عدستي بصحبة عائلتي لتوثيق رحلتي للبلاد الأفرو أوروبية (جنوب إفريقيا 2012 )بقلم محيرهم

فريق التطوير · 06-03-2016, 04:18 AM

يتبــــع...

هذي مسار رحلتنا من

موسل باي لهرمانيوس

المسافة تقريباً 315 كم

مشينا متوكلين على الله بعد وضع إحداثيات الفندق

والخط جميييييل

مرينا محطة بنزين وهي كعادة أي محطه فيها كل شي

وأخذنا المقسوم للخط...

طبعاً الخط طووويل وفيه مناظر حلووووه

والسرعة 120 كم

والإ يكفشك ساهر قريح

عاد ساهرهم المتحرك رجال جالس على كرسي

وقدامه حامل وكميرا وهااااتك تصوير

بس فيه ميزة ما ياقفون الإ عند إستراحات الطريق

يعني خلك منتبه للإستراحات

مو مثل عندنا يخترعون أماكن إختراع هههههههه

المهم مالكم بالطويله

تقل إني مليت من الخط شوي

والمشي 120 كم

وشوي وتسقط علي عجوز شقراء ( عاد مدري عجوز والإ أصغر شوي ) ههههههه

وهذي سيارتها

المهم راااااعية سرعة

والطريق هو نفسه طريق

كيب تاون

المهم خليتها قدامي تمسح الطريق

وفيه مدن صغيرة نمرها على الخط

وهذي من الإستراحات

وهي جميييييلة الصراحة

اللي لفت انتباهي على الطريق

مزارع القمح الكثيييرة

وواضح إنهم بموسم الحصاد خلاص

كل صورة فيها هالمرسيدس ههههههه

والسبب هو

هههههههه نبي نخلص الطريق

ونشوف هرمانيوس

لإن حجزنا فقط ليلة وحدة

كراحة من الطريق بين القاردن رووت و كيب تاون

شكلها مصانع للقمح

وهذا اللي أقولكم

شكله موسم الحصاد عندهم

طبعاً المحطات ما فيه خوووف موجودات بكثرة

من إستراحات الطريق

بس قهر اللي كان فيها واحد يحدد ما صورته

خلاص وصلنا لمفرق

قلنا القارمن لفو يسار

والمحروسه راحت سيدا ههههههه

شكلها رايحه كيب تاون

عاد حنا ما بقى كثير على هرمانيوس

وهذا مصنع ثاني

والله ياشفت هنا يتمشى وما حوله أحد ( كرك )

ياويل قلب بعض الناس عليه هههههههه

ياولد الخط من دون أكتاف

بس مااااافيه حفر أبد

سق وأنت مطمن

ننعطف ع اليمين جهة هرمانيوس

لوحة ثانية

جانا تي

شف شلالين من بعيد ووقفت على طوووول

رجعنا للبحر من جديد

وهذا الشاطئ نوووور الطريق

هذي بداية المدخل للمدينة

وطبعاً مدينة صغيرة بس جميييييلة

ومميزة عالمياً بالحيتان

اللي تاصل حد شواطئها

وصلنا ولله الحمد بدري

لا أحد يقول البركة بالمرسيدس هههههههه

وهذي والله مدري وشي

قلعة قديمة والإ كنيسة الله أعلم

وهذي الواجهة البحرية

وهذولا الشياب فااااالينها وأنواع المصارحات هههههههه

ووصلنا أخيراً لفندقنا الجميييل

اللي يبعد خطوات عن الواجهة البحرية الرسمية

بالحلقة القادمة

راح اصحبكم بجوله خفيفة في هذه المدينة

وبهذا الفندق الجمييييل

اللي سميته اسم

أيضاً بالحلقة القادمة أعلمكم

دمتم بحفظ الله

الشعباويمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كــان وأخواتها - جنوب فرنسا صيف 2012( بقلم / د.معمارية)	فريق التطوير	بوابة فرنسا	179	21-02-2018 12:15 PM