السلام عليكم ورحمة الله وبركاته ...


من زمان عن المنتديات ، وعن الكتابة فيها ..
ولكن رغبة في الافادة ولأنني فعلاً أستفدت جداً جداً من هالنوع من المواضيع ، حبيت اطرح تجربتي لعلها تفيد أحدكم ...


كنت جداً جداً متخوفة من الفيزا وتدور حولي هواجيس ومخاوف وأسئلة ؟ هل راح يرفضوني ؟ هل بيصير في خطأ في البيانات ؟ هل هل هل ؟؟

بس الحمدلله الموضوع سهالات وبسييييييط جداً ...


بسم الله ...

* اول شئ قمت بنفس اللي مكتوب في موضوع فيزا خطوة بخطوة =
http://www.arabtrvl.com/vb/t1482.html

بإختصار /
دخلت الموقع ، سجلت بأسم ابوي ، سويت ابلاي فور ماي سيلف (وعبيت ابلكيشن الوالد) حجزت موعد عائلي ودفعت ، ثم ضغطت ابلاي فور سمون ايلس (وبديت اعبي بيانات الوالدة والاخوان ) وبكل مره احجز موعد عائلي بنفس اليوم والوقت وادفع ...



* المرفقات اللي جبتها معاي /
طبعت حجز الموعد + وطبعت الابلكيشن كامل = لكل شخص
صورتين شخصية بالمواصفات المطلوبة = لكل شخص
الجوازات ، حجز الفندق ، حجز الطيران
تعريف بالراتب = للأب
كشف حساب 6 شهور = للأب

* اللي احتاجوه واخذوه مني /
حجز الموعد لكل شخص
الصفحة الاولى فقط من الابلكيشن لكل شخص
الجوازات
تعريف الراتب
كشف الحساب
اما حجز الفندق والطيران (قالت لي الموظفه مو ضروري هو فقط زيادة دعم لأوراقك ودك ارفقها ؟ قلت ايه)


-------

موعدي كان 2 مايو 2016 الساعه 3 ونص العصر ، موعد عائلي طبعاً ..

رحت لموقعهم في ام الحمام عند هابر بنده (خلوا هايبر بنده على اليمين ولفوا بعده على طول يمين تلقون بوابة خاصة بالمركز برا فالشارع (يعني ماتدخلون لهم عن طريق هايبر بنده)





تدخلون المركز وبعدها تدخلون غرفة للنساء وغرفة للرجال (للتفتيش )
تطلعون من الغرف من باب ثاني ، وترقون فوق الدور الاول ..



اول ماتدخلون بتلقون مكتب فيه سعوديين
*ملاحظة الموظفين جميعهم يتكلمون عربي سعوديين والبعض هنود وشرق اسيويين ..



رحت لهالمكتب فقط أستفسر لاني اول مره اجي المركز فسألني اي سفارة وعن موعدي (انا جايه قبل بساعة الا ربع ، قالي انتظري لين قبل موعدك بربع ساعة ثم روحي ؟؟ قلت ليش ؟ ماراح يستقبلوني الان ؟ قال روحي جربي :/ واشوا انتي جربت ولا صدقته استقبلوني ودخلوني قبل موعدي ومشت اموري الحمدلله ) .

عموماً لما تدخلون بتلقون في الارض مسار ازرق Zone A

اتبعوا المسار وامشوا عليه لين توصولون لشخص واقف عند الباب ياخذ اوراق المواعيد ويتأكد منها ويوقع على الاوراق ويختم ...
تدخلون غرفة كبيرة اللي هي مركز تأشيرات بريطانيا ، توقفون عند مكتب ياخذ منكم اوراق الحجز والابلكيشن ويتأكد منها بالكمبيوتر بعد كذا يعطيكم ورقة رقم ...

تدخلون غرفة مواعيد العوائل ، فيها مكاتب وجلسات انتظار وانتظروا لين ينادوون على اسمكم ..
*ملاحظة / المنادات على الرقم مو واضحة ، ضروري تركزون على الشاشة وتفتحون اذنكم ههههه

اول ماينادون عليكم ، شخص من العائلة يقوم معاه الاوراق ويجلس عن البنت (الموظفات سعوديات)
بتاخذ منكم جمييييع المتطلبات ، وبتاخذ وقت شوي تقريباً نصف ساعة اخذت مننا ..
سألتني بهالوقت اذا موعد مستعجل اول لا ؟؟ اذا حابة ادفع علشان فيديكس يوصلون لي جوازي ؟ طرحت على عرض على بطاقة المواصلات في لندن عندهم ارخص وامووور اخرى ..
*تأكدت مني عن اختي الصغيرة لو هي بتسافر بلحالها او مع الوالدين ؟ قلت مع الوالدين ؟ قالت طيب هناك في بريطانيا بتفارقهم او لا بتكون معاهم طوال الرحلة ؟
بعد ماخلصت جميييع اوراقتا عطتني ملف فيه جميييع المتطلبات مع ورقه فيها رقم (وعطتني ورقة فيها فواتيرنا ومهمه جداً عند استلام الجواز) ..

طلعت للسيب وانتظرت لما نادوا على اسمي (علطول بنفس الوقت ماجلست حتى )
دخلنا غرفة فيها مكتب موظفة سعودية قالت الكل يطلع ماعدا شخص ..
بدت معنا شخص شخص وطلب منا نناظر كاميرا فوق بالسقف ونقول اسمنا كامل ثم رفعت الجواز وسألت هذا جوازك ؟ قلت ايه نعم .. طلبت مني اجلس وصورتني ثم بصمت ووقعت في ورقة وفي جهاز ..

امس 17 مايو 2016 بعد تقريباً 15 يوم وصلني ايميل من المركز للحضور لإستلام الجوازات ، ورحت اليوم استلمتها ولله الحمد ...

بالتوفيق للجميع ، ورحلة ممتعه ان شاء الله