العرب المسافرون تقرير الغرب والشرق الامريكي اربع ولايات 2015-2016 ابو طلال* - الصفحة 14

الايمان · 15-06-2016, 01:32 PM

جزء جديد وابداع جديد

المنتجع وايد حلو والمنظر خيال
ناطرين مقارنة الاسعار
احنا حجزنا من الفندق التذاكر

أبو طلال* · 16-06-2016, 11:57 PM

اليوم الثاني
بعد الرجوع للفندق من الحلقه السابقه
كان الجوء من الليل فيه بروده شوي بما اني كنت مقرر ازور الحديقه المائيه في اليوم الثاني لنا
فكان القرار بعد الله حسب الاجواء لو كانت بارده او ممطره فمضطر الذهاب الى جوله لاسواق اورلاندو
وبالفعل الصباح صحينا على اجواء بارده نوع ما وايضا مع امطار خفيفه فبتحرمنا المتعه
فقررنا الجوله اليوم كامله للتسوق
وبتكون الى ثلاثه مراكز تجاريه وهي الاكبر
وراح اخذكم جوله فيها
اهم اسواق اورلاندو حسب تصنيف بعض الاعضاء
والسياح
1-Orlando Fashion

احداثياته
N 28° 33.256
W 81° 20.418

سوق سيئ ولايستحق التعب والذهاب له وبعيد
ومايستاهل
عالعموم ماطولت فيه اقل من ساعه

فقررت اتجه الى السوق الثاني

2-The Mall at Millenia

احداثياته
n28° 29.133
w 81° 25.891

وصلت له تقريبا الساعه 2بعد الظهر
وبصراحه هو اجمل اسواق اورلاندو وافضلها
سوق مرتب وفخم
ولو مفكرين تزورون مراكز تسوق لابد يكون هو الخيار الاول
يوجد فيه قسم للماركات العالميه المشهوره
وقسم لبفية الماركات العالميه العاديه
وفيه عدت مطاعم لعل اهمها تشيزكيك فاكتوري

السوق رائع وبكل صراحه ماتمل من التمشيه فيه والتسوق
ويعتبر من افضل الاسواق اللي ممكن تلاقي عنده جميع المقاسات متوفره وجميع الموديلات الجديده

بعد الجوله قررنا التوجه للغداء في تشيزكيك فاكتوري
وكالعاده زحمه وانتظار

وقررنا التوجه للسوق الاخير لنا اليوم

3-The Florida Mall

احداثياته
n 28° 26.754
w 81° 23.692

السوق يبعد عن سوقنا الاول بحدود ربع ساعه
وهو من افضل اسواق اورلاندو
وان لم يكون الاول فهو الثاني بعد Millenia
المركز كبير ويوجد فيه فندق
وفيه جميع ماتريد من مطاعم وماركات وبصراحه شي رائع
وصلنا له قبل المغرب وجلسنا فيه الى الساعه التاسعه مساء تقريبا
وهذي خريطة السوق

وعلى فكره يوجد مقابل السوق بقاله عربيه وبها مطعم للفطور او الغداء يستحق التجربه
مريت عليهم وكان بالفعل يستحق الزياره له
وهو في مجمع تسوق صغير كبقية مراكز تسوق اورلاندو المنتشره في جميع انحاء المدينه وبكل الشوارع
تلاقون مواقف للسيارت وحولها محلات تجاريه ومقاهي ومطاعم
عالعموم المحل للي القهوه العربيه ويدور للبن فموجود عندهم بالبقاله واللي يحب الفطاير والزعتر والجبن والمعجنات والمشويات والشاورما العربيه برضه موجوده فيمر عليه
هذا اسمه البقاله والمطعم

Middle East Market & Deli

احداثياته
N28° 26.872
W81° 24.148

بعد هالجوله قررنا الرجوع الى الفندق بعد لفه في شارع انترنشينال درايف
ومنه الى شارع
Sand Lake Rd

والشارعين عالعموم يتقاطعان مع بعض
اتجهنا الى مطعم
Chick-fil-A

عنوانه
7333 Sand Lake Rd
Orlando, FL 32819

احداثياته
N28° 27.024
W81° 28.727'

بعد العشاء اتجهنا الى
الفندق وبالتحديد لمكتب المبيعات وخدمة النزلاء وهناك قررنا نشوف اسعار ديزني
ومقارنه مع المكتب الخاص اللى حكيت لكم عنه مكتب اورلاندو فيست
فما كان هناك اختلاف بالسعر
فشرينا تذكرتين لحديقتين فقط

والحلقه القادمه ساتحدث عنها

أبو طلال* · 18-06-2016, 09:07 PM

اليوم الثالث
زيارة عالم ديزني

وهو مجموعه مكونه من 4حدايق كما بالخريطه

والاختيار وقع على حديقتين هي
Epcot
مع
Magic Kingdom Park
التذاكر بصراحه شريتها من يوم امس تقريبا
بسعر 95دولار مع الظريبه للحديقتين للشخص
فالافضل الشراء من الفنادق وتشترون راحت بالكم

ومن الصباح وهالمره صحينا بدري على الساعه الثامنه تقريبا
واتجهنا الى شارع
انترنشينال درايف وافطرنا بمطعم أي هوب
IHOP

بعد الفطور اتجهنا الى عالم ديزني
ومن هالبوابه تدفع الرسوم للمواقف

وصلنا
مواقف محطة
TTC Monorail Station
وهي الافضل لمن يرغب الذهاب الى ايبوكت
Epcot
ويرجع اخر النهار على
الماجيك
يعني توقف سيارتك فيها افضل وتروح بالقطار افضل
وثانيا اسهل من تحط سيارتك في ايبوكت وتروح للماجيك وترجع تتمشور ويمكن يفوتك القطار لو تاخرت لاسمح الله

عالعموم
اتجهنا الى ديزني من الانترنشينال درايف وعلى احداثيات
مواقف بارك المجيك
وبالتحديد
محطة
TTC Monorail Station
N 28° 23.897
W81° 34.589

هذا الطريق الرائع للملاهي
وهنا وصلنا للمواقف طبعا سعر المواقف 20 دولار لليوم
تدفعها بالبوابه
ومهم تحفظ موقفك لان المواقف كبيره وكل تقريبا"
موقف يحمل صوره لشخصيه من شخصيات ديزني
وهذا موقفنا

وعلى طول اتجهنا لعربات النقل اللي توصل الى المحطه

وفيه انتظار كبير لحد مايجيك الدور
وتطلع على طول اما ان تتجه الى ماجيك او لو كنتو مثلي بزور حديقتين
اطلع على ايبوكت
ولو بتطلعون لاي حديقه اخرى من عالم ديزني
كما بالخريطه موضح كل شي

وعالعموم كل شي هناك واضح جدا ماتحتاجون تشيلون هم من ناحية المواصلات
فيه ايضا مواصلات لو حابين بالسفن

وركبنا القطار برضه زحمه
وهنا الطريق
القطار ينقلك الى حديقة ابيكت من المواقف تقريبا حدود
10 دقايق
وهنا صور من الطريق الى ابيكت

وهنا الوصول

للبوابات والحديقه

تفتيش بسيط وسريع
وهنا يبداء المرح والاستمتاع

مهم تاخذ الخريطه وراح تبدؤن طبعا باللعاب
ومن بعد تروحون للمدن العالمي هاو القرى
والافضل تكون اخر شي

معلومات مهمه راح اذكرها لمن يدخل الحديقه
تختصر عليك الوقت

وراح اختصر عليكم الوقت لافضل اللعاب للي ماعنده الا نص يوم
وبيزور حديقتين
في الخريطه اللعاب اللي باللون الاسود هي اللي تستاهل الدخول للكبار
واللي بالاحمر لو عندك ممكن اطفال وماتستاهل برضه
والاصفر هذا موقع التسوق
وشراء كرت الدخول السريع وهو الافضل لاختصار الوقت لكم
وهذي الخريطه

لاهم اللعاب
تقريبا لو معك كرت الدخول السريع
ماراح تاخذ منكم ساعتين

الحديقه وقسم اللعاب من وجهة نظري حديقه علميه من الدرجه الاولى
عالعموم اليكم بعض الصور من هالقسم

بعدالعصر تقريبا
قبل العصر اتجهنا الى
القسم الاخر واللي هو اشوفه الافضل
قسم القرى العالميه
وابدو من كندا وانتهو
بالمكسيك او العكس

والافضل قبل كل هذا ركوب القارب واخذ جوله في البحيره
الاقسام بصراحه جميله وهذي خريطة القرى الموجوده

ومن هنا نركب القارب

وجولة القارب رهيبه في البحيره

وبعد الجوله رجعت لمكان انطلاقنا
لنبداء بالتجول على المدن العالميه

هذا قسم بريطانيا

وهنا قسم فرنسا

وهنا قسم المغرب
وفيه تغديت وللاسف اكلهم مايستاهل
والاذواق تختلف
وهذا السعر غالى على غير سنع

وهذا قسم اليابان

وقسم امريكا
وفيه مسرح يبداء فيه عرض للقراصنه الساعه خمسه

وقسم ايطاليا
بكل صراحه رائع

وقسم اللمانيا

وكملنا طريقنا وهنا تلاحضون الناس يصورون مع شخصياتديزني
قرب القريه النرويجيه

والى قسم القريه الصينيه
ودايم عليه زحمه
وعروضهم جميله
والى قسم القريه النرويجيه
واخيرا قسم المكسيك
وعلى فكره اللي عنده يوم كامل فيها حيكون اخر النهار الساعه التاسعه عرض اللعاب الناريه وهو من افضل العروض
طبعا انا ماراح احضر
بعد هالجوله بحديقه
ايبوكت الرائعه وجمال قراها وبحيرتها

غادرنا الى
ماجيك بالقطار
وخلال ربع ساعه وصلنا مع
الغروب

الى مملكة السحر

وكان الوضع زحمه بشكل لايصدق
وكانو العالم منتظرين وحاجزين اماكن لمشاهدت مرور شخصيات ديزني واللي بيمرون من الشارع الرئيسي اللي مقابل مملكة السحر
بصراحه منظر العالم وكبر الملاهي وحجم العمل بخليك تحس انك استمتعت بيومك كامل في مكان من تدخل له الى المغادره وان ترا الابتسامه على وجيه الجميع وتحس بان هناك شي تدفع له مقابل خدمتهم لك فعالم ديزني اورلاندو لابعده ملاهي بالعالم

وهنا الناس بدو بالاتجاه للالعاب الناريه والختام وتشوفون الملاهي بدئت تفضاء

للمعلوميه شي مهم انك تعرف متى اوقات اغلاق الحديقه
لان بالويكند افضل الملاهي فاتحه من 9صباحا" الى 11مساء
ايام الاسبوع تختلف
من 9صباحا الى 9 مساء
وكذالك في المواسم
قد تبداء من 8 الى 11مساء
للاسف انا ماقدرت اللعب الا في بعض اللعاب
بسبب اغلاق اغلبها بسبب الوقت

اترككم مع اهم اللعاب

Magic Kingdom

وافضل اللعاب هي
اللي حاط عليها دائره بالاصفر هي اللعاب الخطيره والحلوه وتحتاج كرت
FastPass
والبقيه برضه جيده
كما بالخريطه

بعد هالجوله
الان ختام الامسيه الرائعه واليوم الجميل
باللعاب الناريه واللي بيكون زحمه كبيره عليه ومثل ماذكرت بالسابق حيكون الناس جالسين وحاجزين مواقع

وهنا الناس خارجين من الملاهي وشوفو الزحمه اللي بتكون طبعا بالصيف اكثر بكثير

وهنا خريطه للمواصلات اثناء الخروج من ماجيك

وهنا وصلنا الى مواقفنا وتشوفون المواقف فاضيه لاني اخر واحد تقريبا طلع من الملاهي واخرقطار طلعت فيه

عدنا ادراجنا الى انترنشونال درايف
والى مطعم هندي
اسمه
aashirwad indian cuisine
من افضل المطاعم الهنديه في اورلاندو

احداثياته
N 28° 27.685
W81° 27.485

تقييمي للمطعم 8من 10 كجودة اكل وطعم والسعر للطلب اللي بالصوره حدود 55 دولار
بعد العشاء اتجهنا الى الفندق بعد يوم ممتع ومتعب في نفس الوقت

تحياتي

فيصل · 16-06-2016, 01:24 PM

ما شاء الله كل فندق تلقي قدامه عرض أوو تسوق أو أي شيء يبهرك

من كلامك المدينه مو كبيره مره

غريبه تدخين مسموح بالمطار هل تعتقد هو الوحيد بالعالم يسمح بذلك

هل الفندق زحمه في ميامي أم هي سياسه

صحيت 10 كوويس ثاني يوم توقعت تسحبها للظهر

ميامي لاس فيغاس أحسها للتمشي أكثر ما فيها فعاليات كثيره

اورلاندو هي المرح والمتعه
متابعين معاك

abohaytham · 17-06-2016, 03:38 AM

ليت ربعنا في البلديات يروحون يشوفون كيف الإرصفة عندهم

فيصل · 17-06-2016, 10:34 PM

أصحبت خبره في المولات ابوطلال
اتذكر ابوسعود مشرفنا استراليا الله يذكره بالخير كان ينصح بموقع أرخص من الشراء من ديزني والفنادق ناسي أسمه ولهم أفرع كثيره

فيصل · 19-06-2016, 02:30 PM

قصدك القطار الداخلي
وثانيا اسهل من تحط سيارتك في ايبوكت وتروح للماجيك وترجع تتمشور ويمكن يفوتك القطار لو تاخرت لاسمح الله

ما قصرت صراحه بتحديد الالعاب للي مدته قليله

q8ya metnaqla · 20-06-2016, 04:38 PM

منطقه فينيسا شكلها عجيب مايصير نأجر فيها فيلا اللي على الجندول مو اللي عالبحر ؟ وليش مافيها أمان باليل ؟
المطعم اللي في دانا بوينت مكانه نااااار ��
الفيلا اللي اجرتوها في المنتجع في غيرهم مع حمام سباحه ولا بس حمام المنتجع ؟
الحقووول اتينن حسافه ما كانت في وقتكم ؟ في لافندر ��؟
In-n-out من احلى مطاعم البرغر فعلا محد مثله
الله على فيغاس يازينها زيناه ❤️❤️❤️
موقع غرفتكم عجييييب والطله اتينن وبيلاجيو اعجب
عرض O وااااايد حلووووو وفعلا يستاهل تشوفه اكثر من مره
ماشاءالله بوطلال اماكن حلوه ويديده علي فيغاس ومنكم نستفيد��
ميامي واورلاندو ان شاءالله ازورهم خصوصا ميامي ��
ماشاءالله تصوير وأماكن وفنادق حلووه
يا سلام تقرير ملكي من الصبح وانا اقرأ توني اخلص
عساك عالقوه بوطلال وسامحنا على التأخير ��

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

أبو طلال* · 23-06-2016, 01:59 PM

اقتباس : المشاركة الأصلية كتبت بواسطة q8ya metnaqla

منطقه فينيسا شكلها عجيب مايصير نأجر فيها فيلا اللي على الجندول مو اللي عالبحر ؟ وليش مافيها أمان باليل ؟
المطعم اللي في دانا بوينت مكانه نااااار
الفيلا اللي اجرتوها في المنتجع في غيرهم مع حمام سباحه ولا بس حمام المنتجع ؟
الحقووول اتينن حسافه ما كانت في وقتكم ؟ في لافندر ؟
In-n-out من احلى مطاعم البرغر فعلا محد مثله
الله على فيغاس يازينها زيناه
موقع غرفتكم عجييييب والطله اتينن وبيلاجيو اعجب
عرض O وااااايد حلووووو وفعلا يستاهل تشوفه اكثر من مره
ماشاءالله بوطلال اماكن حلوه ويديده علي فيغاس ومنكم نستفيد
ميامي واورلاندو ان شاءالله ازورهم خصوصا ميامي
ماشاءالله تصوير وأماكن وفنادق حلووه
يا سلام تقرير ملكي من الصبح وانا اقرأ توني اخلص
عساك عالقوه بوطلال وسامحنا على التأخير

الله يحييك ونورت التقرير
بخصوص البيوت داخل فينيسا ماشفت شي للايجار
هي خاصه
بس اعتقد ان فيه ناس تأجر بس كيف مالقيت موقع ياجر دورت
بخصوص الامان
لان المنطقه شعبيه ويكثر فيها الهومليس وكذالك السود المنطقه ككل انا شخصيا افضل يسكن الواحد في مكان مثل سانتا مونيكا قريب والامن فيه موجود وقريب من شارع مهم مثل ثيردستريت
الفيلا مافيه بمسبح خاص
والله يكتب لك سفره لميامي المدينه بتناسبك جميله جدا وعالعموم فلوريدا رهيبه

Haksa77 · 23-06-2016, 02:47 PM

تقرير رائع كروعة صاحبة
متااابع معاااك
شكراً لك أبو طلال

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير - اول رحلة لي لتركيا 2015 - شكرا اعضاء منتدى العرب المسافرون	Abdullah	بوابة تركيا	27	29-05-2019 01:10 PM
بروشور العرب المسافرون 2015	آخـــرفـــرصـــة	عام	21	11-04-2015 05:05 PM