وجهتنا الآن من مارسيليا إلى مدينة كان
مدة الرحلة بالسيارة : ساعتين دون توقف

تشيك آوت وبسم الله دعاء السفر

صور من الطريق عشان تعيشوا الأجواء معانا

Toll Charge
تدفعوه كل ما تدخلوا مدينة
وقبل ما تخرجوا منها يعطوكم تيكيت
ولما تدخلوا التيكيت في الوجهة الثانية يحسبوا كم مشيتوا بالكيلو
وتدفعوا على حسب إستخدامكم للطريق
أحياناً السعر يختلف على حسب اهمية المدينة
لو مدينة مزدحمة غالي لو مدينة صغيرة أو قرية رخيص

السماء صيفية كما لاحظتم
زرقاء نقية

الطريق نفسه (تمشية) حلوة
المناظر الخضراء والمراعي وزرقة البحر
ميكس روووووووعة

بين فترة وفترة نوقف نرتاح
في محطة إستراحة

هذي واحدة من الإستراحات

مع إنها سوبرماركت محطة بس اتجننت عليها
عندهم أشياء حللوة تعكس طبيعة منطقتهم

نفسي أوزع هذا الملصق في كل مكان

طبعاً أنا هنا بأصور بسرعة عشان ألقط أسماء مناطق
قد لا يعرفها أي سائح عادي يجي للمنطقة المعروفة فقط

أهل هذي المنطقة أدرى بشعابها

هذي أشتريناها.. ملح وفلفل أسود للطاولة

وأبو عمار يوقللكم: كل شيء ينزل تحت إلا القهوة تطلع فوق

عن نفسي أكتفيت بموية
ففطور مارسيليا ماشاء الله لازال مفعوله ساري
أما أبو عمار فيبرر جوعه للسواقة اللي تخليه يحرق اكثر
مني أنا اللي بس جالسة أصور هههههه

وهذي كان

وهنا تدفعو
وخذوها نصيحة ذهبية من معمارية

(مو بس خبيرة جزر) (خبيرة جنوب فرنسي كمان ههه)
إذا بتسوقوا هناك وتلفلفوا بين المدن

خذوا معاكم يورو كوينز

معظم هذي المكاين ما فيها أحد
وباليورو تدفعوا ، وإذا كان كوينز أسهل
في شيء زي السللة ترموا فيها الكوينز وتتفتح لكم البوابة
هذي النصيحة قاللنا هي واحد فرنسي خبير
وفعلاً وجدناها مفيدة جداً خاصة وأننا تنقلنا كثيراً
بين المدن هناك وحتى في إيطاليا

الطرق السريعة سهلة
حتى بدون جي بي إس ما تضيعوا
إنتبهوا بس على اللوحات الإرشادية

يتبع