مرحبا
راح اخبركم تجربتي بإستخراج فيزا شنغن الفرنسيه
قبلها بيومين تم حجز موعد و دفعت مبلغ الحجز
و بيوم ١٨ مايو رحت لمكتب التأشيرات الموحد بحي الراكه - الخبر
طبعا الفرنسيه زحمه
كونتر الدنمارك و النمسا فاضي
المهم الاوراق اللي خذوها :
- حجوزات الفنادق و كانو دقيقين جدا ان طلبوا مني لكل يوم اسم الفندق
و البرنت للحجز و لازم يكون باللغه الانجليزيه
و رجعوني عشان بس اسم الفندق كان باللغه العربيه اضطريت اروح و اطبعه مره ثانيه
و طبعا عندهم بالاستماره تاريخ من و الى موعد دخولك و خروجك
ف لما عطيتهم في البدايه حجز فنادق اول خمس ايام و قالوا طيب و الايام الباقيه؟
ف لازم لكل عددد الايام تغطي حجز الفنادق
- تعريف بالراتب من العمل موجهه للسفاره الفرنسيه باللغه الانجليزيه و لازم ما يكون اقدم من اكثر ثلاث اسابيع
- صور الجواز و صوره شخصيه
- استماره بيانات و انا كنت مطلعتها من الموقع بس عطتني وحده جديده اعبيها
اان اللي عبيتها النسخه القديمه
- تأمين صحي من التعاونيه لكل فرد

اللي قبلي كنت اسمع طلباتهم غير اللي تطلب كشف حساب الوالد و اللي لازم مصدقه من الغرفه التجاريه و و و الخ
كنت اسمع الطلبات و اناظر اوراقي و خايفه يكون ناقص شي !
بس الحمدلله
ف اتوقع الطلبات ع حسب حالة الشخص
خذوا مني ١٣٠٠ ريال تقريبا لاربع اشخاص

وبعدين دخلنا التصوير و غرفة التبصيم
لازم يكون الحجاب ع منابت الشعر .


اهم شي لما يكون اول دخول لك مو من البلد اللي تطلع منه الفيزا
عادي بس لازم مدة الاقامه تكون اكثر فيه
هذا مكتوب بموقع السفاره و اللي اكدته لي الموظفه
و ع طاريهم جدا محترمييين و نفسياتهم حلوه رغم الضغط اللي هم فيه
و بس يارب تطلع قبل تاريخ ٢٧
الله يسهل للجميع
و دعواتكم ان الفيزا تطلللع لاني دافعه كل شي