وعليكم السلام ورحمة الله وبركاتة
إن شاء الله الحلم يتحقق ويصبح حقيقه وتقضي إجازة سعيده

الاخوة والأخوات ما قصروا

بس حاب اضيف شغله بسيطه..
اورلاندو فيها عالم ديزني وهي اكبر حدائق لديزني بالاضافه ليونيفرسال ستوديو
حدائق فيها 4 حدائق وكل حديقه تحتاج يوم بالاضافه ليونيفارسل لحديقتين تحتاج كل وحده يوم
اذا بتروح لهم كلهم بتحتاج 6 ايام على الاقل بالاضافه بعض العروض والملاهي الأخرى
لا تفوت عرض cirque du soleil في اورلاندو يعتبر من افضل العروض والحجز المبكر مطلوب عشان تلاقي مقاعد
والاوت لت في اورلاندو جميل جداً يحتاج نص يوم

يعني الرأي لك أرى 8-10 ايام حق اورلاندو

تامبا تبعد عن اورلاندو ساعه وربع وفيها ملاهي السيكس فلاقز اشهر ملاهي بالالعاب الخطره ذا فيك حيل تروح لها.

واي استفسارات أخرى أحنا حاضرين

من واحد ساكن في فلوريدا ست سنوات ومغط خط نيويورك اورلاندو بالسياره:
نيويورك 3 ليالي
ثم بالطيارة لميامي
ليلتين في ميامي
وبعدين بالسيارة لاورلاندو
9 ليالي في اورلاندو
بعدين بالسياره لسموكي ماونتن
3 ليالي بسموكي ماونتن في ولاية تنيسي
وبعدين بالسياره لهيرشي
ليلة بهيرشي
ومنها لمطار نيويورك وترجع بالسلامه

المجموع 18 ليلة، فيه ليلتين اضافيات ممكن تضيفهم باي مكان انت حاب،
في نيويورك لا تطلع من منهاتن ويفضل السكن بالمنطقة حول التايم سكوير، ميامي اسكن بالساوث بيتش واغلب تمشيك بيكون هناك (اذا نتوا عائلة محافظة جدا ما انصح في ميامي). في اورلاندو الخيارات كثير، وحط في بالك يوم تروح للبوش قاردن في تامبا) ودزني مو شرط تروح لهم كلهم، عندك انيمل كينق دوم ما تسوى. فيه سموكي ماونت خذلك كوخ على الجبل.

اذا تبي الموضوع ريلاكس اكثر لان الجدول هذا متعب لان فيه سواقه وتنقل كثير.

انصحك بالتالي:
3-4 ليالي نيويورك
كروز بحري من فلوريدا لمدة 7 ايام وانصحك بالويسترن كريبين
9 ايام اورلاندو
وممكن ليلة او ليلتين في ميامي

الناس تختلف اذواقها ناس تحب الطبيعه وناس تحب المدن، ناس تحب تصحى الصبح وناس تحب تسهر. انت صمم برنامجك مثل ما تحب.

انا زرت دول كثير ولا يقل 27 ولاية في امريكا وامريكا وجهتي المفضله وانا متأكد انك بتنبسط، بس المهم تخطط صح