عذرا تأخرت عليكم في الرد على إستفساراتكم لكن إنشغلت شوي اليومين الماضية
نكمل الجزء الثالث وسوف نبدأ من حيث انتهينا
وباقي الأجزاء سأكملها في نهاية الأسبوع بإذن الله
وعدتكم الآن بـ جولة في المنتجع والبوفيه ..
وقبل ذلك حبيت أذكر معلومة نسيتها في الجزء اللي فات وهو سعر الهيل فيلا ..
كان 1400 ريال شامل الضرايب والخدمة والفطور لشخصين وتعلمون أن الأسعار تتغير حسب الموسم
( مع العلم أن السعر تغير الآن حسب ما ذكرت في البداية )
بعد دخولنا الفيلا ارتحنا قليلا من عناء السفر ثم طلبنا غداء داخل الفيلا
واتغدينا في البلكونة وكان هذا غدانا
وجبة تشكن كاري مع رز أبيض
وهذي وجبة زوجي همبورجر لحم مع توابعها ,, وجميع الوجبات بدون عصير
وكانت لذيذة ومشبعة جدا بس وجباتهم غالية
ولا يوجد أي خيارات أخرى من مطاعم سريعة وغيره ,, فقط مطاعم المنتجع
وهذا المنيو تبعهم وواضحة الأسعار فيه
وكذلك وجبة العشا طلبناها في الفيلا ..
واستقبلتنا بانكور تلك الليلة بأمطار راااائعة وبروق ورعود وهواء عليل منعش
كنا جالسين في البلكونة طول الليل كل ما غلبنا النعاس تحسفنا نضيع الجو هذا
كنا لا نسمع إلا صوت الطبيعة فقط
صوت زخات المطر وهدير أمواج البحر وأزيز الشجر
تنبعث من ظلام دامس يبعث الأنس على غير عادته !
وفجأة يأتي البرق وينير الآفاق فترى اجمل انعكاس للطبيعة
ووقت الشروق بهرني هذا المنظر وكان أجمل شروق رأيته في حياتي 
وواضحة آثار المطر في البلكونة لأن المطر ما وقف إلا قبل الفجر
ونزلنا بعدها نفطر في البوفيه واللي كان ضمن الحجز
وهذي صور للبوفيه خلال كم يوم , حياكم معانا ..
وهنا جلستنا يوميا طول الأربع أيام 
وهذي إطلالة للبوفيه عالحديقة ..
وفي طريق العودة مرينا عالمكتبة وهي ملاصقة ومفتوحة عالبوفيه وبينهم هذا الممر
والحلو في المنتجع انو كل المطاعم والكافيهات مفتوحة عالهواء الطلق وليست مغلقة ..
ونكمل للمكتبة و وهي المكان الذي يتوفر فيه الواي فاي المجاني
بالإضافة للوبي وهو ايضا ملاصق لها..
ومن هذا الجهاز تحديدا دخلت على بوكينج وألغيت حجز الماريوت
لأننا فضلنا العودة لتريدرز الراااائع وحجزنا من نفس الفندق خلال إقامتنا فيه
قبل بانكور وتركنا عندهم بعض الأمتعة للعودة ..
وهذي الجلسات في المكتبة .. جوها ساحر تشعر فيها بخصوصية تاااامة
وكنت أقضي فيها ساعة يوميا عاللاب توب , طبعا كنت مسنترة هنا في المنتدى 
وهذي جلسات مقابلة للمكتبة شكلها رااائع صورتها في وقت لاحق ..
وهذا اللوبي ..
ثم بعد الظهر قررنا نتغدى في المطعم ( Royal bay beach club )
وفي الطريق شفنا متجر جنب اللوبي اسمه The kazbah
ويبيع كل شي .. ملابس وقبعات واكسسوارات وشنط وألعاب أطفال وأشياء منوعة
وهنا غرفة القياس ..
وهنا رف الشوكولاتات وبعض المستلزمات اليومية ولفت نظري الكتكات 
هذا الكتكات القديم مالقيته هناك إلا في الجزر فقط , وبصراحة ألذ بكثير من الجديد ..
لاحظوا سعره في المنتجع
اشترينا من المتجر تيشيرت لزوجي بحوالي 85 رنقت وكملنا للمطعم ..
يتبـــــــــــــع
323الاعجاب
29-02-2016, 11:08 AM
العرض المتطور
المواضيع المتشابهه 
