عدستي بصحبة عائلتي لتوثيق رحلتي للبلاد الأفرو أوروبية (جنوب إفريقيا 2012 )بقلم محيرهم

فريق التطوير · 07-03-2016, 02:06 AM

يتبع...

( فيه نقطة ودي أنوه عنها إن فيه رحلة دايركت من كيب تاون لمطار نيلسبريت بس ما حصلنا عليها حجز )
وطبعاً أغلى ( الرحلتين اللي جيت معهم أرخص )

وقبل أقولكم وين

خل ناخذ بعض المعلومات عن الوجهة الجديدة

مبومالانجا

إحدى محافظات جنوب أفريقيا، حيث تم تشكيلها في عام 1994م وتنقسم إلى 17 بلدية.

العاصمة

نيلسبرويت

مدينة في شمال جنوب أفريقيا وعاصمة محافظةمبومالانجا، طبقاً لإحصاء 2001 يبلغ عدد سكان المدينة 221,474 نسمة.

للإستزادة

http://ar.db-city.com/%D8%AC%D9%86%D9%88%D8%A8-%D8%A5%D9%81%D8%B1%D9%8A%D9%82%D9%8A%D8%A7--%D9%85%D8%A8%D9%88%D9%85%D8%A7%D9%84%D8%A7%D9%86%D 8%AC%D8%A7

طبعاً تضم أكبر محمية في العالم
Kruger National Park
التي تندرج تحت

حديقة ليمبوبو الكبرى العابرة للحدود

التي تبلغ مساحتها 35000 كيلو مترًا مربعًا حديقة السلام التي هي في طور التشكيل. سوف تصل الحديقة بين حديقة ليمبوبو الوطنية (Limpopo National Park) (المعروفة رسميًا باسم كوتادا 16) في موزمبيق (Mozambique)، وحديقة كروجر الوطنية (Kruger National Park) في جنوب إفريقيا(South Africa)، وحديقة جوناريزو الوطنية(Gonarezhou National Park)، ومحمية مانجينيجي بان (Manjinji Pan Sanctuary)،ومنطقة السفاري ماليبيتي (Malipati Safari Area) في زيمبابوي (Zimbabwe)، بالإضافة إلى المنطقة التي تقع بين كروجر (Kruger) وغوناريزو (Gonarezhou)، وأرض السينغوي (Sengwe) الجماعية في زيمبابوي (Zimbabwe)، ومنطقة ماكوليكي (Makuleke) في جنوب إفريقيا (South Africa).

واسم Kruger مربوط حتى بمطارهم

نرجع الآن لسيارتنا بعد استلمها
وتشغيل القارمن
وكنت مخزن مكان السكن
اللي هو من إختيار حبيب قلبي ابوالعصافير
وللحين يابوهاشم ما راح أقيم السكن
الإ بالنهاية خلك على أعصابك
يمكن أدعي عليك

حطيت الإحداثية

على التنسيق التالي

h ddd mm.mmm

S 25 02.491
E031 08.157

منتجع

KRUGER PARK LODGE
لهم موقع خاص
وفيه موقع تابع لهم أيضاً
وهو اللي تم الحجز عن طريقة
http://www.cambalala.com/

طلعنا من المطار
ووش تشوف بعد شبك المطار الأول

معقوووول

اخطم يا حبيبي اخطم
ما احد يقولك شي

كانن حول دوار بجنب المطار
واصلنا المسير وكان الوقت آآآآخر العصر قبل الغروب بقليل
والقارمن معطينا المسافة حول 70 كم
لإن المنتجع بمدينة هازفيو
والمطار بعاصمة مبومالانجا نليسبريت

خلاص مو وقت تصوير
اددددعس بس
والسيارة ما شاء الله جدييييدة
وصلنا للبوابة بعد المغرب بوقت
قال عندكم حجز قلت نعم وكنت مصور الحجز تصوير بشاشة الآيباد
ما طبعته ورقي
قال طيب خذ هالقائمة وابحث عن إسمك
الإ هذا أسمي يعني كان بإنتظارنا
ويجي يعبي استكر عنده للسيارة ورقمها ويحطه ع الزجاج الأمامي
عشان نطلع وندخل عادي
يعني مفيش دخول لغير السكان الإ يمكن بشروط الله أعلم
دخلنا ومرينا بوابة ثانية
واستمرينا للإستقبال
وريته بالآيباد الحجز
وطلع الأوراق أوقع عليهن
ويعطيني المفاتيح
وقلت ما فيه موظف يروح معي قال لا
يمكن عشان الوقت نص المغرب أو حول العشاء
ويطلع خريطة وقلم عريض أزرق ويرسم خط من الإستقبال لمكان فلتنا
قال أمش على الخط وكل الطرق لهن أسماء
بسم الله مشينا وشوي شوي
وما فيه احد بالطرق يعني عادي تعديت شي دق ريوووس
وصلنا بحمدلله والمكان هدوووووووء

ونزلت الأغراض
وقلت مو وقت تصوير للسكن
من الصبح طالعين من كيب تاون وطيارتين وسيارة لما وصلنا السكن
تعشينا ونمنا

ومن بكرا الصبح

صورتلكم السكن

غرفة نوم سريرين مفصولات

وهذي دورة المياة تكرمون الخاصة بهالغرفة

غرفة نوم بسرير مزدوج

ولها إطلالة خاصة ع البحيرة وباب يطلع لها

وهذي دورة المياة الخاصة بها تكرمون

وهذا الموزع بين الغرفتين

وهذي الصالة والمطبخ

المطبخ والأغراض الكاملة

وهذا الدرج يصعد للدور الثاني

الدور الثاني كبير

وفيه سريرين مفصولات وسريرين فوق بعض وسرير اطفال صغير

وهذا كرسي عريض يصلح سرير

وتحته سرير تسحبه سحب

يعني كم بالفلة من سرير

وهذي الإطلالة العلوية

واللي تحت حوشنا

وهذا ملصق تحذيري ع الباب اللي يطلع للحوش

يمكن يدخل قرود والإ طيور

فتحنا الباب الخاص للإطلاله ويظهر الباب الثاني الصغير اللي يطلع من غرفة النوم ذات السرير المزدوج

هنا تبين الجلسة اللي فوق واللي تحت والمكان المخصص للشواء

كل الصور كانت قبل الفطور لعيوونكم نغطي لكم البيت من الداخل

افطرنا وطلعنا

وهذي المحروسه واقفه تحت المضله

وواضح رقم الفله 234

وهذا بابنا وسكرناه

مشينا وقلنا نمر الإستقبال ونشوف المنشورات اللي عندهم

وهذا الموظف اللي امس المغرب استقبلنا

قلتله من البارح للحين وأنت هنا

وحصلنا داخل عندهم موظفة خاصة لعمل الحجوزات

لأي مزار سياحي تريد

وهذي خدمة من عندهم دون مقابل

ولها مكتب بس ما صورتها

طبعاً أخذت من الإستقبال خريطة كبيييرة وممتازة فيها المناطق وصور المزارات

بمبلغ 30 راند تقريباً

طلعنا وعندنا كم مزار لهذا اليوم

وهذي غزلان تتمشى وسط هالمنتجع يازين من تعشى على واحد

وفيه ملاعب قولف منتشره داخله

هذي البوابة الأولى

وهذي البوابة الثانية للخروج والدخول

حطيت احداثية تأجير الخيول بسابي

على التنسيق التالي

h ddd mm.mmm

S 25 06.067
E030 45.649

وبعد هالإحداثية ب 100 م تقريباً تطلع يمين جهة شلال وواضحه اللوحة

طبعاً هذي الطريق بين هازفيو و سابي

واشوف يسار لوحة لحديقة فيله

وهذا الإحتطاب عندهم

شكله منظم وتجاري

أرجو عدم الرد...

الشعباويمعجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كــان وأخواتها - جنوب فرنسا صيف 2012( بقلم / د.معمارية)	فريق التطوير	بوابة فرنسا	179	21-02-2018 12:15 PM