كــان وأخواتها - جنوب فرنسا صيف 2012( بقلم / د.معمارية)

فريق التطوير · 03-03-2016, 04:46 AM

يوم حافل وحسينا بالجوع
خاصة وأنا ما أكلت من بعد فطور مارسيليا

ونزلنا بعد ما صلينا وقلنا خلينا نشوف مطاعم كان
اللي بيمدحوهم ويمدحوا الطباخين الفرنسيين النخبة
اللي يجوا فيها في الصيف وفي الشتاء يرجعوا تاني

حتى فندقنا فيها إستعراضات
وفي الليل سبحان الله السيارات هذي ما أعرف من فين تطلع

في البداية لقينا مطعم ياباني
بس طلع يبيعوا سوشي وما عندهم تابانياكي أو تمبورا
وأبو عمار ما عجبه يقول
خلينا نآكل اكل أكل في مطعم وجلسة

كان لها وجه آخر في الليل
فخامة ليلية مع الأضواء والأنوار
جو تاااااااااااني غير الصباح

المهم لقينا مطعم هذا إسمو
(عاد هنا أبو عمار يقول لا تصوري المنيو وتفضحينا
هذا مو تقرير مطاعم دبي ، خلينا بريستيج شوية ههههههه)

دحين في كراسي
بعد شوية كلو أتعبى ما في مكان من الزحمة

وأول شيء يتآخذ المقاعد اللي على الشارع
يا حبهم السياح في تناول أكلهم برة المطعم على الشارع

الباغيت في الصباح لزيز وحتى في الليل لزيز

طلبنا سلطة نيسواز الفرنسية
بيني وبين أبو عمار

وأبو عمار مدلع نفسه وطلب لوبستر

أما طلبي فهو سمك سي باس مشوي
يالله على الطعم .. راااااااااااااااائع جداً
لدرجة من يومها بس اطلب سي باس في كل الجنوب الفرنسي

ما تتخيلوا قد إيش الجو كان رائع
واحدة من أمتع العشاءات اللي حظينا بيها في هذيك الرحلة

وفجأة نسمع صوت فرنسيين يغنوا وشي
ولقينا فرقة تمر بين المطاعم وتعزف
وبعدها إذا الزبائن أعطوهم قروش يآخذوها
بس أعطوا جووووو

هذا اللي دخل يجمع الفلوس بعد ما صفقولوا الناس
طبعاً أبو عمار يقول ما أعطيه قرش هههههه
مو عشان بخل .. بس عشان مبدأ

الحساب 70 يورو
أي ما يعادل= 335 درهم

الأكل جداً قليل والسعر عالي

لكن معقول على المستوى اللي ذقناه
وأتوقع سعره جداً ممتاز مقارنة ببعض المطاعم الأغلى منو

وبهذا اختم أحداث هذي الحلقة
أتمنى أن عجبتكم

ياللا ناموا بدري عشان تاني يوم نروح مكان حلووووو

غراسي

ومغامرة أخرى جميلة

أراكم قريباً جداً جداً

Meme Bahrainمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير: بلاد الشكولاتة بلجيكا - بروكسل+ بروج مايو 2011 (صور وفيديو) بقلم د. معمارية	فريق التطوير	تقارير لا تنسى	36	22-04-2024 10:58 AM
ليلتين في جنوب فرنسا	نجود	بوابة فرنسا	2	26-05-2015 04:45 PM