وقابلنا بالطريق زحمممممة

الصراحة ملينا وبغينا نرجع

بس الحمدلله فتح الطريق





وصلنا البوابة





وبعد ما دخلنا لفينا يمين نزول بجنب الشاطئ

وحصلنا هاللي سارحات ههههههههه






وهنا وصلنا ولازم نتصور














رجعنا عشان نصعد لفوق

ومشاهدة المناره هناك

وبالطريق شفت إثنين يمارسون رياضة ركوب الأمواج








وقبل ناصل المواقف الرسمية

توقفنا ع اليمين لمشاهدة البحر و القرود

واللي وده يشوف إلتقى المحيطين يقدر من هالمكان والإ حتى من مواقف السيارات

مو شرط يصعد بالعربات والإ ع الأقدام للمنارة











زوووم لملتقى المحيط سبحان الله





مشينا بإتجاه المواقف الرئيسية








وهذي العربات اللي تصعد فيك للمنارة





ولفت إنتباهي مجموعة باصات

شكلها وفود رسمية

وحاطين أعلام الدول وفيه معهم علم ( الصهاينة إسرائيل ) الله يطهر فلسطين منهم





اخذنا لفه حول المكان














وهذا الطريق للي بيروح مشي





وبعدها رحنا للإستقبال لدفع الرسوم





وقالولي ما فيه الإ روحه فقط بالعربة

والرجوع مشي ياحبيبي

قلت الشكوى لله

شكلنا تأخرنا لإن آخر العصر


وهذي لوحات موجودة بإنتظار العربات








وهذولا كد خلصو ما شين





وحنا واقفين بالطابور ننتظر العربة

يوم خطم سايح هو وزوجته ولااااا عبرونا ( أوروبي شكله )

وصارو محل إستغراب الجميع ( يعني مو بس حنا العرب نتهم بعدم الإنضباطية )







فوق فيه هواااااء قوي














عمود المسافات

اللي وده يمسك خط من فوق هالبحر ههههه





صخرة الذكريات














رجعت لمكان إنتظار العربة وصورة من الداخل

والإ النزول توكل على الله كعااابي هههههه

















بعده نزلنا مشي

والصراحة اللي بيروح يطلع بالعربات ويرجع مشي أحلى

والنزول سههههل

واللي عندهم لياقة حلوه يطلعون ويرجعون مشي وتفرج وجلسات بالطريق





حركات بهلوانية





الله حسيبك كيفك رحت و خليتني








نزلو الأعلام كلها





نصيحة لوجة الله

إنتبهوووو من القرود اللي قبل المواقف واللي عند المواقف

لإنها عادي تجي لمك والإ لم السيارة المفتوحة وتاخذ اللي وسطها وتهرب

وفيه حراس تشوفهم على جنب الطريق وعند المواقف مخصوصين لطرد القرود

بس ولو الحذر وااااجب...





طلعنا والنية الرجوع لكيب تاون وسط المدينة

إذا طلعت مع البوابة يجيك تي تروح مع اللي تبي يسار والإ يمين

أنا قالي القارمن اطلع يمين لأنه أقصر مسافة

قلتله عناااااد بروح يسار هههههه

لإن الزحمة اللي صادفتني بالطريق اللي ع اليمين






وهذي مزرعة نعام قريبة من رأس الرجاء الصالح

يعني اللي يبي يزورهن جميع بجنب بعض





وهذا الطريق المحاذي للبحر

يالله الجنة لنا ولوالدينا والمسلمين أجمعين





حصلت طريق ثاني يقول رح يمين

وقلت عناااد يسار ههههه

كله خوف يرجعني طريق الزحمة اللي جيت معه

المهم لفيت يمين بعد طريق طووويل

والعلامة البارزه محل على يمن الخط عنده منحوتات كبييييرة الحجم

بعده يكون الخط اثنين واحد يروح يسار وقباله قرية صغيرة وقريبة

والثاني يروح يمين وتقل فيه طلوع هذا اللي سلكت

وعليه قرى ومناظر جميلة

إلى ما وصلت مطل على مدينة أو قرية المهم مطل جميل

رغم تعتيم الجو شوي بس وقفت قلت ناخذ كم صورة ونمشي








وأخيراً صورة بانورامية لنفس المكان

نختم فيها حلقتنا





بعدها واصلنا طريقنا

للووتر فرونت حيث سكننا هناك



دمتم بحفظ الله