72الاعجاب
03-01-2015, 03:07 PM
| #51 | ||
| مراقب العرب المسافرون   تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,431
|  رد: بين جمال الدنمارك وسحر النرويج ..
بسم الله الرحمن الرحيم مساء الخير ي اعضاء ي كرام اليوم جزئنا الاخير في النرويج وبالتحديد مدينة اوسلو بعد نوم عميق من الليله السابقة صحيت الظهر وخرجت من الفندق ادور فطور وكان جنب الفندق بوفية يوجد بها فلافل ويعمل بها باكستاني عمركم شفتم باكستاني يضبط الفلافل اكيد بتقولون لا حتى خوينا ذا مافي راسه بس مشينا ومدحنا فلالفه عشان مايزعل معلومات عن الفندق قبل ما نبدأ اسم الفندق Thon Hotel Stefan رابط الفندق هنـــــــــــــــــا سكنت فيه ليلتين بسعر 1261.83 ريال وموقعه كان قريب من القصر الملكي وشارع التسوق كارل وكذلك موقف السيارات جنب الفندق ودفعت حق يومين موقف للسياره 180 كرونه بعد الفطور توجهت للباركنق اخذت السياره وسلمتها مع ان يبقى يوم على موعد التسليم بس قلت ما احتاجها ف اوسلو وبعدها توجهة للميناء مررت بشارع كارل يوهان وهذا متحف nationaltheater ف نفس الشارع قريب من القصر الملكي ومقابل للبرلمان النرويجي   مبنى البلدية قريب جداً من الميناء وهذي الصوره من الواجهه بس مادخلت ما احب لا متاحف ولامباني زي كذا احس مافيها شي يجذب   ساعة مبنى البلدية ذكرت اخوي طير الله يذكره بالخير كان مصورها قلت حتى انا لازم اصور  وخلف مبنى البلدية يجيك منطقة الميناء oslo harbor صوره لمبنى البلديه من واجهة الميناء        كان الجو بارد وهواء اذكر جلست اكثر من 3 ساعات بالميناء مع ان المنطقه صغيره ويمكن في نص ساعه تتجول فيها بس وحيد مره اصور نفسي ومره اروح اكل ايسكريم ومره اروح ع المقاهي اشرب كوفي واناظر للرايح والجاي وفي نفسي تأملات كثيره مع الغربة بس تبقى ايام جميلة وذكرى مدونه في مخيلتي لا تمحوها السنين وموثقة فوتوغرافياً للرجوع لها ف اي وقت.. سقى الله    يمكن اخذ جوله سياحية على سفن الكروز والتذاكر تشتريها عند صعود السفينه وكنت اشوف سياح يدفعون ويركبون وكذلك يوجد اكشاك لبيع التذاكر ع الميناء  توهتني هالباصات في اوسلو             بعد الميناء قلت اروح اشوف حديقة ومنتزه frogne park اللي كلها تماثيل والحديقه بصفه عامه لاباس بها ومايجملها تلك التماثيل اللي تحكي واقع من وجهة نظري كله عنف اكثر التماثيل والمجسمات تشوف فيها حركات العنف بس جميلة جدا واعجبتني وجميع هذه المجسمات منحوته وتشوف الثماثيل عراه بدوون ملابس وساعرض صور واعتذر حاولت طمس بعض الاشياء منها واعتذر لو ظهر شي منها خادش للحياء  بس ابي انقل لكم الصوره كما رأيتها قبل لا اوصل للمنتزه ماخليت باص ماركبته عشان اعرف المكان كان معي خريطه واذا ركبت الباص اسأل اللي جنبي وين مكان الحديقه يقولي مو ذا الباص <<بلهجتهم او لغتهم طبعا مو لهجتنا واغلبهم ماكان يتكلم انقلش قليل ولغة الاشاره نتواصل بها لدرجة اني وصلت خارج اوسلو كل شوي في باص واللي يدلوني يعطوني رقم الباص بس مايعطوني اسم المحطه اللي انزل فيها لحد ماطحت في بنت حلال الله يزوجها اذا مو متزوجه واذا متزوجه الله يسعدها قالت خلاص خلك معي وانا اوصلك لمحطه قريبه من المنتزه وماقصرت وصلتني لمحطه هي ا نزلت فيها وانا معاها وقالت روح للمحطه المقابله في الشارع واركب الباص رقم 26 او 27 مو متاكد من رقم الباص نسيت رقمه بس اتوقع احد هالرقمين وقالت اذا ركبت المحطه الثانيه اذا وقف الباص تنزل والحديقه مقابل المحطه شكرتها ومشيت ع وصفها والحمد لله وصلت بعد عنا                         يتبع<>>>>>
| ||
|  |
|
03-01-2015, 03:15 PM
| #52 | ||
| مراقب العرب المسافرون تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,431
| رد: بين جمال الدنمارك وسحر النرويج ..
نكمل    وصلت للمجسم الكبير ويسمى monolitic sculpture يرمز للتعاون في الحياة بين الناس وهو عبارة عن 37 تمثال متماسكين ومتسلقين فوق بعض     هذاك مدخل الحديقه  وهناك اخر مكان في الحديقه سنذهب اليه بس خلكم متابعين هههههههه  بعض الحركات حاولت اسوي فنان واصور وانا امسك الشمس والناس تناظر فيني اتوقع كانو يقولون اهل العقول ف راحه <<< ارحمنا ي المصور الاحترافي  وهنا قلت اشيل الشمس فوق راسي ..خف علينا  <<فاضي هههههههههه  محاولات باءت بالفشل            بعدها غادرت الحديقة الى شارع كارل يوهان  وصولاً الى محطة القطار ابي اروح اتعشى في حي العرب او الحي اللي يسكنه الجالية العربيه كان قريب من محطة القطار انا جيته بالصدفه ووصفه لمن تخرج من محطة القطار تتجه يمين ويجيك مركز تجاري كبير من بعد المركز بشارع تاخذ يمين تمشي مايقارب اقل من 500 متر يجيك الحي ع اليسار وهناك مطاعم عربيه وتركيه وايراني وكذلك المسجد وبقالات فيها مواد تموينيه للجالايات العربيه     رجعنا لشارع كارل يوهان        البرلمان النرويجي      بعدها رجعت للفندق وهذاك الفندق واضح بالصوره موقعه كان رائع  مدخل الفندق  الرسبشن   شموع ورومنسيه  وصلت غرفتي بعد جوله يوم رائع في اوسلو ارتحت قليلاً وبعدها رتبت حقيبتي استعداداً لمغادرة اوسلو اليوم التالي  اليوم الثاني صحيت مبكراً افطرت ف الفندق وبعدها سويت اتشيك اوت وتوجهت لمحطة القطار اخذتها مشي يمكن 10 دقايق وصلت المحطه وشريت تذكرة القطار تقريباً كان سعرها 80 كرونه ركبت القطار وتوكلت على الله  وصلت مطار اوسلو وكانت الخدمه ذاتيه يعني لا تنتظر احد يقص لك البوردنق او يشحن شناطك انت المسؤول تعرف ما تعرف م راح احد يساعدك من الموظفين لو يطلع ف راسك نخله فيها بلح والوضع سهل وان شاء الله بوضح لكم مع الصور ه هذا جهاز الخدمة الذاته كل ماعليك تختار الخطوط اللي حجزت رحلتك عليها وتختار اللغه وبعدها تدخل رقم الحجز ونكست وتحط عدد الحقائب ونكست وتختار المقعد ولو ماتبي سوي نكست وهو يختار لك المقعد الي وبعدين يطلع لك البوردنق وتيقات العفش تاخذها وتحط التيقات ع الحقائب وتوجه للسير حق شحن العفش وكل ماعليك تاخذ جهاز قارئ الباركود من ع السير وتممره على تيقات الحقائب وبعدها يتحرك السير إلي ثم توجه لصالة المغادره هذا اذا انت مغادر ع احد الدول الاسكندنافيه اوبعض الدول الاوربيه اللي مالها كاونترات والطيران الداخلي اما بقية الدول الاخرى ف عادي فيه كاونترات ويوجد موظفين لخدمتك  يوجد مكان لقارئ الباركود اذا كان عندك في جهاز الجوال صورة التذكره بالايميل وكل ماعليك تمرر شاشة الجوال من مكان قارئ الباركود في جهاز الخدمه الذاتيه ويطلع لك البوردنق وتيقات العفش صورة توضح شاشة اختيار الخطوط ومنها تختار اللغه وادخال بيانات حجزك  داخل ع الرحله وب نودع النرويج وهدي الطياره ع الخطوط النرويجيه  من داخل الطائره وعلى فكره شفت مسافرين يحملون معهم اكثر من حقيبة يدويه داخل الطائره وما احد قلهم شي بالعكس ملاحين الطائره كانو يساعدونهم في وضعها داخل الرفوف اللي فوق المقعد وكذلك ممنوع تضع الحقيبه عند رجلك تحت المقعد لازم تكون ف الرف  اقلعنا وودعت اوسلو وع امل العوده لها بإذن الله في القريب العاجل <<ف الصيف غير الصيف م اجيها ابد  فوق هام السحب وجهتي ع كوبنهاجن  وصلنا الى نهاية التقريرواتمنى احد يستفيد ولو بمعلومه بسيطه من تقريري .. دعواتكم لنا الى اللقاء
| ||
|
| |
|
03-01-2015, 03:17 PM
| #53 | ||
| مراقب العرب المسافرون تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,431
| رد: بين جمال الدنمارك وسحر النرويج ..
بسم الله الرحمن الرحيم السلام عليكم ورحمة الله وبركاته حبيت ابين بعض اسعار السلع واوضح أن المعيشه في هذه الدول غاليه جدا انا صرفت مايقارب 30 الف ريال شامل كل شيء وانا كنت لوحدي وكذلك فيه مطعم الشاورما في كوبنهاجن لايفوتكم للي بيزور هالمدينه نبدأ بالمطعم ومكانه واضح جداً في اول شارع ستروجيت من بدايته من ساحة الكنيسه والمطعم بعد محل سفن افلن اللي بالزاويه ع يسار الصوره  هذا المطعم  وهذا مدخل المطعم  من الداخل وللعلم المطعم دورين بس ماطلعت للدور الثاني ودايم اشوف زحمه عندهم  شاورما اللحم اللذيذه اللي وصى عليها الدكتور فارس يمي يمي ههههههههه والمطعم مو خاص للشاورما والفلافل ولكن جميع الماكولات اللبنانيه تجدها فيه    العم محمد الله يذكره بالخير قمه في التعامل والاخلاق كان أول مايشوفني يجهز الشاورما بدون ماطلب وبدون امسك سرى والحساب بعدين لمن اخلص  العم عاطف الله يذكره بالخير لايقل اخلاق وطيبه عن العم محمد   اسعار السلع اللي صورتها واذا مو واضح السعر كبر الصوره          هذه الصور خاصه للجنس الناعم   وهذا السعر يمكن يكون واضح  7400 كرونه من يشتري بلاش هههههههههههه اتمنى يكون وصفي للمطعم واضح وكذلك حبيت ابين اسعار السلع وغلاء المعيشه في هذه البلدان دعواتكم لنا في ظهر الغيب وأسأل الله لي ولكم التوفيق الى اللقاء في تقرير برازيلي اخر بإذن الله
| ||
|
| |
|
03-01-2015, 04:29 PM
| #54 | ||
| مراقب العرب المسافرون تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,431
| رد: بين جمال الدنمارك وسحر النرويج ..
اقتباس : المشاركة الأصلية كتبت بواسطة Deena  استمتعت بقراءة التقرير للمرة التالتة وفي كل مرة بيكون أجمل  يعطيك العافية ياهلا يادينا نورتي التقرير والف شكر لمتابعتك وشكرا لثنائك لاخلى ولاعدم
| ||
|
| |
|
03-01-2015, 05:42 PM
| #55 |
| مميز  تاريخ التسجيل : Dec 2014 رقم العضوية : 346 المشاركات : 346 | رد: بين جمال الدنمارك وسحر النرويج ..
|
|
| |
|
04-01-2015, 02:06 PM
| #56 | ||
| مراقب العرب المسافرون تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,431
| رد: بين جمال الدنمارك وسحر النرويج ..
اقتباس : المشاركة الأصلية كتبت بواسطة lemonde لا والله يابو علي حنا اللي مانجي شي عند ابداعاتك وتقاريرك الجميله ما قلتلك مبدع ولا اجي عندك حتى بواب عمارة ما شاء الله عليك اما محل الشاورما هذا انا اشهد انه مخدرااااات ياهو يزبطها زبط وعليه زحمة والشباب اللي فيه فعلا حبيبين انا دايما اقول ان الدول الاسكندنافية سقف العالم في الأسعار والنرويج سقف السقف غلا مو طبيعي ابدا ابدا ابدا وشكرا ع ثنائك وشهادتك اعتز بها طال عمرك اما محل الشاورما قسم يابوعلي وبدون مبالغة اتمنى اسافر هناك عشان اكل شاورما ولاشك ان النرويج غلائها فاحش الف شكر يابو علي لحضورك لاخلى ولاعدم
| ||
|
| |
|
05-01-2015, 12:50 AM
| #57 | ||
| مسافر خبير تاريخ التسجيل : Dec 2014 رقم العضوية : 196 الجنس : انثى المشاركات : 1,719
| رد: بين جمال الدنمارك وسحر النرويج ..
| ||
|
| |
|
05-01-2015, 02:37 AM
| #58 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 | رد: بين جمال الدنمارك وسحر النرويج ..
|
|
| |
|
07-01-2015, 12:46 AM
| #59 | ||
| مراقب العرب المسافرون تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,431
| رد: بين جمال الدنمارك وسحر النرويج ..
اقتباس : المشاركة الأصلية كتبت بواسطة FuNnY GIRL أن شاء الله يارب تتيسر هالسفر والحمد لله التاشيرة صدرت اليوم وجاهز للرحله اللهم يسرها لي رووووعه التقرير بصراحه ماقصرت عطيتني فكره كامله عن النرويج وملاحظتي اول مره اشوف محل شاورما في اوروبا وكاتب شاورما بالعاده يكتبون كيباب ولازم احذاها هيلال يعني حلال حسب نطقهم ههههه حسيت شي غريب كاتبين شاورما اسمها الاصلي خخخخ فعلا دائم اكثر المطاعم في اوروبا الخاصه بالشاورما يكتبون كباب واتوقع يكون العاملين فيها اتراك وهالمطعم كل الطاقم لبناني ويمكن هدفهم جذب السواح العرب اذا رحت فيينا انا بنصحك اتجرب مطعم سبابا ياربي مقدر اوصفلك لذته الذ سندويشات كلتها في حياتي بتدعي لي كررنا زيارة فيينا 3 مرات علشانه انت متخيل!! لازم تجربه هو اذربيجاني ، العم محمد وربعه مفروض مايمسكون زقاره وقت الشغل واذا امسكوها لازم يغسلون اتذكر قدامنا سواها واحد ورجع يكمل شغل يسوي السندويشات بيده وزوجي قال للمدير لان زوجي جنونه شي اسمه زقاره والله هاوشه هواش قدامنا كسر خاطري بس يستاهل والبلد فعلا غاليه احنا 30 تكلفتنا اذا نسافر اسبوعين بروحنا انت بروحك نفس سعرنا كلفتك فعلا غاليه وان شاءالله نجربها في يوم ما بس حلاتها في الصيف علشان انشوف الخضرا أن شاء الله اذا ختمنا ع جميع الدول السياحية من الشرق للغرب ومن الجنوب الى شمال الكره الارضية نرجع حق فيينا ونجرب هالمطعم واكيد ذويقه يافني ونثق في اختياراتك وذوقك وبعد احس نفسيتك زيي ماتتقبل اي شي والعم محمد وعاطف مطعمهم نظيف جدا ويعملو ع الكاشير واحيانا يساعدو الشباب في الزحمة ولاشك دول الشمال غالية جدا بس تستاهل الزياره وربنا يسر لكم رحلة وتشوفي النرويج مشكوووور وعقبال مانشوف تقريرك النيوزلندي والاسترالي واذا تعرف اي معلومه عن امستردام لاتبخل فيها علي لاني حاطه استفسار وابشرو بالتقرير هولندا جاك رسالة ع الخاص وأن شاء الله فيها كل اللي تحتاجينه الف شكر لحضور وكمان شكرا ع الايكات ...تحياتي
| ||
|
| |
|
07-01-2015, 12:54 AM
| #60 | ||
| مراقب العرب المسافرون تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,431
| رد: بين جمال الدنمارك وسحر النرويج ..
اقتباس : المشاركة الأصلية كتبت بواسطة فيصل شكرا لك هلا بابو خالد نورت ياسعادة المدير الف شكر ع الحضور لاخلى ولاعدم
| ||
|
| |
 |
| الكلمات الدلالية (Tags) |
| الدنمارك, النرويج, بين, جمال, وسحر |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جزر فارو الساحرة في الدنمارك شاهد الجمال | فارس من خيال | بوابة اسكندنافيا | 59 | 05-06-2018 11:25 AM |
| نيبال .. وسحر الطبيعه | سائح | بوابة الدول الاخرى | 51 | 01-06-2018 02:47 AM |
| محتارة بين ألمانيا وسويسرا أم النرويج ؟! | أم زايد | بوابة سويسرا | 1 | 01-06-2015 07:31 PM |
| وزير السياحة المصري : السعوديون في عيناي | وليد عنبه | بوابة مصر | 8 | 24-05-2015 06:13 PM |
| استفسار عن شريحه بيانات في النرويج | بحرينيه | بوابة اسكندنافيا | 2 | 04-04-2015 02:58 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
