13-02-2016, 12:03 AM
|
#16 |
مراقبة العرب المسافرون
تاريخ التسجيل : Dec 2014 رقم العضوية : 148 الدولة : الشرقيه الجنس : انثى المشاركات : 2,045
| أوسـمـة: عشقي السفر |
كل الاوسمة:1 (more»)
| | 
 |
الحمدلله حجزت في ياسات جلوريا شارع الشيخ زايد
باقي البرنامج انتظرك أختي عشقي السفر الله يعطيك العافيه ويجزاك الخير   | |
اختيار موفق جدا الموقع ممتاز والشقق نظيفه ومرتبه وامامها المترو مباشرة
اليوم الاول 12 مارس الوصول الظهر باذن الله يعني على ماتخلصون من المطار وتتوجهون الى السكن راح توصلون العصر والراحه بعد الرحله
التوجه الى مرسى دبي والجي بي ار وتناول العشاء هناك يوجد مطاعم ومحلات تسوق وسينما هنلك جو جميل خصوصا اذا وصلتو هناك قبل الغروب اكثر جمال اذا حابين اكل لبناني وعربي بحكم الوالد مايحب المطاعم ممكن تخلون العشا بمرسى دبي افضل لوجود مطعم ريم البوادي والصدف وغيرها من المطاعم العربيه
اليوم الثاني 13 مارس
عندك خيارين :
الاول بعد الفطور التوجه الى حديقه الزهور وثم حديقه الفراشات وتقضين النهار هناك وبعد كذا تتغدون في مطعم المزرعه the farm الموجود بالقرب من القريه العالميه
هذا رابط الموقع الخاص للمطعم
https://www.google.com.sa/maps/place...3693366d?hl=en
وبعد الغذا التوجه الى القريه العالميه تفتح الساعه 4 عصرا الى 12 ليلا او 1 صباحا
او
ثانيا التوجه الى ابن بطوطه مول وقضاء فترة النهار هناك ثم التوجه الى مطعم المزرعه والغداء هناك لان مول ابن بطوطه لن يحتاج اكثر من 2 ونص خصوصا انك ماراح تتسوقين والمشوار منه الى القريه العاليه ياخذ ساعه الا ربع تقريبا
اليوم الثالث 14 مارس
هذا اليوم اذا حابين تستخدمون المترو راح يكون مناسب من محطه المترو Dubai Internet City Metro Station 1 والركوب والتوجه الى محطه مول الامارات يعني اول محطه لاتنزلين نزلي المحطه الثانيه
المترو راح ينزلك مباشره في مول الامارات وممكن تزورون القريه الثلجيه والاهل يجلسون بالمقهى اللي عنده ويقدرون يشوفونكم من الزجاج وتتغدون هناك ومن المطاعم العربيه مطعم الحلاب
التوجه الى محطه المترو وركوب المترو الى محطه برج خليفه تقريبا ست محطات بعدين تنزلين هنا راح تمشين في ممر مكيف يوصلك من المترو الى مول الامارات يعني 7 دقايق مشي ممر مممتع محلات وسوق او تاخذين تكسي من المحطه الى المول
وتكملين اليوم في دبي مول عندك الاكواريوم والنافوره واذا حابين تزورون برج خليفة حجزي من النت حتى تحصلين موعد مناسب واوفر لك واذا رحتي النافوره راح تلقين اما مول دبي مول سوق البحار مول صغير وجميل وفيه مطاعم مطله على النافوره منظر ولا اروع طبعا انصحط بالعشا في احد المطاعم المطله على النافوره سواء في دبي مول او سوق البحار والعوده للسكن ممكن العوده بالتكسي لان اخر رحله للمترو راح تكون الساعه 11:30 ليلا يعني قبل هذاالوقت تكون بالمحطه وبعد المشي وباخر اليوم راح تكونون متعبين للعوده الى المحطه فانصح باخذ تكسي الى السكن
اليوم الرابع 15 مارس
التوجه الى السيتي ورك ثم الى ميركاتو مول مول هادي على الطراز الايطالي ومطاعم وبعد كذا ممكن تحجزون لعرض الدلافين في حديقه الخور عرض الساعه 6 مساءا ممكن تحجزين من قبل انتي اذا دخلتي ياسات جلوريا سالي هل عتدهم مكتب حجوزات لانه اوقات يكون السعر مناسب يعني اذا كان عرض الدلفين السعر في حدود 100 الى 120 درهم مناسب ورحله البوم اتوقع راح تكون في حدود 180 الى 220 درهم لكن مو متاكده اتمنى الاخوان يوضحون سعر الرحله وتحجزين للعرض وتحجزين رحله بحريه مع عشاة راح تتمتعين فيها غشاء بوفي مشاوي واللي تنطلق من القرية البوم القريبه من حديقه الخور ويوجد ايضا بحديقه الخور تلفريك حاليا صيانه لكن احتمال وقتك يكون شغلوه
اليوم الخامس 16 مارس
طبعا بما ان معاك سياره فبتاخذين معاك الشنط حقتك وتروحين الى مول الوافي وبعد كذا تروحين تتوجهين الى الفيستفال سيتي وتكملين باقي الوقت هناك لانه اقرب مول للمطار طبعا خلي تسليم السياره بالمطار
وبالتوفيق
انا راعيت ان معاكم الوالد لذلك قللت التنقلات علشان مايتعب ويمل والحلو بالسفر انك تستكشفين المكان ووتتعرفين عليه مو مجرد انك تقولين اني زرته
اذا عندك اي تعديل او اي مكات ودك تغيرينه او تضيفين مكان والافضل انك تطلعون من السكن الساعه 11 او قبل حتى تستفيدين من الوقت ومممكن تاخذين سخان وتحطون وجبه للوالد وياكلها متى ماحب انا اسوي مع زوجي لانه مايقدر على اكل المطاعم فمانعطل نفسنا اجهز له الاكل وبعد كذا نطلع
رحله موقفه باذن الله ترجعين بالسلامه |
|  |
34الاعجاب
العرض الشجري
المواضيع المتشابهه 
