو المزاي

سلام مؤقت

q8ya metnaqla · 29-03-2015, 04:37 PM

اقتباس : المشاركة الأصلية كتبت بواسطة الغردقاوي

ههههههههههه والله مش حتصدقي قرات أسم المدينه في تعليقك
كومو أتينن
يعني أسم مكون من مقطعين
وفييييييين أخدت بالي أنك تقصدي كومو إتينن بمعنى كومو إتجنن هههههههه
جننتيني يا شيخه

وربنا يوعدنا جميعا بيوت في كومو أو حتى في قريه جمبها

يلا أروح أشوف الجزء الباقي وأرجع أعلق عليه
بس بعد ما أسويلي كوب شاي يعدل المزاج أو المزاي

سلام مؤقت

ههههههههههههههههههههههه انا اعتذر لاني اقول كلمه شلون اكتبها بس لاشعوري وانسى واكتبها بلهجتنا انا اسفه
امييين يارب لو في حاره راضين
ههههههههههههه لالا يالغردقاوي مو كل شي بحرف الجيم نقلبه ياء ههههههههههههه المزاج ماتتغير الجيم

توبليرون · 05-03-2015, 04:16 AM

روووعه وابداااع سوالف وكلمات اغاني وتصوير
سبحان الله الطبيعه الاوربيه تهويني موووت
صورة علم بلادي لما اشوفها بره تييني العبرة استانس حييل
اما الطيارة دام انج خايفه چان براشوت وعلى بيت كولوني مدامه موجود
وزرتيهم وتغديتي معاهم
ابرار زين سويتي لا تخلين شي بخاطرج
اما زيورخ حبيناها مثلج
يعطيج العافيه وبانتظار الحلقه الاخيرة

q8ya metnaqla · 05-03-2015, 07:40 PM

اقتباس : المشاركة الأصلية كتبت بواسطة توبليرون

روووعه وابداااع سوالف وكلمات اغاني وتصوير
سبحان الله الطبيعه الاوربيه تهويني موووت
صورة علم بلادي لما اشوفها بره تييني العبرة استانس حييل
اما الطيارة دام انج خايفه چان براشوت وعلى بيت كولوني مدامه موجود
وزرتيهم وتغديتي معاهم
ابرار زين سويتي لا تخلين شي بخاطرج
اما زيورخ حبيناها مثلج
يعطيج العافيه وبانتظار الحلقه الاخيرة

ماتنلامين في الطبيعه الاوربيه والجو البارد
انا بعد اطير من الوناسه
ههههههههههههههههه وي ياريت ما كان مو جوود للاسف - واصلا الطياره حتى براشوت مافيها
لا والله ماخليت الحمدلله - صج تنحب
الله يعافيج ان شاءالله يايتكم الاخيره

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الأسواق والتسوق في إيطاليا .. بقلم ام عيوني	فريق التطوير	بوابة ايطاليا	15	26-08-2019 05:51 AM