X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين22الاعجاب
إضافة رد
 
LinkBack أدوات الموضوع انواع عرض الموضوع
قديم 25-05-2016, 12:55 AM   #1

مسافر جديد

 
 
تاريخ التسجيل :  Mar 2016
رقم العضوية : 8127
الجنس : ذكر
المشاركات : 79



افتراضي تجربة الحصول على Short Term Student Visa


بسم الله الرحمن الرحيم

السلام عليكم

راح انقل لكم تجربتي للحصول على فيزا Short Term Student Visa

وهي عباره عن فيزا للطالب اللي راح يدرس هناك لمده قصيره اقل من 6 اشهر

بنبدأ معكم من أول شيء وش الخطوات المطلوبه

بحثت عن معاهد بريطانيا وشفت وش الافضل بالنسبه للتعليم وبالنسبه لقلة العرب وبالنسبه للقيمه الماليه وبالنسبه للمكان لان ابغى رحلتي تكون دراسيه وسياحيه بنفس الوقت ان شاء الله

الحمد لله حصلت معهد نقول ان شاء الله كويس , بعدها راسلتهم علشان القبول قالوا لي ما نبغى منك الا صورة من الجواز , طبعا قبل لارسلهم صورة جوازي , حصلت لي موقع ببريطانيا وشغالين فيه ناس سعوديين واجانب واغلبهم مسلمين يجيبون لك قبول من اي معهد تبغاه مجانا

طبعا اكيد البعض يقول وش فايدتهم ؟!

فايدتهم : مثلا نقول ان سعر المعهد مع السكن لمدة شهرين 3000 باوند

طبعا هم بيكلمون المعهد وياخذون نسبه من المبلغ بحيث انه انت ما يزود عليك ولا ريال

يعني انت دفعت 3000 للمعهد هم راح ياخذون منها 300 باوند تقريبا يعني بالعربي انت ما عليك منهم تدفع للمعهد المبلغ المحدد وهم يتفاهمون مع بعض

طبعا راسلت الموقع هذا وقالوا لي ابشر بس ارسل لنا صورة جوازك وارسلتها لهم , بعدها تقريبا ب3 ايام والقبول عندي قالوا لي عاد لازم تدفع رسوم وهي 250 باوند للمعهد علشان يرسلون لك الورقه اللي تقدم بها على السفاره ورقة ( Short Term Student Visa offer ) حولت للمعهد الرسوم عن طريق بنوك التحويل وبعدها ارسلوا لي الورقه

طبعا هذا كرت الموقع اللي جاب لي قبول المعهد للي حاب يتعامل معهم الله يوفقنا وياهم




وهذا رابط موقعهم

http://www.talibconsultancy.co.uk/

وعاد يوم بقى على سفرتي شهرين قدمت على السفاره وحجزت موعد بيوم 9 من شهر مايو قبل اسبوعين تقريبا بالمركز الموحد بالرياض بشارع ام الحمام بجنب هايبر بنده وقيمة الفيزا 132 دولار تقريبا 510 ريال , طبعا بما اني طالب جامعي لازم يكون فيه احد يتكفل بمصاريفي علشان يقبلون الفيزا

رحت لهم ومعي اوراقي وهي

1- جواز السفر
2- ورقة ( Short Term Student Visa offer )
3- خطاب تكفل بالمصاريف ( طبعته من موقعنا هذا من هنا ( http://www.arabtrvl.com/vb/t381.html)
4- صورتين شخصيه مقاس 45 ملل في 35 ملل ( طبعا ما ياخذونها منك لكن للاحتياط فقط )
5- تعريف عمل وتعريف راتب ( من الشخص المتكفل بمصاريفك )
6- كشف حساب لمدة 6 اشهر ( من الشخص المتكفل بمصاريفك )
7- الأبليكشين من موقع السفاره ( اللي سبق وعبيته )
8- ورقة الموعد
9- تذكرة الطياران ( مهب اجباريه لكن ممكن تساعد بتسريع اجراءات الفيزا )
10 - صورة بطاقة الأحوال ( مهب اجباريه لكن زيادة الخير خيرين )

كان موعدي الساعه 12 الظهر

وصلت لهم 11:30 ودخلت واخذت رقم قدامي تقريبا 3 او 4

انتظررت وجاء دوري جلست عنده ودخل بياناتي وقالي وش معك اوراق تخص الفيزا علشان احطهم بالملف

واوريه اورافي طبعا اخذ مني كل الأوراق المذكوره فوق ما عدا الصور ما اخذها مني

وطلعت من عنده وقالي رح لم صالة ال VIP علما ان فيزتي عاديه وليست VIP

دخلت الصاله وانتظرت شوي وناداني الموظف ودخلت لغرفة التبصيم بصمت وفتح الجواز وقالي هذا جوازك قلت له نعم وقالي طيب ناظر الكاميرا اللي فوق لمدة 5 ثواني

بعدين قالي ناظر الكاميرا الثانيه علشان ناخذ صوره لك للفيزا

بعدها قالي توكل على الله , وسألته كم يبغالها وتطلع قال 10 ايام تقريبا

طبعا الكلام هذا كان يوم الاثنين طلعت من عندهم الساعه 12 الظهر وجتني رساله العصر ان اوراقي راحت للسفاره وجتني رساله منهم يوم الثلاثاء بالليل تقريبا قالوا لي بدوا باجراءات الفيزا

ويوم الاثنين الموافق 16 من شهر مايو ارسلوا لي قالوا فيزتك جاهزه ويوم الثلاثاء بعدها بيوم ارسلوا قالوا تقدر تستلمها اليوم

طبعا ارسلت اخوي لهم ومعه الايصال اللي اخذته بموعد المقابله واستلم الجواز والحمد لله فيه الفيزا لمدة 6 اشهر

طبعا الشكر الأول والاخير لقائمين على هالموقع وبقية الاعضاء والله استفدت منهم كثير وازعجتهم بأسألتي وما قصروا والله

الله يجزاكم خير ويكتب لكم بميزان حسناتكم

وانا تحت امركم اللي عنده سؤال او استفسار يتفضل

شكرا لكم طولت عليكم لكن قلت ودي انقل لكم تجربتي كامله من طق طق للسلام عليكم
واسف على الحوسه لكن اول مره نكتب مثل هالتجارب وان شاء الله مهب اخر مره

ملاحظه لما يقول لك تدفع 10 ريال علشان الرسائل النصيه قله لا شكرا لاني دفعت ولا جتني منهم والله ولا رساله الا لما اخوي استلم الجواز جتني رساله منهم , ان جوازك استلم من المركز الموحد

 


التعديل الأخير تم بواسطة yssar3 ; 26-05-2016 الساعة 04:47 AM
yssar3 غير متواجد حالياً   رد مع اقتباس
قديم 25-05-2016, 01:33 AM   #2

مسافر متميز

 
 
تاريخ التسجيل :  May 2016
رقم العضوية : 9572
الجنس : انثى
المشاركات : 221



افتراضي


الف مبروك عالفيزا تروح وترجع بالسلامة

بس حبيت اسال عن Visa Letter اللي هي Short Term Student Visa offer

انا المعهد رسلوا لي ورقة عشان الفيزا

بس مو مكتوب فيها تكلفة الدراسة والسكن

بس معلومات عن الكورس و مدته وارسلوا لي فاتورة فيها التكلفة كاملة

الحين اذا قدمت للفيزا اعطيهم ورقة القبول مع نسخة من الفاتورة اللي ارسلوها ؟

او ما يحتاج للفاتورة ؟

وسؤال ثاني بالنسبة للسؤال عن تكلفة السكن في ابلكيشن الفيزا المقصود منه تكلفة كل الاشهر او الشهر الواحد

يعني انا السكن يكلفني بالشهر 448 باوند اكتب تكلفة شهر واحد او مجموع كل الشهور ؟

واسفة على كثرة اسئلتي بس اول مرة اقدم عفيزا فماعندي خبرة و واجهتني مشكلة شوي في تعبئة خانات الخاصة بالاموال

 

آخـــرفـــرصـــةمعجبون بهذا.
foshe غير متواجد حالياً   رد مع اقتباس
قديم 25-05-2016, 10:38 AM   #3

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


و عليكم السلام

ما شاء الله 1000 مبروك يا غالي
و عقبال ترجع بلبل انقليزي ان شاء الله
بس شد حيلك بالدراسة و تراها تعتمد عليك ماهو على المعهد

لو تحط الموقع اللي فيه سعوديين يجيب لك القبول أفضل
يمكن يستفيد منه أحد بالمنتدى

تجربة مفيدة جداً للكثير و خلاص هالحين أنت اللي تجاوب على الاسئلة
ما شاء الله بحثت كثير و صرت خبير بالموضوع

و طبعاً اذا رحت هناك لازم تكتب تقارير ببوابة بريطانيا عن مدينتك
و تتواصل معانا عشان تفيد غيرك بالمعلومات

نتمنى لك رحلة تعليمية و سياحية ناجحة
و لو عندك اي استفسار الكل مايقصر ببوابة بريطانيا

الله يسعدك

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 25-05-2016, 10:40 AM   #4

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


ياليت تحط صورة من
Short Term Student Visa offer
عشان الكل يكون على علم بشكلها و على ما تحويه من معلومات

 

tab_elمعجبون بهذا.

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 25-05-2016, 12:15 PM   #5

مسافر جديد

 
 
تاريخ التسجيل :  Mar 2015
رقم العضوية : 2198
الجنس : ذكر
المشاركات : 29



افتراضي


بارك الله فيك اخي ياسر ،، شرح جميل
والله يكتب لك الخيره ان شاء الله وترجع بالسلامه

انا ان شاء الله كذلك سوف اذهب للدراسة في 15 رمضان لمدة ثلاثة شهور

واسمح لي ببعض الاستمارات مشكورا

1- هل فقط هي ورقه واحده التي تحتاجها من المعهد للتقديم ؟ وهل مكتوب فيها انه تم دفع الرسوم كامله ام لا ؟ لان في شخص يقول لي السفاره ماتقبل الورقه اذا لم يكن مكتوب فيها تم دفع الرسوم بالكامل ؟

مالفرق بين الورقه اللي يوفرها لك الشباب مجانا والورقة التي دفعت عليها 250 باوند للمعهد ؟ اذا ممكن تنزل لنا صوره منها مشكورا

2- لو حاولت احجز موعد هل في موعد قريب ام المواعيد بعيده ؟

3- هل التعريف بالانجليزي او العربي ؟ وهل اخذو الجواز ؟
4- هل ممكن تضع لنا رابط الموقع الذي تعاملت معه ؟
5- هل خطاب القبول و ورقة Short Term Student Visa offer ارسلت لك عبر الايميل ام عبر البريد السريع ؟ يعني هل السفارة يطلبون اصل هذه الاوراق او اطبعها من الايميل وتكفي ..
6- عند تعبئة الابلكيشن في موقع السفارة هل هناك بيانات يتم ادخالها من ورقة Short Term Student Visa offer او خطاب القبول ام انني استطيع اعبي الابلكيشن قبل وصول الاوراق لي من المعهد حتى اضمن الحصول على موعد قريب
آسف لكثرة الاسئلة ولكني سعة صدرك ان شاء الله تتحملها
وشكرا جزيلا لك

 

آخـــرفـــرصـــةمعجبون بهذا.

التعديل الأخير تم بواسطة سيف الشمال ; 25-05-2016 الساعة 12:25 PM سبب آخر: اضافة سوال..
سيف الشمال غير متواجد حالياً   رد مع اقتباس
قديم 25-05-2016, 01:04 PM   #6

مسافر جديد

 
 
تاريخ التسجيل :  Mar 2016
رقم العضوية : 8127
الجنس : ذكر
المشاركات : 79



افتراضي



الف مبروك عالفيزا تروح وترجع بالسلامة

بس حبيت اسال عن Visa Letter اللي هي Short Term Student Visa offer

ايه نعم الفيزا ليتر هي نفسها ورقة الشورت تيرم ستيدنت فيزا
انا المعهد رسلوا لي ورقة عشان الفيزا

بس مو مكتوب فيها تكلفة الدراسة والسكن

بس معلومات عن الكورس و مدته وارسلوا لي فاتورة فيها التكلفة كاملة

الحين اذا قدمت للفيزا اعطيهم ورقة القبول مع نسخة من الفاتورة اللي ارسلوها ؟

او ما يحتاج للفاتورة ؟

طبعا ورقة الفيزا ليتر يكون فيها اسمك ومعلومات عن الكورس بس ما فيها اي شيء عن السعر
عطيهم بس ورقة الفيزا ليتر ، انا كنت اخذ معي الفاتوره لكن ما اخذها مني قال ما نحتاجها بس يحتاجون ورقة الفيزا ليتر




وسؤال ثاني بالنسبة للسؤال عن تكلفة السكن في ابلكيشن الفيزا المقصود منه تكلفة كل الاشهر او الشهر الواحد

يعني انا السكن يكلفني بالشهر 448 باوند اكتب تكلفة شهر واحد او مجموع كل الشهور ؟

انا والله كتبت التكلفه كامله لمدة شهرين علما انهم ما يدققون عليها على كلام اغلب الاعضاء هنا بالمنتدى

واسفة على كثرة اسئلتي بس اول مرة اقدم عفيزا فماعندي خبرة و واجهتني مشكلة شوي في تعبئة خانات الخاصة بالاموال

نفيد ونستفيد واذا فيه اي استفسار بحاول ان شاء الله اجاوب عليه وهذا رد جميل للشيء اللي استفدت منه من الموقع ومن اخواني الاعضاء

والله ييسر لك امورك

 

foshe و آخـــرفـــرصـــة معجبون بهذا.
yssar3 غير متواجد حالياً   رد مع اقتباس
قديم 25-05-2016, 01:11 PM   #7

مسافر جديد

 
 
تاريخ التسجيل :  Mar 2016
رقم العضوية : 8127
الجنس : ذكر
المشاركات : 79



افتراضي



و عليكم السلام

ما شاء الله 1000 مبروك يا غالي
و عقبال ترجع بلبل انقليزي ان شاء الله
بس شد حيلك بالدراسة و تراها تعتمد عليك ماهو على المعهد

لو تحط الموقع اللي فيه سعوديين يجيب لك القبول أفضل
يمكن يستفيد منه أحد بالمنتدى

تجربة مفيدة جداً للكثير و خلاص هالحين أنت اللي تجاوب على الاسئلة
ما شاء الله بحثت كثير و صرت خبير بالموضوع

و طبعاً اذا رحت هناك لازم تكتب تقارير ببوابة بريطانيا عن مدينتك
و تتواصل معانا عشان تفيد غيرك بالمعلومات

نتمنى لك رحلة تعليمية و سياحية ناجحة
و لو عندك اي استفسار الكل مايقصر ببوابة بريطانيا

الله يسعدك
الله يبارك فيك اخوي ابو غسان

ابشر بالتغطيات اللي تسرك اذا الله يسر

والموقع راح انزله ان شاء الله بس كلمت احد موظفين الموقع اللي متواجد بالرياض يرسلي كرتهم فيه معلوماتهم كاملهم اول ما توصلني الصوره ان شاء الله راح انزلها على طول

امين الله يجزاك خير يالغالي

 

آخـــرفـــرصـــةمعجبون بهذا.
yssar3 غير متواجد حالياً   رد مع اقتباس
قديم 25-05-2016, 01:32 PM   #8

مسافر جديد

 
 
تاريخ التسجيل :  Mar 2016
رقم العضوية : 8127
الجنس : ذكر
المشاركات : 79



افتراضي



بارك الله فيك اخي ياسر ،، شرح جميل
والله يكتب لك الخيره ان شاء الله وترجع بالسلامه

الله يجزااك خير
انا ان شاء الله كذلك سوف اذهب للدراسة في 15 رمضان لمدة ثلاثة شهور

الله يوفقك ويسهل امرك

واسمح لي ببعض الاستمارات مشكورا

1- هل فقط هي ورقه واحده التي تحتاجها من المعهد للتقديم ؟ وهل مكتوب فيها انه تم دفع الرسوم كامله ام لا ؟ لان في شخص يقول لي السفاره ماتقبل الورقه اذا لم يكن مكتوب فيها تم دفع الرسوم بالكامل ؟

بالنسبه اذا كنت رايح لدراسة فتره قصيره مثل ما قلت ثلاث اشهر تحتاج بس ورقه وحده وهي ورقة يسمونها الفيزا ليتر او الشورت تيرم ستيدنت
غير صحيح الكلام هذا انك لازم تدفع الرسوم كامله والورقه هذي ما فيها اي معلومات عن السعر فيها معلومات فقط عن عن الكورس واسمك واسم المعهد ومتى تبدأ ومتى تنتهي


مالفرق بين الورقه اللي يوفرها لك الشباب مجانا والورقة التي دفعت عليها 250 باوند للمعهد ؟ اذا ممكن تنزل لنا صوره منها مشكورا

الشباب وفروا لي القبول لكن علشان تقدم للفيزا تحتاج للفيزا ليتر والفيزا ليتر ما يرسلها لك المعهد على حد علمي الا اذا حولت لهم رسوم وانا معهدي طلب مني تقريبا 250 باوند طبعا الشباب اول شيء ارسلوا لي القبول والفاتوره وفيها رقم حسابهم ومكتوب عليها انه لازم تدفع الرسوم على رقم حساب المعهد ( طبعا كل الاوراق من المعهد ) بس الشباب وسيط بيني وبين المعهد

2- لو حاولت احجز موعد هل في موعد قريب ام المواعيد بعيده ؟

والله ما اعرف على حسب الوقت وهالحين موسم ممكن ما تحصل موعد قريب

انا يوم احجز موعي اقرب موعد حصلته كان بعد اربع ايام


3- هل التعريف بالانجليزي او العربي ؟ وهل اخذو الجواز ؟

ايه طبعا كل اوراقك لازم تكون بالانجلش مثل تعريف العمل والراتب وكشف الحساب وخطاب التكفل بالمصاريف ...، ايه الازم ياخذون الجواز علشان يحطون فيه الفيزا

4- هل ممكن تضع لنا رابط الموقع الذي تعاملت معه ؟

ان شاء الله اليوم بالليل انزل لكم صورة كرتهم ورابط موقعهم تامر امر

5- هل خطاب القبول و ورقة Short Term Student Visa offer ارسلت لك عبر الايميل ام عبر البريد السريع ؟ يعني هل السفارة يطلبون اصل هذه الاوراق او اطبعها من الايميل وتكفي ..

ارسلت لي عن طريق الايميل وطبعتها ( طبعتها ملونه انا بس ما اتوقع تفرق لان فيها توقيع ) وسلمتها للسفاره

6- عند تعبئة الابلكيشن في موقع السفارة هل هناك بيانات يتم ادخالها من ورقة Short Term Student Visa offer او خطاب القبول ام انني استطيع اعبي الابلكيشن قبل وصول الاوراق لي من المعهد حتى اضمن الحصول على موعد قريب
آسف لكثرة الاسئلة ولكني سعة صدرك ان شاء الله تتحملها
وشكرا جزيلا لك
لا ما فيها اي شيء

ورقة الشورت تيرم فيها معلومات مثل اسم المعهد وتاريخ اصدارها واسمك ورقم جوازك وتاريخ اصدار الجواز وتاريخ الانتهاء ومكان اصدار الجواز واسم الكورس يعني مثلا اسم الكورس اللي انا اخذته (G15 am General morning ) وفيها موعد بداية الدراسه وفيها موعد النهايه وايضا كم يوم بالاسبوع راح تداوم بالمعهد وكم اسبوع وفيها عنوان المعهد وفيها توقيع ممكن لمدير المعهد فقط

يعني اذا البيانات هذي تعرفها انت تقدر تقدم بدون ورقة الشورت تيرم بس لازم بالمقابله تكون معك والله يوفقك ويسهل امرك وانا بالخدمه

عفوا

 

آخـــرفـــرصـــةمعجبون بهذا.

التعديل الأخير تم بواسطة yssar3 ; 25-05-2016 الساعة 01:44 PM
yssar3 غير متواجد حالياً   رد مع اقتباس
قديم 25-05-2016, 01:43 PM   #9

مسافر جديد

 
 
تاريخ التسجيل :  Mar 2016
رقم العضوية : 8127
الجنس : ذكر
المشاركات : 79



افتراضي



ياليت تحط صورة من
Short Term Student Visa offer
عشان الكل يكون على علم بشكلها و على ما تحويه من معلومات
فيها بياناتي كامله ورقم الجواز وانا والله ما عندي كمبيوتر قريب علشان اقدر اعدل عليها واخفي البيانات

حاليا استخدم الجوال لكن هي ورقه فيها المعلومات هذي

ورقة الشورت تيرم فيها معلومات مثل اسم المعهد وتاريخ اصدارها واسمك ورقم جوازك وتاريخ اصدار الجواز وتاريخ الانتهاء ومكان اصدار الجواز واسم الكورس يعني مثلا اسم الكورس اللي انا اخذته (G15 am General morning ) وفيها موعد بداية الدراسه وفيها موعد النهايه وايضا كم يوم بالاسبوع راح تداوم بالمعهد وكم اسبوع وفيها عنوان المعهد وفيها توقيع ممكن مدير المعهد فقط

 

آخـــرفـــرصـــةمعجبون بهذا.
yssar3 غير متواجد حالياً   رد مع اقتباس
قديم 25-05-2016, 02:05 PM   #10

مسافر متميز

 
 
تاريخ التسجيل :  May 2016
رقم العضوية : 9572
الجنس : انثى
المشاركات : 221



افتراضي


مشكور اخوي على المعلومات ..الله يعطيك العافية ورجلة موفقة

واعذرني

راح احط صورة الفيزا ليتر للحاب يشوف شكلها

هذي رسالة الفيزا ليتر اللي ارسلها لي المعهد ودفعت 260 باوند وبعدها ارسلوها لي

 

الصور المصغرة للصور المرفقة
000333.jpg‏  

التعديل الأخير تم بواسطة foshe ; 25-05-2016 الساعة 02:25 PM
foshe غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ما بعد تعبئة نموذج ال visa من الموقع m7md فيزا بريطانيا 16 30-07-2017 04:35 AM
تجربة الحصول على فيزا بريطانيا اليوم من المكتب الموحد بالرياض كمال فيزا بريطانيا 10 28-12-2016 01:20 AM
استفسار بخصوص بخوصو فيزا short long up to 6 months alharbi52 فيزا بريطانيا 4 01-06-2016 04:05 PM
استفسار بخصوص Short-Term Student Visa Offer yssar3 فيزا بريطانيا 25 18-05-2016 02:57 PM
تجربتي في إستخراج الفيزا الدراسية ( Short-term study visa ) . نهى الله يسهلها فيزا بريطانيا 6 19-06-2015 02:42 PM

الساعة الآن 04:50 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO