بالنسبة لي وانا لسة راجعة من ماليزيا النهاردة هقول عن تجربتي في ذا ويستن وصن واي ريزورت.
ذا ويستن لنكاوي اخدت غرفة مطلة عالحديقة لكن في الفندق عملولي ترقية لاطلالة جزئية عالمحيط بفرق مبلغ مناسب فاخدتها وكانت رائعة. ويستن ممتاز ممتاز ممتاز ويستاهل القعدة فيه.عيبه بس اللوبي مش مكيف.
صنواي بقا معجبنيش.. فايف ستار من برة وفي الغرف تلاتة ستار. اخدت غرفة مطلة عالحديقة المائية وفي الدور ال 18. ولما استلمناها لاقتها كانها متفتحتش بقالها شهور. ريحة مش لطيفة خالص والدولاب خربان والخزنة مش شغالة وباين عالغرفة الاهتراء. كلمناهم الاول حاولو يصلحو الوضع بس متقبلناش الغرفة راحو مغيرين لنا الغرفة لغرفة كلوب بنفس الاطلالة طبعا افضل من الاولى بس برضه مش مستوى الفندق اللي متحاكى عنه وسمعت عنه. في رايي الشخصي صن واي ولا له اي تلاتين لازمة بالذات انه كمان مافيش للنزلاء اي ميزة بالنسبة للحديقة المائية. يعني بتدفع نفس مبلغ تذاكر اي حد داخل من برة الفندق وكمان لو دخلت مينفعش تطلع وتدخل تاني. من الاخر لو روحت تاني ماليزيا مش هقعد فيه حتى لو ببلاش صراحة. غير انه بعيد عن كل الاماكن. انتم شباب فخليكم في كوالالمبور اعتقد والحديقة المائية يوم تروحو وترجعو افضل بس من اول اليوم بدري علشان تلحقو تلفو عالالعاب كلها