بين جمال الدنمارك وسحر النرويج ..

فارس من خيال · 03-01-2015, 03:07 PM

بسم الله الرحمن الرحيم

مساء الخير ي اعضاء ي كرام
اليوم جزئنا الاخير في النرويج وبالتحديد مدينة اوسلو
بعد نوم عميق من الليله السابقة صحيت الظهر وخرجت من الفندق ادور فطور وكان جنب الفندق بوفية يوجد بها فلافل ويعمل بها باكستاني
عمركم شفتم باكستاني يضبط الفلافل اكيد بتقولون لا حتى خوينا ذا مافي راسه بس مشينا ومدحنا فلالفه عشان مايزعل
معلومات عن الفندق قبل ما نبدأ

اسم الفندق
Thon Hotel Stefan

رابط الفندق
هنـــــــــــــــــا

سكنت فيه ليلتين بسعر 1261.83 ريال
وموقعه كان قريب من القصر الملكي وشارع التسوق كارل وكذلك موقف السيارات جنب الفندق ودفعت حق يومين موقف للسياره 180 كرونه

بعد الفطور توجهت للباركنق اخذت السياره وسلمتها مع ان يبقى يوم على موعد التسليم بس قلت ما احتاجها ف اوسلو
وبعدها توجهة للميناء

مررت بشارع كارل يوهان وهذا متحف nationaltheater ف نفس الشارع قريب من القصر الملكي ومقابل للبرلمان النرويجي

مبنى البلدية قريب جداً من الميناء وهذي الصوره من الواجهه بس مادخلت ما احب لا متاحف ولامباني زي كذا احس مافيها شي يجذب

ساعة مبنى البلدية ذكرت اخوي طير الله يذكره بالخير كان مصورها قلت حتى انا لازم اصور

وخلف مبنى البلدية يجيك منطقة الميناء oslo harbor
صوره لمبنى البلديه من واجهة الميناء

كان الجو بارد وهواء اذكر جلست اكثر من 3 ساعات بالميناء مع ان المنطقه صغيره
ويمكن في نص ساعه تتجول فيها بس وحيد مره اصور نفسي ومره اروح اكل ايسكريم ومره اروح ع المقاهي اشرب كوفي واناظر للرايح والجاي
وفي نفسي تأملات كثيره مع الغربة بس تبقى ايام جميلة وذكرى مدونه في مخيلتي لا تمحوها السنين وموثقة فوتوغرافياً للرجوع لها ف اي وقت.. سقى الله

يمكن اخذ جوله سياحية على سفن الكروز والتذاكر تشتريها عند صعود السفينه وكنت اشوف سياح يدفعون ويركبون وكذلك يوجد اكشاك لبيع التذاكر ع الميناء

توهتني هالباصات في اوسلو

بعد الميناء قلت اروح اشوف حديقة ومنتزه frogne park اللي كلها تماثيل
والحديقه بصفه عامه لاباس بها ومايجملها تلك التماثيل اللي تحكي واقع من وجهة نظري كله عنف
اكثر التماثيل والمجسمات تشوف فيها حركات العنف بس جميلة جدا واعجبتني
وجميع هذه المجسمات منحوته وتشوف الثماثيل عراه بدوون ملابس وساعرض صور
واعتذر حاولت طمس بعض الاشياء منها واعتذر لو ظهر شي منها خادش للحياء
بس ابي انقل لكم الصوره كما رأيتها
قبل لا اوصل للمنتزه ماخليت باص ماركبته عشان اعرف المكان
كان معي خريطه واذا ركبت الباص اسأل اللي جنبي وين مكان الحديقه يقولي مو ذا الباص <<بلهجتهم او لغتهم طبعا مو لهجتنا
واغلبهم ماكان يتكلم انقلش قليل ولغة الاشاره نتواصل بها
لدرجة اني وصلت خارج اوسلو كل شوي في باص واللي يدلوني يعطوني رقم الباص بس مايعطوني اسم المحطه اللي انزل فيها
لحد ماطحت في بنت حلال الله يزوجها اذا مو متزوجه واذا متزوجه الله يسعدها
قالت خلاص خلك معي وانا اوصلك لمحطه قريبه من المنتزه وماقصرت وصلتني لمحطه
هي ا نزلت فيها وانا معاها وقالت روح للمحطه المقابله في الشارع واركب الباص رقم 26 او 27 مو متاكد من رقم الباص نسيت رقمه بس اتوقع احد هالرقمين

وقالت اذا ركبت المحطه الثانيه اذا وقف الباص تنزل والحديقه مقابل المحطه شكرتها ومشيت ع وصفها والحمد لله وصلت بعد عنا

يتبع<>>>>>

سدهارتامعجبون بهذا.

آخر مواضيع فارس من خيال

- من أجمل ما رأت عيني (جزيرة جيجو - كوريا )
- استطنـــــ(في خاطري شوق وحكايات واسرار)ـــبول
- على اطلال (هونج كونج)2017
- هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ)
- بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ

Save

التعديل الأخير تم بواسطة فارس من خيال ; 03-01-2015 الساعة 04:10 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جزر فارو الساحرة في الدنمارك شاهد الجمال	فارس من خيال	بوابة اسكندنافيا	59	05-06-2018 11:25 AM
نيبال .. وسحر الطبيعه	سائح	بوابة الدول الاخرى	51	01-06-2018 02:47 AM
محتارة بين ألمانيا وسويسرا أم النرويج ؟!	أم زايد	بوابة سويسرا	1	01-06-2015 07:31 PM
وزير السياحة المصري : السعوديون في عيناي	وليد عنبه	بوابة مصر	8	24-05-2015 06:13 PM
استفسار عن شريحه بيانات في النرويج	بحرينيه	بوابة اسكندنافيا	2	04-04-2015 02:58 AM