![]() | #92 |
مسافر جديد ![]() تاريخ التسجيل : Jun 2017 رقم العضوية : 15227 الجنس : ذكر المشاركات : 37 | ![]()
|
![]() |
![]() | #93 |
مسافر جديد ![]() تاريخ التسجيل : Jan 2015 رقم العضوية : 1228 الدولة : السعودية الجنس : ذكر المشاركات : 74 | ![]()
فعلا الأسعار زادت وارتفعت انا حجزت قبل كم يوم نفس الاسعار اللي ذكرتها 130 رنقت للكبار 110 رنقت للصغار الله المستعان لكن الخوف يرتفع الرنقت هالايام سعروه زين شكرا لك
|
![]() |
![]() | #94 |
مسافر جديد ![]() تاريخ التسجيل : Jan 2015 رقم العضوية : 1228 الدولة : السعودية الجنس : ذكر المشاركات : 74 | ![]()
هلا بك يابو حسن شكرا لردك على اخونا ابو جواهر نكمل بعض لا خلا ولا عدم
|
![]() |
![]() | #95 |
مسافر جديد ![]() تاريخ التسجيل : Jun 2017 رقم العضوية : 15227 الجنس : ذكر المشاركات : 37 | ![]()
ياهلا فيك ثنيان وشكرا على الرد خلاص اتضحت الصورة واحسن لي احجز لا يكون الاسعار ترتفع بعدها 🤔 بالنسبه للرنجت الماليزي لحد الحين ما حولت تنصحني احول دام قيمته زينه ع كلامك 🙏
|
![]() |
![]() | #96 |
مسافر جديد ![]() تاريخ التسجيل : Jan 2015 رقم العضوية : 1228 الدولة : السعودية الجنس : ذكر المشاركات : 74 | ![]()
الجزء الثاني لبينانج ... .يالله انك تحييهم ![]() من عاداتي في بينانج بعد الفطور نتقهوى بعدها إلى الساعة 10 بالبلكونة جلسة الصباح جميلة فيها نسمات باردة ترد الروح ومناظر صباحية مع اصوات الطيور تشرح الصدر ![]() ![]() ثم ننزل للمسابح مسابحهم ميزتهاتناسب جميع الأعمار ومنوعة وهي عبارة عن 3 مسابح مختلفة في العمق تناسب كل الأعمار اضافة الى نشاطات مباريات كرة الماء للكبار في المسبح المخصص لهم ويوجد جاكوزي لكن كان معطل للاسف في هالفترة ![]() والأهم على كل مسبح في منقذ واقف بصفارته تنبيه للاطفال لعب وسباحة إلى الساعة 2ونص أو 3 بعدها على ماكدونالدز غدا ![]() . . ونرجع ثاني للمسابح أو بعض الأيام فترة الظهر نقضيه في قرني بلازا إلى العصر الساعه 6 نتوجه كلنا للشاطئ فعاليات ونشاطات بحرية إذا ماتبي تجرب تكفيك الفرجة المغرب نرجع الجناح وطبعا الأولاد غالبا من التعب يادوب عشاء خفيف ونوم ![]() عشائنا الخفيف يكون خبز وجبن وشاهي ماهو لازم مطاعم يوميا وأنا وأم العيال أحيانا نطلع للسوق الليلي اللي يبدأ من بعد المغرب على الشارع العام . . بالنسبة لغسيل الملابس سهل جدا فيه غرفة غسيل موجودة بالفندق تقدر تغسل ملابسك بنفسك وتحطها بالنشافة وعادة هذه مهمتي اصرف من عند الاستقبال أو محل الملابس اللي موجود باللوبي مبلغ 15 رنقت تعطيك هلل خاص بالغسالة وتاخذلك صابون والشغلة كلها تقريبا ساعة وفية كراسي انتظار سواء داخل غرفة الغسيل او خارجها. ![]() ![]() فيه مغاسل خارجية تعطيهم الملابس وهم يغسلونها لكن ما أنصح فيها لانه ماتدري شلون يغسلونها ولا وش يحطونها مع اي ملابس ... . . بالنسبة للمطاعم في بينانج جربت بعضها في باتوفرنجي والباقي احس الدعوى لغوصة خصوصا هاللي واقفين عند باب المطعم ويحرجون وينادون الزين عندنا والشين حوالينا لكن في الحقيقة الوضع بائس إلا من رحم ربي جربت مطعم ماروش والله لايوريكم تجربة شينه حسيت بطعم الثوم الان من كثره هاك اليوم ![]() ![]() ![]() ![]() ![]() ![]() ![]() ![]() ![]() انا من شفت حاطين هالسكين وانا غاسلن يدي منهم بفلاش مطعم الطربوش دائم مزدحم والحقيقة الواحد ماياخذ راحتة بعيالة وأهله مطعم لبنان كان خيار جيد وأكلة ممتاز وخدمتة جيدة ![]() مطعم باكستاني قدام بوابة الفندق في كورنر عند الإشارة رغم تواضعة إلا ان عنده كباب يضرب بالمخيخ وخبز طازج كلام كبير احيان اخذه سفري واحيان انا وام العيال نتعشا عنده وأسعاره جدا جيدة روادة من الأوروبيين وزحمة لانه فعلا يقدم كباب رايق وأكيد يوحشنا الخبز المدور حقنا اذا مليت من التوست رح لهم لا يفوتك تقدر تاخذ منهم خبز فقط اذا حبيت يسمونه (نان).. ![]() ![]() ![]() المغسلة لا تفوتكم المطاعم الرايقة والاكل النظيف والجلسة دائما في قرني بلازا تشكيلة رائعة وكلن وذوقة وبالنسبة لي دائما ماتكون وجبة الغداء فيه مطعم دووم (حبيب قلبي)أو تشيلز.. وخيار عيالي الدائم ماك رغم كل الاغراءات اللي نسويها لهم عشان يغيرون لكن مافي فايده تقل سرهم مجدوع بهالمطعم . ![]() ![]() ![]() سنويا اطلب ستيك لحم مع صوص فلفل أسود لا يفوتكم لمحبي الستيك ![]() اللازانيا في بينانج كلام ثاني ![]() لهم فروع في كوالا في البافليون وسوريا مركز البرجين وجوهور في الأوت لت . . السوق الصيني مافي جديد بضاعة عادية جدا والاسعار مبالغ فيها والله يعينك على المكاسر والبنقالة صاروا ينافسون الصينين في كل مكان في ماليزيا موب بس بينانج احيانا تجد بضاعة جيدة وعليك البحث عن الجديد والغريب ![]() ![]() ![]() ![]() ![]() ![]() ![]() ![]() ![]() مركزهم وتجمعهم قدام بوابة الفندق تقدر تاخذ عربية منها وتلف فيك في جو من الصخب والمرح . . السنه ذي كانوا مقفلين واحد من مسابح الاطفال بالفندق على حظنا مسوين تغيير جديد قابلت المسئول الاسترالي في الفندق وقالي انهم يسون هالتغير عشان خاطر عيون العرب ووسيلة جذب لهم ولعيالهم من كثرهم الله يكثرهم ويحميهم الفندق يشتغل على حس الخليجين والعرب رحنا وهم باقي ماخلصوا منه . ![]() . . النشاطات اللي على الشاطئ متنوعة وجميلة اول ماتطلع يعرضون عليك برشورات وصور منوعة للنشاطات ومنها زيارة جزيرة القرود اللي زرتها عام 2007 وكانت تجربة بائسه لي ولعيالي لاداعي لذكرها واحيان رحلات عائلية بحرية ومنها البرشوت وهي من اهم النشاطات كان لي تجربة مريرة في أول زيارة لي لبينانج عام 2007 طلعت بالبرشوت بعد ما اخذت التعليمات منهم وطلعت عادي وصرت بالجو وش زيني لين جاء وقت النزول للأرض كان نزولي غلط بغلط تكرفست وتقلبت وتمردغت بالارض لين عضيت التراب وصرت اكح رمل واصابات وحالتي حالة وعقبها حرمت اطلع برشوت وخليتها لعيالي الله يحفظهم اسعارهم مبالغ فيها ولازم تكاسرهم السعر ينزل للنص وأقل ولو قدمت شوي بتلقى أرخص وهذا حال كل النشطات هناك هالسنة خليت عيالي يجربونه مع واحد من العاملين يعني مايكونون لحالهم وفي ممكن براشوت لشخص أو شخصين وفيه دبابات البحر (جت سكي) وهذي عاد لعبتي اذا شفتوا واحد يالله يمشي بالدباب وعلى مهله تراه انا وغيرها من النشاطات اللي لازم الواحد يجرب ويطلع عن المألوف حتى لو كان عليمي مثلي لكن المغامرة شيئ جميل وله سحره ![]() ![]() ![]() ![]() ![]() حديقة الفرشات والتوابل والفواكه رحتها في زياراتي السابقة لماليزيا وتكرار الزياره لها ماله داعي بالنسبة لي متحف الالعاب تجربة حلوه للاطفال ويستحق الزيارة سبق وزرته لكن مرة واحدة تكفي لمن يأتي لماليزيا كثيرا . . الهضبة زرتها وهي تجربة جميلة تستحق الزيارة خصوصا القطار اللي يوصلك اعلى الهضبة الجو فوق حلو فيها معبد هندوسي جيت بدخله عشان اصور فيه قالوا لي اخلع نعولك ولكم الكرامه قلت بالطقاق والله لو اني داخلن مسجد وهونت مادخلت رحتها بتكسي ورجعت بالباص ماخليت التكسي ينتظر حطيت في بالي ارجع بالباص طبعا تركب أكثر من باص عشان توصل للشاطئ وماهو باص واحد تمر على كذا محطة وتغير حسب خط السير اللي تبية وتقدر تسأل سائق الباص وهو بيعلمك رقم الباص اللي بيوصلك لوجهتك الجميل في الموضوع انك تتمشى في جورج تاون كلها وتمر في شوارعها واسواقها الشعبية احسن من جولة التكسي وبسعر رمزي (تجربة حلوه لاحد يتردد) صور للهضبة من رحلتي 2010: ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ركوب الباص من الهضبة للشاطئ ![]() ![]() . . مصنع الشوكلاته والقهوة لم يسبق لي أن زرتها وليس في نيتي ذلك لعلمي ان المسألة اتفاق بين سائق التكسي والمصنعين لجلب الزبائن لكي يحصل على مقابل لذلك .. يعني السالفة مافيها مشاهدة لكيفية صناعة القهوة أو الشوكلاته لا أبدا كأنك رايح متجر بالنسبة لي زيارة مكان يعرض انواع شكولاته وانواع قهوة لا اجده جاذبا لي (وجهة نظر شخصية ليست بالضرورة صحيحة) بينانج جزيرة ساحرة تستحق الزيارة نشاطاتها كثيرة ومتعدده صور ملونه تمر بك تعيشها بالوانها ومذاقها ![]() ![]() ![]() عرض للفواكة في مطعم الفندق صباحا ![]() ![]() ![]() الفجر وشروق الشمس من الشرفة.. الواقع أجمل بكثير من الصور ![]() الاستعداد لبداية النشاط من الصباح الباكر ![]() كشك المساج على الشاطئ جنب مدخل الفندق وللي يبي خصوصية لاهلة ترى البنات اللي في الكشك ممكن تجي للغرفة ![]() ![]() الأمن متوفر في مداخل ومخارج الفندق ![]() اماكن للترويش ![]() ![]() ![]() ![]() شاي وقهوة ومأكولات خفيفة على مدار اليوم في صالة الفندق ![]() مسرح تقام علية حفلات غنائية يوميا من المغرب لين الساعة 10 بالليل وماهم سهلين يجيبون اغاني عربية وخليجية ![]() حبيب القهوة كتكات ![]() ![]() عصيرات وايسكريم بجانب المسابح ومأكولات اسعاره غالية ما انصح فيه خلك ذهين وسوي تسذا ![]() ![]() ![]() خذ من البقالة في خارج الفندق ارخص ![]() ساعة اغلاق المسبح وانا وعيالي في مضاربة عشان يطلعون منها لكن هذا دواهم ![]() ![]() ![]() الليل يرخي سدوله على المكان ![]() ![]() ![]() الجلسة على الشاطئ حزة الغروب مع القهوة تسوى كثير بالنسبة لي . . . ملاحظة ( الاراء في هذا التقرير عن الاماكن في بينانج وماليزيا عموما هي وجهة نظر شخصية فما أراه أنا جميلا ويستحق قد تراه انت غير ذلك .. لذا خذ مايناسبك ) ![]() ![]() المغادرة الى جوهور ... . .
|
![]() |
![]() | #97 | ||
مشرف سابق ![]() ![]() ![]() ![]() ![]() تاريخ التسجيل : Oct 2016 رقم العضوية : 12650 الدولة : السعودية/ مكة الجنس : ذكر المشاركات : 1,688
| ![]()
| ||
![]() |
![]() | #98 |
مسافر جديد ![]() تاريخ التسجيل : Jan 2015 رقم العضوية : 1228 الدولة : السعودية الجنس : ذكر المشاركات : 74 | ![]()
هلا بك يابو حسن المنتجع ذا ممتع جدا ودائما اقضي فيه اكثر ايام رحلتي لماليزيا الله يحفظ لك ولدك ويخليه لك عيالنا لابد من الجنان لكن وش نسوي مضطرين نتحملهم الله يحفظهم والتعديل قمة في الجمال انا شفت في سناب واحد مصوره مغيرين فيه كثير زين لجنان عيالنا ![]()
|
![]() |
![]() | #99 |
مسافر جديد ![]() تاريخ التسجيل : Jan 2015 رقم العضوية : 1228 الدولة : السعودية الجنس : ذكر المشاركات : 74 | ![]()
هلا بك ابو جواهر زين ماسويت احجز التذاكر من الان عشان الزحمة والوقفة وعشان لا تزيد الاسعار ترى الاسعار عند بوابة الحدائق زيادة عن الموقع بالنسبة للرنقت حول مبلغ يكفيك كم يوم من هنا(السعودية) والباقي من ماليزيا ترى الوضع هناك افضل ولو انه شي بسيط دراهمهم عندنا خمسينات وقليل يعطونك ميات يعني لو بتصرف مبلغ ويعطيك من فئة الخمسين بتورط فيها شيلتها صعبة
|
![]() |
![]() | #100 |
مسافر جديد ![]() تاريخ التسجيل : Jan 2015 رقم العضوية : 1228 الدولة : السعودية الجنس : ذكر المشاركات : 74 | ![]()
إصافة بالنسبة لاماكن الصرف في ماليزيا أنا جربت مكانين فقط وبعد مقارنه في اسعاره مع محلات ثانية كان هو الافضل الأول: في مركز البرميد في الصن واي لاقون تجده في الدور الأرضي قريب من محلات ديسو وهو عبارة عن كشك صغير لكن اسعاره ممتازة الثاني: في مركز البافليون بشارع العرب الدور اللي فيه المطاعم نفس الصف اللي فيه البيتزا هات افضل سعر في شارع العرب عن تجربة والواجب ان الواحد يمر على كذا محل ولا يستعجل ويقارن الاسعار الله يوفق الجميع ويسر اموركم يارب
|
![]() |
| |
![]() | ||||
الموضوع | كاتب الموضوع | المنتدى | مشاركات | آخر مشاركة |
وجهتي القادمة الى أوربا .. خططو معي | سكوب | البوابة السياحية | 5 | 11-08-2016 02:40 AM |
أنتم من تحددون وجهتي ,, يالله اقلطوا | الانيق | البوابة السياحية | 11 | 02-05-2016 02:08 AM |
محتاااااره احدد وجهتي | abrar11920 | البوابة السياحية | 16 | 25-11-2015 07:19 PM |