-][ للإستفسارات وإجابات الأسئلة الشائعة ][- - الصفحة 5

Prince Kytu · 25-01-2017, 11:22 PM

الأماكن التي تحتاج يوم كامل
- DisneyLand
- DisneySea
- رحلة فوجي
- Odaiba

الأماكن التي تحتاج نصف الوقت
- Tokyo Tower
- Shiraito waterfalls (ممكن اكثر)
- Ueno Zoo من الصبح إلى الظهر أو العصر

الأماكن التي تصلح للأوقات المسائية للتسوق وتناول العشاء
- Shibuya + Ginza (قريبين من بعض)
- Shinjuku
- Tokyo Dome City (تصلح كذلك في النهار)
* كذلك يصلحون في النهار لكن غالبا الأماكن الأخرى تناسب فترة النهار أكثر فتكون الأولوية لها

الأماكن التي تصلح لأوقات النهار
- Sensoji Temple (يغلق عند الغروب تقريبا)
- Ueno Zoo
- Shinjuku Gyoen National Garden
- The East Gardens of the Imperial
- Akihabara (تصلح كذلك في الليل)

wandererمعجبون بهذا.

Prince Kytu · 26-01-2017, 01:00 PM

الأماكن السياحية في مدينة Nikko ((هنا))

wandererمعجبون بهذا.

wanderer · 26-01-2017, 04:31 PM

يعطييك الف عافيييه ماقصرت اجوبه كامله وشاملة

طيب لو سمحت بخصوص السكن << هل الافضل شينجوكو او شيبويا ؟ وهل هم قريبين من بعض ؟ كم المده بينهم مشي او لازم بالصب وي ؟

وبالنسبة للفنادق فكرت في فندق Keio Plaza Tokyo اذا عندك فكرة عنه ؟ هل مكانه مناسب ؟

وبخصوص التنقل داخل طوكيو هل اشتري بطاقة Suica ؟ احنا عددنا 3 كبار .. نعبي وحدة ولا لكل شخص بطاقة ؟

اما ديزني هل تكفي ديزني سي ؟ لان ديزني لاند زرتها في اكثر من مدينه و ابي اوفر الوقت ؟ او هل ديزني طوكيو مميزة ولازم ماتطوفني ؟

راح ارتب الايام اكثر مع الاماكن اللي مفكرين فيها واعرض عليك الترتيب النهائي ان شاءالله ..

ماقصرت و جزاك الله خييير

Prince Kytuمعجبون بهذا.

Prince Kytu · 27-01-2017, 08:11 AM

wanderer
الله يعافيج أختـي
- شينجوكو اهدى من شيبويا والمسافة بينهم 5 دقايق بالميترو
والمشي بينهم صعب (4.5 كيلومتر)
- ما جربت السكن فيهم لكن كنت أزور شيبويا أكثر لأن فيها مطاعم ومحلات ومجمعات تعجبني أكثر
- بالنسبة لـ فندق Keio Plaza Tokyo موقعه ممتاز قريب من المحطة ومساحة الغرف مناسبة لكن سعره غالي تحصلين فنادق بسعر أقل في أماكن أخرى
- بطاقة Suica لازم لكل شخص بطاقة حسب علمي وبالنسبة لي ما استخدمها لأني اعتمد على البطاقات اليومية (بطاقة يوم كامل أو يومين أو ثلاثة) (لمزيد من المعلومات عن الميترو (هنا))
- ديزني لاند غير عن الموجودة في باريس فيها اختلاف يعني ممكن تلقين بعض الألعاب موجودة في باريس وجزء منها موجود في ديزني لاند وجزء منها في ديزني سي وبعضها مو موجود لكن موجود ألعاب مو موجودة في باريس (يعني ديزني يتعمدون يخلون كل مدينة فيها أشياء غير)
- يعني في النهاية ديزني الاختيار لج أختـي إما ديزني لاند أو ديزني سي أو أثنينهم والألعاب الموجودة تقدرين تتعرفين عليها من خلال موقعهم وخريطتهم في موقعهم ((هنا) و(هنا))
أجمعين

wandererمعجبون بهذا.

wanderer · 27-01-2017, 04:29 PM

Prince Kytu

مشكور اخوي

بصراحة طوكيو ماشاءالله مليانه اماكن متنوعه وكل شوي ازيد مكان و انقص مكان

ان شاءالله احاول ارتب شوي الاماكن وارجع اخذ رايك بالترتيب

يعطيك العافية

Prince Kytuمعجبون بهذا.

abeeral · 30-01-2017, 09:12 PM

اخوي انا بروح اول شي سيوؤل وبعدين بروح اوساكا
كم المسافه بالقطار من سيوول الى اوساكا او طوكيو
وشنو الافضل اروح بالقطار ولا بالطياره
وشنو افضل طيران داخلي عندهم

Prince Kytuمعجبون بهذا.

ملللوك · 30-01-2017, 10:26 PM

اقتباس : المشاركة الأصلية كتبت بواسطة abeeral

اخوي انا بروح اول شي سيوؤل وبعدين بروح اوساكا
كم المسافه بالقطار من سيوول الى اوساكا او طوكيو
وشنو الافضل اروح بالقطار ولا بالطياره
وشنو افضل طيران داخلي عندهم

الأنتقال بواسطه الطيران فقط

الشركات الداخليه الي تطير من كوريا لليابان كثيره والأشهر هي
Asia Airline
Peach
t'way air
Jin Air

ولكن احسبي حساب الوزن فهم يشددون عليه
وراح تدفعين مبلغ كبير اذا تجاوزتيه

فالأفضل الذهاب عن طريق الطيران الكوري او الياباني الرسمي
تجنبا لوجع الراس

Prince Kytuمعجبون بهذا.

نيشو · 24-03-2017, 07:26 PM

بسال عن الفيزا اليابانيه للاطفال المضافين بجواز امهم
ولدي مضاف عمر ٦ سنوات هل عادي يطلعون الفيزا له بجواز امه و لا لازم له جواز مستقل

Prince Kytuمعجبون بهذا.

Prince Kytu · 24-03-2017, 09:35 PM

اقتباس : المشاركة الأصلية كتبت بواسطة نيشو

بسال عن الفيزا اليابانيه للاطفال المضافين بجواز امهم
ولدي مضاف عمر ٦ سنوات هل عادي يطلعون الفيزا له بجواز امه و لا لازم له جواز مستقل

أختـي هذا نص من السفارة اليابانية في الكويت
"يجب تعبئة طلب منفصل للأطفال المضافين إلى جوازات سفر آبائهم، علما بأنه ستصدر السفارة تأشيرة منفصلة للطفل وتضاف إلى جواز سفر المضاف اليه"

نيشو · 30-03-2017, 05:25 PM

اقتباس : المشاركة الأصلية كتبت بواسطة Prince Kytu

أختـي هذا نص من السفارة اليابانية في الكويت
"يجب تعبئة طلب منفصل للأطفال المضافين إلى جوازات سفر آبائهم، علما بأنه ستصدر السفارة تأشيرة منفصلة للطفل وتضاف إلى جواز سفر المضاف اليه"

مشكور اخوي على الرد
وتم الاستفسار من السفاره اليابانيه بالسعوديه و جاء الرد بانه لايحتاج جواز مستقل و لكن يجب تعبئة طلب منفصل له .

Prince Kytuمعجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري