للأسف إنحذف الموقع القديم وطارت مشاركاتي ورجعت كأنني عضو جديد
عموما ما شاء الله تبارك الله الله يتمملك على خير
أخوي بالنسبة للفنادق عندك بوكنق ممتاز جدا وفيه فنادق الدفع فيها عالوصول هذا شي
الشي الثاني الطيران رح اسال بالمكاتب بعدين تعال دور بمواقع الشركات نفسهم يعني الطيران التركي والاماراتي والقطري والسعودي وتأكد إنك ما إنغدرت بالسعر
فيه عندي رقم حرمة مسلمة بكيب تاون إسمها شفيقة يشهد الله إنها نشمية وتساعد وساعدتني
اذا تبي رقمها وتتفاهم معها واتس أحسنلك هي بنت بلد وتاخذ سياح شغلتها
بس مشكلتها ما تتكلم عربي يعني أنت أو زوجتك لازم تتكلمون إنجليزي عشان تسلكون أنفسكم أو قوقل ترجمة
الشي الثالث كيب تاون لحالها فيها أماكن كثير حلوة عندك جبل الطاولة ( التايبل ماونتن ) لحاله يبي يوم وعندك حديقة كريستن بوش ورأس الرجاء الصالح ومدينة سايمون والووتر فرونت ( الواجهة المائية )
وعندك القاردن روت ( لحاله يبي أقل شي أربع أيام ) وناهيك عن الجو الباريسي عندهم شتا الحين يعني عيش البراد والأمطار ( أمطارهم خفيفة بس تطول ومافيه سيول )
وفيه أشياء كثير وأي خدمة أو إستفسار أنا جاهز وتحت أمركم بإذن الله