عدستي بصحبة عائلتي لتوثيق رحلتي للبلاد الأفرو أوروبية (جنوب إفريقيا 2012 )بقلم محيرهم

فريق التطوير · 06-03-2016, 04:18 AM

يا هلاااااا وغلااااا بالغالين

اليوم يوم وداع القاردن رووت

وتحديداً ويلدرنس

وقبل التوديع نقيم هالفندق

تقييمي

8 / 10

يمكن تقولون ليش نقصت هالنقطتين

بقولكم عشان الغرف ما فيها ثلاجة

وعشان مطعمهم الرسمي لايقدم الأكل الحلال

ولا الفندق اللي بجنبهم ( وش دخله هههههههه )

يعني تروح لمول القاردن رووت ويبعد 10 كم على طريق جورج

عشان المطاعم هناك...

والباقي كل شي حلوووو

( يكفي موقعه للإستجمام وللتصوير وهو الأهم هههههههه )

من البارح مستعدين للرحلة القادمة وتوديع سكن وإستقبال سكن ثاني

وكالعادة لازم تشحن الأجهزة بعد من الليل

طبعاً

اتوقع إن الفندق للحين يبحثون عني

وش الهبال هذا هههههههههههه

شكله طفى كهرب الغرف الثانية

وترا اللي بالوسط سلك توصيله بعد ههههههه

عملنا التشك أوت

بكل يسر وسهوله

ما قلتلكم قبل إنا أخذنا رقم اصحاب الهيلوكبتر

وكنت معطيهم جوالي السعودي لإني ما طلعت للحين رقم من عندهم

والصراحة كانو متواصلين معي وبالرسائل

لإني قايلهم عن آخر يوم أقدر فيه أمرهم

وفعلاً اليوم اللي قبل نمشي فيه جتني رسالة قبل العصر تقول إذا بتجون اليوم زين الجو

بس فكرت بكرا أفضل لإن مكانهم بموسل باي وهي على طريق سكني القادم

وبنفس الوقت هم قايلين بالرسالة الحين أو بكرا أفضل بكرا بكرا

حطيت أحداثيتهم

وهي ماخذها من حبيب قلبي ابوهاشم

مكان ركوب الهيلوكوبتر في موسل باي

S 34°09.551
E 22°03.643

مشينا والطريق جمييييل جداً وسيدين

ولا يخلو من ساهر

بس لي مع ساهر معلومات

بخليها بنهاية التقرير إذا كنت من الحيين

هي ومعلومات عااااامة

وصلنا لمكانهم

وصلنا للمكان ودقايق وهو جاي الكابتن يستقبلنا

وواضح من هيأتنا ( فملي سأودي ) يس يس

قالنا كم اللي بيركبون

قلت بس أنا والأبطال الثنين

قال أوكي دخل السيارة أتبعني

وهذي سيارته قدامنا

وعاد الجو والغيوم مايحتاج شوفة عيوووونكم

وقفنا السيارة ونزلنا على رجولنا

وصار كل مكان تقريباً فيه هيلوكبتر وتتسع لكم شخص

يعني المكان الأول اللي كان ينتظرنا فيه عنده هيلوكبتر تشيلنا كلنا

ويوم صرنا بس ثلاثة ودانا للمكان اللي فيه الهيلوكبتر الصغيرة

وهذا مكانهم مفتوح

ويبين مكان لبس ملابس القفز المضلي الحر

اللي وده يقفز يتولم بس

الطيارة العادية الصغيرة اللي بالصورة اللي فوق هي حقت القفز الحر

طيارة أفلام كرتون هههههههه

وهذي الإتحادية تنتظرنا

أكيد جازت لبعض ناس يوم قلت اتحادية

راح يجيب أوراق توقيع إخلا المسؤلية

أبد أبد

بتركبون بإذن الله

ويظهر بالصورة ناس غيرنا تنتظر بس طبعاً حنا قبلهم

وين من أيام حديقة الفراولة وحنا مارينهم

والرسوم قال كاش والإ فيزا قلت فيزا

وراح مره ثانية داخل وجاب جهاز السحب واير لس

بهالهواء الطلق

طبعاً عندهم السعر حسب المدة اللي تبي

10 - 15 - 20 وأكثر شي 45 دقيقة

وكل وقت يزود فيه دقيقتين تقريباً

أنا أخذت أقل شي 12 دقيقة طلعت تقريباً

لأشياء كثيرة بنفسي

منها إن وراي مشوار بالسيارة وثانياً طول الوقت بيكون على طول الشاطئ

المهم السعر ب 1500 راند

ركبنا وما تاخذ الإ أربع اشخاص فقط

اثنين ورا واثنين قدام

طبعاً أنا مساعد الطيار

ع اليسار جالس

عاد ما يحتاج اشرحلكم كل شي واضح

بسم الله توكلنا على الله

بدأت بالطيران

والآن أتركم مع الصور الجوية الجميلة

وأعذروني لو كثرتها أبيكم تعيشون كل شي شفته من فوق

مدينة موسل باي الجميلة

ملعب قولف

لمحبي القولف

بدأ شاطئ موسل باي الجميل

ياولد كل الكورنيش

ملاعب قولف

شكل البحر كله كور من كور القولف

بدينا ناصل رأس من روؤس كورنيش موسل باي

اللي ع الراس هذا

شكله فندق والله أعلم

جزيرة صغيرة

طلعت الجوال قلت لو اخذ صورة وحده

والحمدلله طلعت بصورة جميلة بتوقيتها

تمنيتها لو بالكام بس راحت

هذي هي لقطة الآيفون

الماء سر الحياة

وهذا مكان إقلاعنا من بعيد

هذيك الهيلوكبتر اللي تشيل أكثر

الجميع بإنتظارنا بما فيهم بعض الناس اللي يصور

صورة جماعية مع الكابتن

ودعناهم ومشينا

وركبنا التيدا

متوجهين لمكان الإقامة الجديد

مدينة الحيتان العالمية ( هرمانيوس )

أرجــــو عدم الرد...

الشعباويمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كــان وأخواتها - جنوب فرنسا صيف 2012( بقلم / د.معمارية)	فريق التطوير	بوابة فرنسا	179	21-02-2018 12:15 PM