28-03-2016, 01:37 AM
|
#2 |
مراقب العرب المسافرون
تاريخ التسجيل : Dec 2014 رقم العضوية : 445 المشاركات : 6,066
| 
 |
لسلام عليكم ورحمة الله وبركاته الحمدلله
والصلاة والسلام على رسول الله وعلى آله وصحبه أجمعين
كيف حالك إن شاء الله دائما بخير ؟
عليكم السلام
عضاء ومشرفين وادارة العرب المسافرون أهنئكم بهاذا المنتدى الجميل بصراحه اتابعه من فتره واليوم حبيت اكون منكم وفيكم
الله يحييك تشرفنا بنضمامك الى المنتدى
الي بيدخل موضوعي اقوله الله يعينك على بثارتي
فريق المسافرون العرب في خدمة الجميع
البدايه طبعن اول مره بنسافر الخارج
ولا عندنا اي فكره
العدد 6
التفصيل
انا وزوجي
بنتي عمرها 20
بنتي الثانيه اقل من سنتين
ولدي عمره 18
ولدي الصغير عمره 11
الله يحفظكم جميعاً
طبعن حجزنا والي شجعني اكثر هاذا المنتدى
طبعن على الخطوط السعوديه مباشر ما ادري السعر زين ولالا من مكتب بشارع 40 بالرياض
السعر للشخص الكبار 1900
طلعت 7600 اربع اشخاص
والطفل 1450
والررضيعه 400
طلع الجموع 1850
الكل 9450
المده 15 يوم
وقت المغادره
من الرياض جاكرتا
Thursday 15 September 2016
الخميس 15 سبتمبر 2016
الوقت الرحله الساعه 12 باليل
حابه اعرف وقت وصولنا مناسب ولالا
مناسب جداً
والعوده الى الوطن
Friday 30 September 2016
الجمعة 30 سبتمبر 2016
وقت الرحله 1 ظهرا ما اردي بتوقيتنا او توقيتهم
بتوقيت اندونيسيا
ابي احد ينظم لي جدول رحله 15 من نونصل لين نغادر ادري بثره
بسيط تظيم الجدول بس انتي حددي المدن التي ترغبي في زيارتها انا اقترح عليك تزوري بونشاك وباندونج وجاكرتا فقط لانه ما شاء الله العدد كبير والتنقل صعب شوي
طبعنا ما حجزنا الا تذاكر اما الباقي ما اردي كيف طريقة الحجز ابيكم تفديوني بالتفصيل مع الاسواق
الفنادق ولا الفلل ابيكم تفديوني وش ناخذ معنا من الرياض هل يسمحون ناخذ عربيه للطفله او لا
وكمان وس ناخذ معنا من اغراض
حجز الفنادق من الانترنت وباذن الله راح نساعد بس اهم شي يكون عندك بطاقة فيزا . عربة الاطفال تاخذيها عادي ما فيها مشكلة . كل شي متوفر هناك ما تحتاجي شي كثير خذي قهوة وتمر وخذي اشياء الطبخ اذا تحبي تطبخي هناك ( بهارات , معجون طماطم . رز) مع لعلم انها متوفرها هناك بس سعرها غالي الشي الاخر المطاعم العربية في كل مكان هناك خصوصاً بونشاك
بنسنبه للاجواء هناك كيف بتكون جميله وقت رحلتنا ولا عاديه
اندونيسيا بلد جميل في كل وقت وجوها ثابت تقريباً طول العام الفرق فقط هو كمية الامطار لها موسم 6 اشهر في السنة وستمبر في الموسم الممطر
طبعن المبلغ كم ممكن يكفي التقريبي انا حاطه في بالي 25 الف غير التذاكر تكفي ولا نزود
المبلغ كافي
لو ابي اصرف فلوس من الرياض كم ربيه اصرف وهل اصرف دولار ولالا
الباقي اخليه الصرافه ولا اسحبه اخليه معي وكيف احول عمله هناك
الفنادق تدفعي بالفيزا وحولي 6000 ريال الى ربية من الرياض والباقي خلية في البنك بس قبل السفر لازم تكلمي البنك حتى يرفع الحظر عن بطاقتك لانه الصرافات السعودية عليها حظر في اندونيسيا مكالمه بسيطه للبنك راح يرفع الحظر وما يحتاج تاخذي دولار اذا تبغى تاخذي فلوسك زياده خذها ريال سعودي الصرافين في كل مكان هناك
سمعة في كرت تعئبة الدخول اندونسيه ما فهمته وش هاذا
هذا كان زمان الان ما فيه شي ابد بس تخيم جوزات فقط
ابي اعرف ارقام السواقين امنين وكم تتوقعون ياخذون منا يوميا هناك هل هو سواق واحد معنا طول الرحله ولا يتغير من منطقه لمنطقه
بسيط امر السواقين لا تشلي همه واسعارهم تختلف من مكان الى اخر بس بشكل تقريبي في بونشاك 500 الف ربيه وياخذك من مطار جاكرتا الى الجبل 700 الف ربية يوديك من بونشاك الى باندونج 700 ربية وفي باندونج 500 الف ربية وفي جاكرتا بالتكسي والتسعيرة بالعداد ورخيصه مره والتكسي في كل مكان
والتنقل داخلي كيف طيران ولا شنو كيف نحجز
عل حسب المدن اللي تبغي تزوريها اذا تبغى تروحي بالي لازم طيران اما اذا تبغى تكتفي ببونشاك و باندونج وجاكرتا التنقل بسيارة وممكن قطار من باندونج الى جاكرتا بس السيارة افضل
التأشيرة هل هناك لنا تاشيره او نسويها من هنا لا كيف
ما فيه تأشيرة ولا شي بس لازم يكون عندك حجز فنادق للمدة اللي تبغى تجلسيها في اندونيسيا كذلك تذكرة طيران للعودة من اندونيسيا مطبوعة باللغة الانجليزية هذي ممكن يطلوبها الجوزات في المطار وممكن ما احد يسألك عنها بس لازم تكون معك
والنت كيف طريقته هناك لان عدننا كثير لو اخذت هواوي ينفع ولا كيف
اول ما تخرجي من صالة المطار تلقى كثير من الاشخاص يبعوا شرائح اتصال ونت سعرها حدود 25 ريال سعودي فيه شركة اسمها سمباتي ممتازه
ابي نصايح منكم وش اخذ معي اغراض اشياء انتبه منها
خذي مسكنات (ادول , بندول ) فيش الكهرباء عندهم صعب شوي ان شاء الله ابحث عن صوره اضعها لك فيما بعد
اعتمادي على الله ثم عليكم
اسفه اسفه اسفه على بثارتي بس الخوف ماثر علي
الامر بسيط ما فيه خوف البلد جميل وممتع جداً
 | | عليكم السلام
الامر بسيط ان شاء الله بما ان الوقت بعيد شوي يفضل انك تتطلعي على التقارير حتى تاخذي تصور عن البلد وبعدها راح نرتب لك جدول | توقيع : alradadi | | لا اكتب الا في منتدى المسافرون العرب فقط
| |
|  |
4الاعجاب
العرض الشجري
المواضيع المتشابهه 
