-][ للإستفسارات وإجابات الأسئلة الشائعة ][- - الصفحة 17

ذيبان911 · 22-03-2018, 11:06 PM

السلام عليكم

انا رحلتي بعد بكرا لليابان واكتشفت اليوم انهم غلطانين بتاريخ العودة منقصين عشرة ايام المفروض ارجع في 18ابريل وتاريخ انتهاء الفيزا 8 ابريل هل تمشي عادي او فيه اجراء اسويه اذا وصلت او قبل لأروح؟

Prince Kytu · 03-04-2018, 10:03 AM

اقتباس : المشاركة الأصلية كتبت بواسطة ذيبان911

السلام عليكم

انا رحلتي بعد بكرا لليابان واكتشفت اليوم انهم غلطانين بتاريخ العودة منقصين عشرة ايام المفروض ارجع في 18ابريل وتاريخ انتهاء الفيزا 8 ابريل هل تمشي عادي او فيه اجراء اسويه اذا وصلت او قبل لأروح؟

اعتذر مرة أخرى على التأخير
وتم الرد على الموضوع

خميس · 07-04-2018, 11:00 PM

السلام عليكم
محتار في توزيع الأيام. مدة الرحلة 3 أسابيع و مطار الوصول أوساكا و الرجعة طوكيو شو أفضل توزيع للأيام و كم ليلة في كل مكان. و مشكورين مقدما

hanoo_79 · 01-04-2018, 05:57 AM

السلام عليكم بالنسبه لتذكره قطار jr ابغى اعرف هل أخذ حق اسبوع او اسبوعين لانه الاسبوع الثاني اتوقع استخدمها فقط الرجوع من دزني الى طوكيو
ورحله جبل فوجي ذهاب وعوده
الى فهمته انه وسط طوكيو مااقدر استخدمها؟ صح؟
وهل اقدر استخدمها من الفندق الى المطار؟
رحلتي بعد اسبوع هل في وقت اشتريها اون لاين ولا عادي من المطار؟

Prince Kytu · 03-04-2018, 10:02 AM

اقتباس : المشاركة الأصلية كتبت بواسطة hanoo_79

السلام عليكم بالنسبه لتذكره قطار jr ابغى اعرف هل أخذ حق اسبوع او اسبوعين لانه الاسبوع الثاني اتوقع استخدمها فقط الرجوع من دزني الى طوكيو
ورحله جبل فوجي ذهاب وعوده
الى فهمته انه وسط طوكيو مااقدر استخدمها؟ صح؟
وهل اقدر استخدمها من الفندق الى المطار؟
رحلتي بعد اسبوع هل في وقت اشتريها اون لاين ولا عادي من المطار؟

وعليكم السلام
أختـي تنقلاتك بسيطة ما تحتاجينها
لو مثلا بتروحين من طوكيو إلى أوساكا أو العكس والعودة
هني ممكن تحتاجين اسبوع .. لكن حق مشوار واحد يطلع أغلى

Prince Kytu · 08-04-2018, 01:34 PM

خميس
وعليكم السلام
بحط لكم أبرز المناطق وأنت اختار منها كم وحدة تبي تسكن فيها (يعني كم فندق) وأنا أنسق لك الجدول حسب اختياراتك
مع العلم إن Kyoto و Kobe تقدر تزورهم من أوساكا وترجع بنفس اليوم لأنهم قراب ، لكن حطيتهم لك إذا كان ودك تسكن فيهم

Osaka
Hiroshima
Huis Ten Bosch
Okayama
Nagoya
Tokyo
Kyoto
Fuji
Sapporo
Fukuoka
Kobe

خميس · 09-04-2018, 02:24 PM

حياك الله مشرفنا و تسلم عالرد ما قصرت.... الصراحة خيارات كثيرة بس أقول 4 أو 5 مناطق بتكفي مع العلم السفرة بتكون في نهاية شهر 7 و بنكون عائلة مكونة من 2 كبار و 2 صغار "3 سنوات و 6 سنوات". شو اقتراحك يا مشرفنا ؟؟

Prince Kytu · 10-04-2018, 04:29 PM

خميس
أقترح عليك

Osaka
Nagoya
Sapporo
Tokyo

* من Nagoya إلى Sapporo طيران داخلي
* من Sapporo إلى Tokyo طيران داخلي
وموضوع الحقائب إما تشحنهم إلى طوكيو على بتاريخ وصولك هناك
وتاخذ إلي تحتاجه حق يومين في سابورو أو تاخذ الحقائب معاك

Osaka
5 ليالي
Nagoya
3 أو 4 ليالي
Sapporo
2 ليلتين
Tokyo
7 ليالي أو أكثر

بالنسبة لـ Osaka
- تقدر تخلي يومين تروح وترجع بنفس اليوم حق Kyoto ومعاهم Nara
- يوم حق Kobe وترجع بنفس اليوم
- نص يوم حق قلعة Himeji وترجع بنفس اليوم وتقدر تضيف مكان ثاني
- يوم حق Universal
- اليوم رابع حسب اختيارك في حديقة وفي أكواريوم ومنطقة السوق في نامبا وحديقة حيوانات Tennoji ومحطة Osaka نفسها عبارة عن مجمعات وسوق وبجانبها مجمع الإلكترونيات Yodobashi

بالنسبة حق Nagoya
- عرض دلافين في الأكواريوم
- مدينة ترفيهية
- حديقة وقلعة
- متحف تويوتا أو متحف القطارات
- وتقدر تزور أحد القرى

بالنسبة حق Sapporo
- صعود التلفريك بجبل Moiwa
- الدون تاون في Susukino
- مصنع الشوكولاته
- حديقة ومتحف الساعة
- مجمع Sapporo Factory

عاد طوكيو فيها وايد أشياء صعب أحدد لك ولكن تلقى أهم الأماكن كاتبهم بالتقرير الشامل اختار إلي يناسبك منها

خميس · 11-04-2018, 10:44 PM

الله يجزيك خير مشرفنا Prince Kytu ما قصرت..... حسب المخطط شو رايك هل راح أحتاج JRP أو أكتفي بالمترو و القطارات العادية.... و مشكور مقدما

Prince Kytu · 13-04-2018, 07:06 PM

تحتاج JR Pass يغطي من يوم خروجك من أوساكا إلى وصولك إلى طوكيو
بإعتبار المدينة الأولى أوساكا والأخيرة طوكيو
* لكن إذا بتروح سابورو من ناغويا وترجع من سابورو إلى طوكيو
اعتقد ما تحتاج بهذي الحالة لأنك راح تستخدم الطائرة مو القطار
* بالمناسبة أغلب الطيران الداخلي يكون من غير حقائب أو تقدر تضيف بمبلغ معين
وعندك طريقة ثانية وهو خدمة نقل الحقائب يفيدك فيها الفندق تقريبا الحقيبة الوحدة 2500 ين وياخذ النقل يوم او اثنين