شرم دلوقتي الجو فيها حلو بس بليل ممكن تحتاج حاجة بكم بالذات في السفاري والكافيهات المفتوحة. بس مش برد.
الاماكن بقا سوهو منطقة جديدة فيها كافيهات ونافورة حلوة بس مش اوي الصراحة. ممكن تروح تزهق فيها علشان المطاعم اللي موجودة فيها مش اد كدة. بس تستحق الزيارة للتصوير والروقان والنضافة. المشاية دي في خليج نعمة عبارة عن شارع طويل على يمينه وشماله مليان محلات ومطاعم وكافيهات بقعدات بدوية حلوة .فيها حياة عن سوهو واقرب من سوهو.
فندق سافوي جوة منطقة سوهو والفندق بيعملك خصومات على مطاعم وكافيهات منطقة سوهو بما انك مقيم فيه.
بالنسبة للنشاطات فلو روحت شرم يبقا لازم رحلة لجزيرة تيران او راس محمد بتعمل سنوركلنج او دايفنج .
وبتعمل سفاري جميلة في الصحرا مع قعدة بدوية حلوة .
فيه الجلاس بوت عبارة عن مركب القاعدة بتاعته زجاج عشان تشوف الاحياء البحرية والاسماك وهي في المية .
طبعا غير انشطة بحرية زي البنانا بوت والبراشوت وغيره.
هتلاقي في منطقة المشاية في خليج نعمة مكاتب واكشاك كتير للرحلات دي وبتكاسر وتفاصل معاهم كمان.
ده اللي على بالي حاليا واي سؤال هقدر اساعد فيه انا موجودة وان شاء الله هترجع مبسوط من هناك