رحلتــــــي الأولـــــى ( ماليــــزيـــا ) متعه .. إثاره .. تشويق .. مغامره - الصفحة 11

slooom0072 · 04-05-2016, 06:34 PM

اقتباس : المشاركة الأصلية كتبت بواسطة ابو انس

الصوووور ابدااااع

والفندق جمميل بستقبالهم

أرسلت من LG-H818 بإستخدام تاباتلك

حيّاك ربي اخوي ابو انس مره ثانيه

واشكرك على كلامك الجميل

قصة حب · 04-05-2016, 12:08 PM

ما شاء الله

الصور زووووووووووووووووغه

تسلم الايادي يارب

صور لنكاوي وايد حلوة

slooom0072 · 04-05-2016, 06:36 PM

اقتباس : المشاركة الأصلية كتبت بواسطة قصة حب

ما شاء الله

الصور زووووووووووووووووغه

تسلم الايادي يارب

صور لنكاوي وايد حلوة

هلا وغلا اخني قصة حب

وحيّاك ربي مره ثانيه

اشكرك على كلامك الجميل ومن ذوقك

الله يسلمك

Al-Hajri VIP · 04-05-2016, 02:06 PM

ماشاالله ما اجمل لحظات الوصول الى لنكاوي خصوصا اذا استقبلتك بالإمطار .. كيف تقييمك اخوي سلوووم لفندق ريباك من ناحيه الموقع والنظافة ..

slooom0072 · 04-05-2016, 06:39 PM

اقتباس : المشاركة الأصلية كتبت بواسطة Al-Hajri VIP

ماشاالله ما اجمل لحظات الوصول الى لنكاوي خصوصا اذا استقبلتك بالإمطار .. كيف تقييمك اخوي سلوووم لفندق ريباك من ناحيه الموقع والنظافة ..

هلا والله وغلا اخوي الهاجري

فعلاً لنكاوي جميله للغايه .. والأجمل والأروع استقبالها لنا بالأمطار ..

تقييمي للفندق 8 من 10

وأعتقد أكثر شيء يعكر المزاج فيه .. سالفة المرفأ والانتظار في كل طلعه ودخله

والفندق إجمالاً جميل نظافه رائعه إفطار شهي ومتنوع ابتسامه على محيّا الجميع

Turki1407, فيصل, قصة حب و 1 آخرون معجبون بهذا.

فيصل · 04-05-2016, 02:09 PM

شكرا لك
زين انك انتبهت له الشخص يمكن خاف انك تبلغ وهرب
تعجبني انك صريح
البعض يا أخي يسوي فاهم أنه يعرف انجليزي ولا يعتمد علي قوقل مثلا
تصرف الحمالين صراحه سيء وأتمني الكل يأخذ الحذر
يالبيه يالحقوق
لنكاوي ساحره ولا ألوم أح فيها

تحياتي لك

مجديمعجبون بهذا.

slooom0072 · 04-05-2016, 06:42 PM

اقتباس : المشاركة الأصلية كتبت بواسطة فيصل

شكرا لك
زين انك انتبهت له الشخص يمكن خاف انك تبلغ وهرب
تعجبني انك صريح
البعض يا أخي يسوي فاهم أنه يعرف انجليزي ولا يعتمد علي قوقل مثلا
تصرف الحمالين صراحه سيء وأتمني الكل يأخذ الحذر
يالبيه يالحقوق
لنكاوي ساحره ولا ألوم أح فيها

تحياتي لك

هلا وغلا اخوي فيصل

وحيّاك ربي مره ثانيه

والحمد لله .. الصراحه راحه

مسألة ان الواحد يسوي فاهم .. مو وقته بصراحه ههههههههههه

ديره غريبه .. وزوجتي معي .. موشكل كاثير

لو انا عزوبي تفلسفت عليهم الين الصباح ..

فيصل و مجدي معجبون بهذا.

أوكسير · 04-05-2016, 07:03 PM

منت بسهل سلوووم

اذا اللابتوب ياخذ من وقتك

حمل تطبيق tapatalk
ومن خلاله تدخل المنتدى

وتقدر تنزل الصور تلقائيا من الجوال للمنتدى

واصل وانا معاك متابع

تحياتي

أرسلت من GT-N7000 بإستخدام تاباتلك

فيصل, Al-Hajri VIP و قصة حب معجبون بهذا.

slooom0072 · 05-05-2016, 04:29 PM

اقتباس : المشاركة الأصلية كتبت بواسطة أوكسير

منت بسهل سلوووم

اذا اللابتوب ياخذ من وقتك

حمل تطبيق tapatalk
ومن خلاله تدخل المنتدى

وتقدر تنزل الصور تلقائيا من الجوال للمنتدى

واصل وانا معاك متابع

تحياتي

أرسلت من GT-N7000 بإستخدام تاباتلك

هلا بك اخوي اوكسير

الحين ماعاد يمديني .. لأن الاشغال تكالبت علي ..

slooom0072 · 05-05-2016, 06:09 PM

قبل البدء ..

أعتذر لأنني سأتوقف لمدة 3 أيام اعتباراً من الليله بسبب سفري لمدينة الرياض لتغطية حفل

والعوده يوم الأحد إن شاء الله لذلك سأسرد لكم ما أستطيع هذا اليوم

تفاصيـــــــــل الرحلــــــــه فقره ( هـ)

إكمالاً لليوم الثالث .. طبعاً صلينا المغرب والعشاء ..

وطلبنا عشا خفيف لنا من المنتجع واعتقد كان سعره 120 رينجت ولمّا جات الساعه 9 بالليل ..

وهي اول ليله لنا بلنكاوي .. جانا مطر شديد جداً .. وكانت معه رياح قويه .. والحمد لله

بعد ساعه تقريباً هدأت الأمور واستمر المطر بدون رياح .. وجاء وقت النوم ..

..

صحينا بدري تقريباً الساعه 7.00

وكان هناك موعد مع السائق الماليزي محمد واتفاقنا على الـ 9 صباحا

ولازم نحرك مع اللانش اللي وقته 8.45 دقيقه ..

تجهزنا وأخذنا مانحتاج من لوازم الجوله .. وفي مقدمتها الكاميرا

ذهبنا للإفطار في المنتجع .. وكان لذيذ جداً

بعد الإفطار توجهنا إلى المرفأ .. وكان هناك زحمه نوعاً ما .. ولكن اللانشات 2

توكلنا على الله .. ووصلنا الى المرفأ الآخر .. وكان محمد بإنتظارنا .. والابتسامه على محياه ..

ركبنا وقلت له .. خطوه خطوه .. علمني وين بنروح ..

وأحب أن أعرف وش بسوي والمكان اللي راح نتوجه له ..

لأن ليس كل شيء نهواه .. وليست كل الأماكن نحبها

قال : أولاً على حديقة الفواكه ..

ملاحظه /

اختيار الأماكن مهمّة أم سدن لأن الرحله هديه لها فالأساس

وهي اللي تقرر الأماكن طبعاً مع استشارتي

انتقلنا الى حديقة الفواكه .. وسأترككم مع بعض الصور الملتقطه وسأكمل بعدها

هذي الصوره واضح فيني التعب من الرطوبه لأني انا والرطوبه ما نتصافى نهائياً

..

كان هناك سياره تتجول بنا في حديقة الفواكه .. واعتقد الدخول للشخص 35 رنجت

توقفنا عند مبنى داخل الحديقه وفيه اطباق بها فواكه مشكله من انتاج نفس الحديقة

تذوقنا .. وماشاء الله رائعه .. وطبعاً كانت مجاناً .. وهناك عصيرات بـ 5 رينجت

بعدها أكملنا الجوله وكانت رائعه .. وطلعنا الى البرج العالي بوسط الحديقة .. وكان هناك أجانب

والابتسامه لاتفارق محيا الزوّار وقبلهم جميع العمّال بالحديقه .. رغم الرطوبه العاليه ..

طلعنا للبرج وكان المنظر رائع كما شاهدتم في بعض الصور السابقه ..

طبعاً يوجد مطعم وبقّاله في الحديقه .. وهذه فائده لمن يريد لكن ما جربت شيء عندهم

خلصنا حديقة الفواكه .. وطلعنا وكان محمد ينتظرنا بسيارته الجميله ماشاء الله تبارك الله

..

قلت وين الحين ياصديقي .. قال الآن على حديقة الطيور قلت مشينا ..

طبعاً بموافقة ام سدن .. ودخلنا الحديقه واستمتعنا بكل دقيقه وثانيه .. فعلاً متعه

وأترككم مع الصور .. وإن شاء الله أنها توصف جمال مارأيت

طبعاً الصوره الاخيره حقت الولد الصغير .. بسم الله عليه ..

كان يناظرني وانا اصور وتركت الطيور واروح اصوره ..

..

الصور كثيره جداً .. لكن مسألة الاختيار عندي بالصور مسأله معقده منذ الصغر هههههههههه

..

استمتعنا بجولة الطيور .. وطلعنا وكان محمد الله يجزاه خير ينتظرنا ..

وكما عودته بالسؤال .. على وين الحين هههههههههه احس انه بينزلني

قال الحين اختياركم .. فيه البراشوت ..

وهنا قاطعته وقلت مستحيل لأن عندي فوبيا من المرتفعات وهالالعبا ما احبها وما تصلح لي ..

قال فيه جولة الدبابات الرباعيه قلنا تم ههههههههه ..

ورحنا لهم ودلنا عليهم .. واستقبلونا ..

وعرضوا لنا الجولات .. وكل وحده تختلف عن الثانيه بالسعر

طبعاً وبصراحه اسعارهم مرررره مرتفعه ..

يعني جوله بالدباب الرباعي يمكن لمدة ساعه بـ 250 رينجت !!!!!

ام سدن متحمسه لهالجوله .. وقلت في نفسي ..

والله ما اردها في خاطرها خاصه اني عارضتها لأول مره على البراشوت

لذلك اخذنا الدبابات وهجولنا في الأنحاء ههههههههههه ومتعه بصراحه خاصه عند

الدخول في مزراع لنكاوي وزيارة شجر المطاط وزيارة الشلالات ..

ولكن رغم المتعه إلا انني متوتر وخايف .. لأننا لوحدنا والحافظ الله سبحانه ..

واستودعنا الله انفسنا .. وكملنا الجوله

..

خلصنا الجوله وكانت لمدة ساعه وربع تقريباً

الآن الساعه تشير الى 3.00 م .. وهذي المره انا اللي وجهت السائق وقلت ودني لمحل الشوكولاته

وفعلاً رحنا .. ودخلنا المحل وكان رووووووووووعه .. وتسوقنا منه واخذنا بعض الهدايا منه

طبعاً المحل يضم كذا قسم .. ولكن اللي اعجبني فيه قسم القهوه والشوكولاته

طلعنا من المحل وقلت الحين على وين ههههههههههههه

قال الآن التلفريك لا لا لا ياحبيبي .. انا البراشوت ما رحت له ..

اروح للتلفريك ( نبرة خوف ) .. هنا كان التدخل من ام سدن .. وقالت تكفى وافق جاء العيد جاء العيد

امممممم سكت شوي .. أحلل الموضوع وخطورته .. وبصراحه وافقت .. بس كان هناك شرط

اني اقفل عيوني .. وما تخوفني .. ههههههه

قالت ابشر .. قلت يالله

قصينا التذاكر .. ودخلنا .. ولكن دخلونا على صاله وقفلوا الباب والأنوار ..

وش السالفه لا يكون هذا التلفريك حقهم .. ههههههههههههههه

المهم شغلوا فيديو لقطار الموت .. والله كأنهم يعرفون اني ما احب هالاشياء ..

وبصراحه العرض جداً يخوّف لمن حالته مثل حالتي ..

والمشكله اني ركزت ودخلت الفورمه مع الفيديو وكأني بقطار الموت حقيقةً !!!!

طلعنا وتوجهنا لصعود التلفريك الله يقلعه وكان نظامهم .. كل أربع أشخاص مع بعض ..

فأجتمعنا مع عائله سعوديه .. رجل وزوجته .. وضحكو علي ضحك إن شاء الله مايجيكم موقفي

كان سعر التذكر 75 للشخص .. اعتقد ذلك .. ويمكن مضيّع

الرهبه لها دور بصراحه .. أخليكم مع الصور وأكمل التقرير على خير يوم الأحد القادم بإذن الله

abdullah h, Turki1407, A.Alsubhi و 8 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ملاهى ايكو اسكيب بينانج ... متعة, تشويق, اثارة	أبوعبدالله (الاسفار )	ماليزيا	21	04-03-2018 05:52 PM
مغامره للورده الجديده	ابوعرب	بوابة اثيوبيا	6	28-04-2016 08:22 AM
رحلة شتوية لبلاد العثمانيين من 7 يناير إلى 20 يناير متعة إثارة تشويق	الـــفالـــح	تركيا	80	07-09-2015 11:39 PM