قرأت موضوع اخي منير في هذا الموضوع
http://www.arabtrvl.com/vb/t1752.html

فذكرني بموضوعي اللي حصل معي مع احد الشركات

اذا تسمح ادارة المنتدى سأكتب اسمها

مع العلم ما زلت محتفظ بالهدية ولم استخدمها حتى الان لأنها ما تسوى

سالفة الهدية هي




في احد الاسواق بالرياض عرض احد المندوبين تابع لأحد الشركات على الاهل حجز فندق يومين مجانا في أي مكان داخل المملكة العربية السعودية وفي أي فندق او شالية او اي سكن لغرض السياحة وامكانية اختيار اليومين خلال سنة مقابل حضور عرض اعلاني في مقر شركتهم (شقتهم)

فاخذ البيانات ورقم الجوال وقالنا تراجعوننا في مكتبنا بأحد الأحياء بالرياض في اليوم الفلاني

ورحنا لهم مكتبهم في شقة عادية يتضح انه مكان مؤقت لصنع الأفخاخ (مع العلم الشركة مرخص لها ممارسة النشاط السياحي) لكن في السعودية لا تدقق

لما دخلنا عندهم

جانا احد الموظفين وقلنا له عندنا موعد وكذا

قال تفضلوا

حضر لنا موظف في احد الغرف اللي دخلونا فيها وجلس عندنا يشرح الهدية والعرض

الهدية عبارة عن سكن مجاني في اي فندق تبغوه في السعودية يومين لكل العائلة (وعائلتنا 5 اشخاص)

وفي اي مكان من غير شروط وفي اي يوم تختاروه لمدة سنة الهدية صالحة .. والمقابل حضور اعلان راح نعرضه عليكم لمدة ساعة او 45 دقيقة وسواء اشتريتوا العرض او لا.. هديتكم حتاخدوها

وكلام كثيييييييييير بشكل سريع عشان يدوخونك ويخلونك ما تتذكر شيء بالنهاية
وعضوية فيها مميزات كثيييييييرة ما اذكر المميزات من كثرها

بالنهاية قالوا عرضنا هذا تاخذوه مع خصم فقط لليوم بقيمة 1000 ريال عضوية ومعها هدية اخرى اضافية نفس مميزات الهدية اللي انتوا جايين عشانها (زيادة اغراء بعرض الخصم لليوم فقط) عشان ما تشوف الهدية ثم تفكر

وبعد تفكير طويل قلت ما بدهاش تفكير
لأني كنت ناوي اروح مكة يومين وتكلفة السكن كانت بتكون اكثر من 1000 ريال
قلت اخذ العضوية بالف ريال واستفيد بسكن مجاني وين ما ابي وبكذا ضربت عصفورين بحجر واحد
وبدون ما يوريني اي اوراق واي هدية قبل الدفع
قالي ادفع الان فيما اخلص لك الاوراق واطبع لك بطاقة العضوية
قلت توكلنا على الله ودفعت ببطاقة الصراف

بعد الدفع جاب الهدية اللي احنا جينا عشانها مقابل حضور الاعلان عن العضوية
والهدية الثانية المشابهه لها مقابل الاشتراك بالعضوية ومعها بطاقة العضوية

ولما شفت الهدية ومميزاتها بالورقة .. اكتشفت كل الوعود اللي كانت عن الهدية سراااااب واختلفت 180 درجة
صارت الهدية في فندق لشخصين فقط في احد الفنادق المختارة اما في جدة او مكة او الدمام فقط .. (موضح في ورقة الهدية)
وازيدكم من الشعر بيت ..عشان تفعل الهدية لازم تحضر المكتب قبل السفر وتدفع 100 ريال رسوم الحجز ههههههههه والله فاضي لكم انا (برضو موضح في ورقة الهدية)
ووالله ان الفنادق المحددة بالهدية سيئة جدا وما تسوى .. يمكن الليلة فيها قيمتها 200 ريال شيكت على احدها في موقع بوكنق

وما طلعت من عندهم ودخلت في مشادة كلامية معهم قلت وين العرض اللي كنت تتكلم عنه ووين وين وين الخ
وجلس يتهرب في الكلام ويقول اتصل على الرقم الفلاني وراح يغيرون لك كل شيء (حسب ما انتا عايز) وما ادري ايش

بالنهاية قلت هذي بدايتها تصريف

قلت الغوا العضوية ورجعوا لي فلوسي

قال الالغاء صعب وما تقدر تلغي وما ادري ايش

هددتهم بالشكوى ورفعت صوتي

وبعد رفع الصوت خافوا لا يطيرون باقي الزباين الموجودين في غرف اخرى (نفس وضعنا) فقالوا خلاص بنرجع لك المبلغ بس مش كاش

راح نرجعه في حسابك البنكي واكتب لنا حسابك وراح يرجع لك خلال 48 ساعة لأنه ما عندنا اي مبالغ كاش ولأنك دفعت لنا بالبطاقة ما عندنا كاش

وبعد 4 ايام رجعوه حسبي الله عليهم

انتبوا منهم لا تدفعون ريال واحد حتى تاخذون ورقه مختمه وتعرفون كل التفاصيل وان الشركة معروفة وموثوقة

او بلاش منهم ما فيه عروض ببلاش الا ووراها الف مصيدة في هالبلد

عن نفسي لما يجيني شخص مثل كذا راح اتعبه بالاسئلة والاستفسارات وبالاخير اطنشه (انتقام فقط)

وفعلا حصل


كنت رايح دبي وفي المطار قابلني احد المندوبين لأحد الشركات السياحية المعروفة في دبي

قال عندنا عرض اعلان تحضرونه ونعطيكم هيديه عشاء فخم فايف ستار في رحلة بحرية في يخت خمس نجوم (الله واكبر)
عرفت انها نفس السالفة الاخيرة

قلت ماشي وانتقمت منهم تعبتهم بالاسئلة وبعدها رفضت عرضهم لكن خذت الهدية وهي سفينة خشبية وعشاء ولا يتساهل حتى نجمة
والمضحك لما رحت للسفينة استفسرت عن السعر لو جيت بدون الهدية
قالوا الشخص 100 درهم وجولة بحرية وعشا

عتبي على هيئة السياحة في الامارات كيف تسمح بعمل هاؤلا .. ووين .. في مطار دبي الدولي تحديدا في صالة القادمون اللي ممنوع يتواجد فيها احد ما عدا موظفي المطار والامن والمسافرين (يستهدفون السعوديين وعوائلهم) وبطريقة سيئة جدا
وانت ماشي في حالك من بعيد يصوت (الرياض؟؟؟) يعني جاي من الرياض << تحس انه رجل امن يناديك في المطار مو مندوب

ممكن في السعودية امشيها لا حسيب ولا رقيب لكن في دبي؟؟!!!

وللعلم مش في المطار فقط .. منتشرين في اغلب الاماكن السياحية وما يستهدفون الا العوائل السياحية

المارينا والاسواق وبعض الفنادق في اللوبي

نصيحة أخيرة لا تدفع ريال واحد لأشكال زي كذا تأكد أنك خسراااااااان