وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ



مبروك الزواج والله يتمم لك على خير



انا شخصياً ارى ان تضع كاميرون في حساباتك منطقة تستحق الزيارة

يكفيك جوها البارد والامطار والايسكريم والشاي
شغل مرتب


يعني اخصم يوم من لنكاوي ومن بييانغ
لمصلحة كاميرون



بس وسيلة النقل هي اللي بتكون شوي متعبة
فهذا شيء يعتمد عليك



جنتنق و كاميرون
منطقتين الجو فيها بارد طول السنة
ليس ك بقية المناطق الي ذكرتها



عاد شفني اعلمك اذا جسمك حساس من النامس ( البعوض )
من الحين رح الصيدلية واشتر رشاش طارد البعوض ( علبه سبراي )


لان البعوض بيكرهك حياتك
خصوصاً بييانغ و لنكاوي











والله يعينك بمطار كوالالمبور
عند بوابة القدوم اصحاب المكاتب

ينادونك
( جولة حول المدينة )




لا ترضخ لاول سعر خذ عليهم اطلاع و معرفة
او اشتر راحتك وخذ تاكسي ورح للفندق حقك
وبعدين تلقى منهم حول فندقك يسوي لك جولات



خذ لك تاكسي يوميته
100 رينغت وحولها





واذا تبي تشتري راحتك
اتفق مع مكاتب السياحة اللي في المطار

لا تخاف وتقول وين مكانهم
يجونك يتلقفونك اول ما تستلم شناطك وتطلع من بوابة القدوم


الخيارات متعددة فلا ترضخ بأول سعر
الا اذا انت شفته مناسب لك





بتكلم معك عن تجربتي الشخصية


كانت اول رحلة لي لماليزيا
انا والزوجة



ولم اكن اعلم عن هذا المنتدى الطيب المبارك
والا لكنت استفدت منه



مع مكاتب السياحة
عند واحد وقفت وجلسنا على طاولته
طبعاً حجوزات الفنادق عندي
كنت حاجز بالترتيب

سيلانجور
كاميرون
بييانغ
لنكاوي
جنتنق
كوالالمبور


20 يوم

سويت معهم اتفاق وعقد رسمي
واطلعت على سجلاته وكشوفاته وتبين لي انهم مكتب مصرح له وتوكلت على الله
يوفر لي وسيلة التنقلات في المدن المذكورة
وسائق خاص كل يوم 6 ساعات للتنقلات في المدينة



كان السعر بالريال السعودي
3000 الاف ريال

وبيني وبينك لن اجرب هذي العملية مرة اخرى



والسبب لي انا شخصيا

اغلب الايام ما كنت اكمل الـ 6 ساعات ههههههههه

وفيه ايام اقول للسواق لا تجي
ابي استطلع المدينة لوحدي
لاني و زوجتي نحب المشي



مع العلم اني دفعت المبلغ اعلاه مسبقا ً
بس عادي ماعليه



لهذا دايم اول سفرة تعلمك للسفرة اللي بعدها




على كل حال اعتذر منك للاطالة
لكن احببت ان استعرض معك تجربتي
في زيارتي لماليزيا





والله يسعدكم ويجمع بينكم بالمحبة والمودة







تحياتي


أرسلت بواسطة أوكسير بإستخدام Tapatalk

ردِّدْ دائماً:
سبحانك اللهم وبحمدك ( أستغفرك وأتوب اليك )