السلام عليكم
اليوم ولله الحمد رجعت لكوالالمبور من لنكاوي بعد ان قضيت 4 ايام فيها وهذي ثالث مره ازورها .. وقبل شهرين تقريبا عند حجز طيران من موقع اير اسيا اعطاني رابط لايجار سيارة ترددت بصراحة في البداية حتى قررت اني اتوكل على الله وآخذ سيارة تكون تحت يدي أي مكان وفي أي وقت اروح له..

المهم حجزت سيارة 4 ايام من الموقع طلعت لشركة اسمها kasina من مطار لنكاوي واسلمها في المطار وطلعت لي ب 477 رنجت ماليزي..

1_ جهزت الرخصة السعودية بما ان فيها معلوماتي بالانجلش تكفي..

2_وصلت لنكاوي يوم الاحد الماضي واخذت السيارة واضفت 80 رنجت لان حجزي كان قير عادي وغيره اوتوماتك ويشترطون تحضر الرخصة والفيزا الي حجزت منها وترجع البنزين زي ما كان اذا سلمتها..
3_في البداية لابد تنتبه لان الدركسون يمين وتحرص على القير تماتيك اخذت السيارة ماسك المسار الايسر وبغيت الف يمين ودخلت في مسار السيارات الي جاية والمفروض أكبر اللفة [emoji30] والحمد لله عدت سلامات ..

4_البنزين عبيت مره وحده وانا رايح المطار توقف في المحطة وتروح للكاشير وتقوله كم تبغى تعبي وتروح بنفسك تعبي السيارة وهو بيفصل اذا وصل للسعر الي تبغى..

5_بعدها الحمد لله مشت الامور لكن انتبه من الدبابات ولا تنسى ان المسارات كلها عكس واليوم الصباح عبيت فل ورجعتها لمواقف المطار ودخلت المطار سألت عن موضف الشركة الي حجت منها وطلع لي ووقع الاوراق وسلمته السيارة

ميزتها

السيارة تحت الطلب وما ترتبط في سواق ولا شي وخاصة ان معي عايله فكنت اطلع بهم الصباح ونرجع الساعة 2 او 1 نرتاح ثم نطلع احيانا اذا اعتدل الجو..

ملاحضة ..
اكتشفت ان السعر الي حجزت منه بالنت غالي لانك اول ما توصل المطار وتستلم شناطك تلقى قدامك حوالي 20 كشك صغير يزهمون عليك وكلن يقول الزين عندي ..

أدري طولت عليكم وهذي صورة المزيونه ونوعها بروتون ساقا واهم شي نظيفة والمكيف ثلاجة [emoji4]
والسلام عليكم







أرسلت من SM-G928C بإستخدام تاباتلك