صباح الخير
ابغى مساعدة أهل الخبره في موضوع الوزن الزائد للشخص الواحد
انا حجز الطيران حقي على طيران الاتحاد على الدرجة السياحية
و الان تواجهني مشكله الوزن الزائد للحقائب
كلمت شركة الاتحاد قبل شوي و قالوا لي في الذهاب لا يحق لك الا شنطة وحده ووزنها 23 كيلو !!!!!
و في حال العودة شنطتين !!!

وقال اذا حاب يصير وزن الشنطه الرئيسية 32 كيلو لازم تدفع
و اذا حاب تضيف شنطه ثانيه بوزن 23 لازم تدفع
وإذا حاب تضيف شنطه ثالثه بوزن 23 لازم تدفع

وكلمت الشخص اللي حجز لي التذاكر وهو في شركة الطيار و قال لي يحق لك تشحن شنطتين ، بمعنى يحق لكل فرد يكون له شنطتين في الشحن ، وشنطه الطياره الصغيرة ..

الكلام جدا متضارب
انا سفري بعد كم يوم واخاف اروح اسلك للأمور واتورط بالمطار

السؤال يا جماعة الخير انا معي طقم شنط 3 قطع ، حجم كبير و وسط للشحن ، و الصغيره للطياره
بالاضافة الى حقيبه الظهر و مخده صغيره ..

وانا جازم ان وزن الحقيبتين زايد وش الدبره يا جماعة الخير انا خوفي يقولون ما نشحن شناطك و يبهذلوني بالمطار