رائع يا غالي

بداية جميلة و صور اجمل
ما يقصر مشرفنا جاكال بمساعدة الجميع

شكراً لك على هذا التقرير الرائع
متابعين معاك

27 Aug

الخروج من الفندق والذهاب الى الجزيرة الساحرة بالاوان،، طبعا ما أخفيكم حنا ماعطينا سيبو حقها كامل،، وبالذات الرحلة الى اوسلوب لاكن ما الله كتب هذي المرة!!

رحلتنا كانت سيبو - بورتو برنسيسا طبعا رحلة وحدة يوميا على السيبو باسفيك
الاقلاع الساعة ٣:٥٥ العصر وصول مطار بورتو برنسيسا الساعة ٥ العصر. المميز هذي المرة اقلعت في وقتها.

جزيرة بورتو برنسيسا تعتبر اكبر جزيرة في بالاوان،،

خيارات الفنادق فيه كثيرة وحجزنا كان في فندق Sunlight Guest Hotel لمدة يومين..

المطار صغير جدا،، اول ماتطلع راح تحصل محل صرافة والصرف عنده كان 100 دولار 4600 بيسو والتوصيل من المطار الى الفندق ٥٠ بيسو بالتكتك المسافة قريبة جدا من المطار الى الفنادق.

وراح تحصل مكاتب سياحية تعرض عليك الرحلات واهم رحلاتين في بورتو برنسيسا كالتالي:

Underground River
Honda Bay

الدوان تاون يعتبر بدائي جدا،، والمشاوير كلها في تكتك واهم مطعم موجود ماكدونالدز واهم كافي شوب دانكن دونات.

اليوم الي وصلنا فيه اخذنا لفة ليلية حول الداون تاون على اساس بكرة راح تكون اول رحلة لنا الى
Underground River الي يبعد مسافة اكثر من ساعة من المدينة وكانت رحلة رائعة بالدخول الى كهف مسافة ٥ كيلو مع سماعات فيه معلومات عن تاريخ الكهف ومتى تم اكتشافه الخ

وبعدها يخيرونك اذا تبي تركب الزيب لاين الممتع لمسافة ٨٠٠ متر وتحتك البحر.

رسوم رحلة النهر ١٢٠٠ بيسو مع الغداء
اذا تبي تركب الزيب لاين ٥٥٠ بيسو

الرجعة للفندق على ٥ العصر تقريبا. والرحلة كانت متعبة ومرهقة لان فيها تنقلات كثير لاكان ممتعة في الاخير.

واترككم مع الصور

28 Aug

المخطط كان في هذا اليوم الذهاب الى خليج Honda Bay والرحلة كانت مكونة من ثلاث جزر، وتقريبا نفس موعد رحلة تحت النهر من ٨ الى ٤ بحكم ان ميناء الاقلاع قريب من المدينة..

بما ان الانتهاء من الرحلة كان ٤ العصر وعندنا وقت الى الليل ولا فيه اي انشطة ممكن نسويها في بورتو برنسيسا ، كان عندنا خيارين الاول اننا نريح ونمشي الصبح الى النيدو او نمشي بنفس الليلة الى النيدو،، وقررنا الذهاب الى جزيرة النيدو في نفس اليوم الساعة ٦ المساء وهو اخر فان يطلع من بورتو برنسيس لاستغلال الوقت.

مدة رحلة الفان ٥ ساعات او تقل على حسب زحمة الطريق. طبعا مافيه الا فان وسيلة نقل من
بورتو برنسيس الى النيدو بس الفان نظيف وفيه شاشات عرض افلام ويوقفك مرة لمدة ٢٠ الى ٣٠ دقيقة بريك.

سعر رحلة خليج هوندا باي مع الغداء 1100 بيسو للشخص** فيه رسوم لسنوركل لان فيه غوص لاكن مهب تحت البحر.

وسعر رحلة الفان الى النيدو ٥٠٠ بيسو للشخص

شي جميل