مساءكم سعيد
داخ راسي و انا انتقل من موضوع للثاني
و ما اخفيكم انام و اصحى و انا اقلب بين مواضيع المنتدى
عرفت المشرفين و الاعضاء كلن باسمه
و عرفت لندن كأني مولودة فيها <--بدليل كتابتي لهالموضوع

الزبده
ناوية بإذن الله إن الله يسّر اروح بريطانيا واحنا شخصين
من 29 اغسطس حتى 13 سبتمبر
تقريبا اسبوعين ماحسبت يومين السفر
سؤالاتي
1- كيف بيكون الجو وقتها تقريبآ
2- ماهي مقترحاتكم للأماكن الممكن زيارتها
علمآ اني ميالة للطبيعة و التسوق يكون بآخر يومين
ماحب ابعزق دراهمي إلا بالأخير
3- فكرت يكون الوصول ادنبره - البحيرات - لندن
طبعا لندن لها النصيب الأعظم
3- بالنسبه للسكن انا عندي قناعة .. السكن فقط للنوم
لذلك دائمآ اكون اقتصادية و غير متطلبه من هالناحية

مقترحاتكم لا هنتو
و بعدها ندخل في التفاصيل " راعية طويلة "
و تحملوني

الجو حار بس حار حلو اللي نتحمله يعني درجة الحرارة 25-27 وممكن تتنزل بس مو برد وفي امطار اشويه ..

حلو ادنبره تاريخيه وطبيعه والبحيرات طبيعه ريفيه ولندن سوق واجواء المدن الممتعه
الفنادق في اقتصاديه والمعروفه مثل ايبيس وهوليدي ان اكسبرس وميركور والخ


ليش ما تاخذون البرتش من الرياض على ادنيره ؟

ياهلا ومرحبا فيج اختي

اعجبتني المقدمه

الوصول ادنبره
والعوده من لندن
او العكس

مجموع الليالي 15 ليله

ادنبره 3 ليالي
جلاسكو 3 ليالي
البحيرات ليلتين
مانشستر 3 ليالي
لندن 5 ليالي

نخلص من المخطط ونروح للفنادق

اذا ماتبغين مانشستر غير ضروريه الا اذا بخاطرج
ممكن تطلعين من البحيرات مباشره الى لندن

في حال الغاء مانشستر راح اضيف ايامها في ادنبره ولندن

حي الله بنتنا

جلاسكو تاريخية اكثر من كونها مدينة تسوق

توزيع الايام راح يتعبك ويضيع عليك السفره لان اليايام تمشي بسرعة

انا ارى الاستغناء عن جلاسكو والبحيرات وحصر الرحلة بما انها اول مره بين لندن ومانشيستر وافضل جميع اليالي بلندن فقط يتخللها زيارات لخارج لندن والعودة في المساء للمبيت كالذهاب لبرايتون وبستر فلج (اوت لت ) وهذا اقل مشقة لكم من كثرة التنقلات


او الوصول جلاسكو والعودة لندن او مانشبستر _ لندن


يعني اختصريها وان ان حبيتي تغيرين شوي روحو البحيرات من مانشيستر اقرب لكم وبعدين لندن والعودة منها


بالنسبة للطيران بما انك في الرياض يوجد رحلات دايركت للندن ومانشستر على السعودية او البريطانية

واذا اذا مالقيتوا دايركت بالسعر المناسب افضل لك الاماراتية لانها في صالة خاصة وهي تيرمنال 3 اقل زحمة من باقي الصالات وابعدي عن الركوب بالطائرة الضخمه A380 لانها في الغالب ستكون ممتلئة بالمسافرين مما قد يعرضكم لبعض التأخير في الدخول للندن علما ان الاموزر ميسره والسرا يمشي بسرعه بشكل عام



هذا مالدي والاخوان سبقوني بالخير والاراء الطيبه