عدستي بصحبة عائلتي لتوثيق رحلتي للبلاد الأفرو أوروبية (جنوب إفريقيا 2012 )بقلم محيرهم

فريق التطوير · 06-03-2016, 04:19 AM

يتبــع...

أصبحنا وأصبح الملك لله

أخذت صور وداعية لفندقنا

فيش منبعج بسبب العدسة هههههههه

نزلنا تحت للفطور

وكان فيه جلسات داخلية و خارجية

اخترنا خارجية وكان وقتها لحالنا

والفطور بوفية وفيه طلبات خاصة للي يبي يسوونله على مزاجه

وكان حلو لو خيارات الفطور مو كثيرة بس اللي يسوولك أزين وحار

ايه تفرج ع السمك بس

بعدها طلعنا على رجلينا للسوق القريب

وفيه تقل سوق شعبي جميييل

عندهم اشغال يدوية إحترافية

وهالكلاب مدري وش قصتهن ههههه

وحتى هالسوق الشعبي اللي مبني من الشينكو ( الزنك ) فيه صرافة بعد

ولااااا حقت استاندرد بنك اللي ما اسحب الإ منها

الحوت لازم يكون حااااضر

هذا الكرك من شعارات هيرمانوس

بعدها رحت اطلع شرائح من فيديفون

لإن الأيام الماضية كنت استخدم جوالي السعودي

فيه مركز رسمي لهم بالسوق وقريب أيضاً على رجليني

طلبت شريحتين وحده ميكرو حقت آيفون ووحدة عادية

المطلوب الجواز فقط

وهذا سعر الشريحة العادية 15 راند والشحن تشحن من عندهم بالمبلغ اللي تبي

وهذي شريحة الآيفون ب 105 راند فرق كبير

قالو تبي حول ساعتين عشان تتفعل

قلت خلاص أروح وأرجع

رجعنا لفندقنا ورتبنا أغراضنا

وعملنا التشك آوت

وتقييمي للفندق

10 / 10

وسميته ( فندق العرسان ) ليش مدري ههههههه

مدري ع الأناقه فيه مدري نظام الغرف مدري الموقع مدري ومدري

المهم يصلح وبس ههههههه

ومريتهم وأخذت الشرائح

وحطينا احداثيات فندقنا بالووتر فرونت بكيب تاون

وتوكلنا على الله ومشينا

المسافة حول 120 كم

وهذا مسار الرحلة

وهذي صور من الطريق

اللي يبي حطب ههههههه

وقبل الوصول لكيب تاون بحول 40 كم

ونشوف هالمدينة الجميييلة

وكان الخط ينزل لها نزول

وآقف دون تردد عشان اصور

وهذي بعد ما نزلنا ووصلنا للمدينة

هي تكون يسارنا...

نوم العوااافي الوعد كيب تاون

وقفت عند محطة شل

وبجنب مكينة التعبئة ( طرمبة البانزين ) فيه حق الهواء لي مع عداد

وطبعاً كعادة المحطات هناك يهتمون عمال المحطة بسيارتك

من ناحية تنظيف الزجاج ولو فتحت كبوت السيارة من الداخل

هو على طول يرفع الكبوت ويشيك ع الزيت ويزود ماء المساحات

وما يطلب منك مقابل أنت عطه ما تجود به نفسك

وعادي لو شي بسيط ( من فلوسهم الحديد لو 5 راند )

وهذا سعر لتر البانزين عندهم 11.88 راند

وأنا عبيت ب 501 راند

الله يديم الرخص عندناااااا ههههههههه

دخلنا كيب تاون

وأحلى إستقبال من هالمسجد

ووصنا لفندقنا صاحب الشقة ال 5 نجوم

Waterfront Village

وطبعاً مبنى الإستقبال بمكان والبنايات السكنية بمكان ولهن بوابة خاصة

امش ياولد مو للبيع ههههههه

عملنا التشك إن

واخذنا مفتاح الشقة

وصورو الجواز والبطاقة الإئتمانية

ووصفولنا البوابة حقت الشقق

نرجع للدوار اللي جينا من عنده وبعدها نلف يمين

واول دوار نلف يمين أيضاً للبوابة الرئيسية للشقق

ونعطيهم الأوراق اللي معنا قال وقف هنا وتعال

وجيت لبوابة الأمن وأخذ معلوماتي وصور اخشيشتي

قال تدل شقتك قلت لا

بنايات كثار وين بحصلها

قال خلاص شوي ونطلب من يوصلك لشقتك

وما تأخرت جت موظفة قال ممكن أركب قلت أركبي بس إدلينا ههههههه

ونزلنا للمواقف تحت طبعاً أدوار وكل موقف مرقم برقم الشقق

وقفنا بالموقف وما قصرت أخذت معنا أغراضنا وللشقة

الغريب موقف السيارة بالدور 1 والشقة بالدور 0 ههههههه

أعلمكم وش صار بعد ما رجعت للسيارة

بس الحين باخذكم فاصل لصور الشقة الجمييييلة جداً

الشقة عبارة عن غرفتين لكل غرفة حمام تكرمون

وصالة كبيييرة ومطبخ

الغرفة الأولى حقت العيال

شقتنا بالدور 0 أقولكم يعني مطله وبنفس الوقت تقدر تنزل من عندك للممر المائي عندك درج ( وهذي أحلى ميزة )

وميزة ثانية إن المطل والجلسة كبييييرة

وميزة ثالثة إن المكان صاد وفيه أشجار كثيفة ومصادات خشبية يعني خذ راحتك ما أحد يشوفك

وفيه لي ماء بعد للي بيغسل سيارته ههههههه

وهنا فوق ع اليمين الدرج اللي ينزل للممر المائي

وبنفس الوقت تقدر تطلع من عنده بإتجاه الووتر فرونت على رجولك

وهذي الغرفة الثانية

الصالة ويمين غرفة ويسار غرفة

ومن مميزات هالشقة بعد تدفئة أرضية للصالة والغرف

نظام توزيع صوتي

والحين ضبطت المهيله نبي ناخذ كم فنجال

ونروح على رجولنا للووتر فرونت

وهذي ميزة إنك تاصل سكنك بدري

بعد ما تقهويت طلعت ودي أمر السيارة بأخذ غرض منها

المهم واطلع من الشقة وأروح يمين واحصل مصعد وادخل فيه واتك اللي ينزلك تحت وعيا

أثري بالدور 0 ههههههه

وارجع واحصل وحده من حقات التنظيف وحتى حرمه كبيرة

قلت الشقة هذا رقمها وين سيارتنا قلت تعال معي

ولنفس المصعد مره نرقى ومره ننزل ومفيش فايدة ههههههه

ونرجع ونمر من عند شقتنا ونطلع درج عادي لمصعد ثاني

المهم صلت للسيارة ومدري وشلون رجعت للشقة

( بعدين إستوعبت إني بالدور 0 وإذا بغيت السيارة اصعد بالمصعد فوق للدور 1 ) هههههههه

الله لا يعكسنا...

والله لايلومني مدام عاملة هالنظافة يا حووول داخت وهي تشتغل عندهم

وشلون أنا اللي لي ساعات بس هههههه

ولاااااا ترا مو بس أنا شفت واحد بعد والظاهر من ربعنا يدور بالمواقف واضح اللي مضييييع هههههه

رجعت الشقة وطلعنا بعدها على رجولنا للووتر فرونت

شقتنا بالعمارة المقابلة تحت ع اليمين

طلعنا من الشقة وطبعاً عبارة عن مجموعة بنايات

ولهم بوابتين الأول اللي دخلنا معها بالسيارة للمواقف

والثانية مريناها عشان نتطلع منها على رجولنا

الإ السيارات لها مسارها الواضح واللي على رجولهم إيضاً لهم مسار خاص

وهو عبارة عن باب لايفتح الإ بكرت شقتك وإذا دخلت كذالك

يعني تنظيم مااااا فيه واللي يبي يسير علي لازم يقولي ادخله ههههههه

وهذا من أشهر معالم الووتر فرونت بكيب تاون

مبني من صنادق الكوكاكولا البلاستيكية

أول برنامج لنا مرينا العجلة الكبيرة

قلنا نركب فيها عشان نشوف كل المعالم اللي حولنا

وعندهم عرض عائلي تقريباً ب 120 راند

مشاهدات من الأعلى

مول فكتوري

اللي بأول الصورة من تحت فندق فكتوري

يعتبر بقلب الووتر فرونت

نزلنا تحت

وشفنا المعلم الثاني من معالم الووتر فرونت

هالرجل البرونزي وحركاته التجميدية لجلب المال

دخلنا مول فكتوري

وهذا مطعم هندي بنفس المول

وهذي العجلة من المعالم المشهورة أيضاً

بعدها مرينا سوبرماركت كبيرة وأخذنا اغراضنا

وقابلت واحد جنوب إفريقي

هو اللي يوم شافني سلم علي وتبين إنه مسلم

وكان يسألني عن العيد بتعيد هنا

لأن عيد الأضحى كان بعد بكرا

قلت نعم ووين صلاة العيد قال تقريباً كل الجوامع يصلون العيد

قلت أبي واحد كبير عطني إسمه وأنا ابحثة بجهاز الجي بي إس ( القارمن )

عطاني الإسم وودعته...

والله يجعلنا كمسلمين دائماً نفرح بشوفة بعضنا بالدول الغربية

طلعنا من الووتر فرونت لشقتنا وكان الوقت حول العشاء

والحمدلله الوضع زين وغير مريب

وصلنا شقتنا وضبطنا عشانا

إلى هنا نصل لنهاية حلقتنا

وعلى موعد بإذن الله

بيومياتنا بالمدينة الأشهر بجنوب إفريقيا

كيب تاون

دمتم بحفظ الله

الشعباويمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كــان وأخواتها - جنوب فرنسا صيف 2012( بقلم / د.معمارية)	فريق التطوير	بوابة فرنسا	179	21-02-2018 12:15 PM