اولا الله يعيينكم ويمهل لكم ... والميزانية حلوه بس التسوق وش وضعه ؟ له ميزانية معينة من المبلغ ؟ لانكم بتجلسون ببريطانيا 21 يوم تقريبا والا؟
ثانيا - كل مدن بريطانيا تقريبا متشابهة ... ومافيه مثل لندن .... يعني اي مدينة كبيرة يكفيها يومين اذا كان فيها اشياء ... اكثر المدن هنا جامدة والحياة فقط في لندن ... بحط لك خطوط عريضة مع انه صعب برنامج اسبوعين متغير يوميا في برمنقهام ... بس اللي متاكد منه انا انه اذا كان اول مره تجون بريطانيا فماراح تملون منها ابدا خلال الاسبوعين ...
ثالثا - انا غالبا مسافر اقتصادي من ناحية السكن .. يعني اسكن كويس بس موب غالي .. وافضل الشقق على الفنادق خصوصا اذا فيه اطفال .
مثلا هذي قريبة من اكبر اسواقهم وسعرها تقريبا بعد العيد 80 باوند (440 ريال ) وتزيد 40 باوند لو معكم البنات اللي يحفظهم .
Aparthotel Adagio Birmingham City Centre, UK - Booking.com

- عالم كادبوري ( سبق تكلمت عنه )
- اكواريوم
- Bullring
مركز تجاري كبير ومشهور عندهم فيه اكثر من 160 محل بالاضافة الى عشرات المطاعم والكافهيات يفتح كل يوم من 10 الصباح الى 8 المساء الا السبت من 9 -8 والاحد من 11- 5 ... وممكن يكون خيار جيد للتسوق !! مع اني افضل لندن لان خيارتها اوسع وقريب منها 2 اوت لت واحد مشهور وواحد غير مشهور .

The Bullring Market

انا اسميها اكشاك التاون - وهي تجي يومي الخميس والجمعه ويصير فيه اكشاك تبيع في شواع التاون ( مركز المدينة ) وبالنسبة لي هو ممتع في مدينتنا الصغيره فكيف بمدينة كبيرة مثل برمنقهام .. وهو يتميز بالخضار والفواكه الرخيصه ( انا ماافضله لانها نص عمر ) ويجي فيه انواع كثيرة من الاكشاك مثل اكشاك الزهور والهدايا والمخبوزات والاكسسوار ومطاعم الشوارع ( الـ ستريت فود يعجبني له نكهة خاصة ) بس اسألوا عن مكوناته اول عشان الحلال .

New Street
شارع ملي بالفعاليات خصوصا في الويكند
صور له من قوقل
https://www.google.co.uk/search?q=ne...w=1366&bih=667





Victoria Square
نصب تذكارية وشاشة ونافورة

- حديقة الحيوان .. شكلها حلوه وكبيرة
مساحتها نصف مليون متر مربع وفيها كافيهات ومطعم بالاضافة للغرض الاساس وهو مشاهدة 950 حيوان من 230 نوع

الحديقة النباتية
The Birmingham Botanical Gardens
تعجبني الحدائق النباتية من حيث انها تكون مرتبة بشكل معين ويحطون تحت النباتات تعريف بها وفيها نباتات يمكن ماتشوفونها بالحدائق العامة
هذا البوست كود حقها ولو حطيتوه في قوقل ماب يعلمكم كيف توصلونها بالباص.
B15 3TR
----
بالنسبة للبنات بيجون او لا ؟ عشان موضوع السكن ... ومتى تاريخ جيتكم ... ومتى بتروحون البحيرات ؟ اثناء وجودكم ببرمنقهام او متى ؟ ومعليش هل فيه ارتباط يومي بشي؟ دورة مثلا عشان تنتبهون لمواعيد زيارة الامكان لان لو فيه دورة فهي غالبا يمكن من 9 صباحا الى 3 او 5 مساء .

تذاكر القطار اذا انتم خلاص حجزتوا طيران احجزوا القطار لانه بيفرق معكم جدا السعر من الان وبتوفرون مبلغ وقدره .
- الاويستر باختصار بطاقه تشترونها بـ 5 باوند وهي اوفر لكم في التنقل من شراء التذكرة مباشرة من الباص او الترام او المترو ( والقطار تشترونه من الان ) ولو معكم البنات فما راح تاخذون لهم تذاكر اطفال اذا معكم اويستر لانهم بيكون معكم مجانا (من مميزات الاويستر) بس بدونها بتشترون لهم تذكرة اطفال .


- فترة زيارتكم خصوصا للبحيرات بتكون فترة زيارة حتى لسكان بريطانيا فضلا عن باقي السياح فحددوا التاريخ من الان عشان نشوف السكن وتحجزون ...

- ماسبق اني نسقت رحلة لاحد بس فعلا بحاول قدر المستطاع واعتذر عن اي خطأ

-- رابط يمكن يفيد
http://visitbirmingham.com/files/201...ure-Arabic.pdf