ووصلنا القرية




وأول ماوصلنا محل شراريب (دلاغات) كثير عجبتني وأشتريت من هذا المحل ومن مكان ثاني مادري من قل الشراريب عندنا لكن عندهم أشكال كثير حلوة ومميزة و أسعارها كمان وصناعة كورية شايفين السعر بكم





قرية بوكتشون(Bukchon Hanok village)
هي قرية تاريخية عمرها 600سنة ويمكن للزوار الحصول على نظرة جوهرية على الحياة القديمة لشعب كوريا
وتستخدم المنازل القديمة "هانوك"كمطاعم ممايسمح للزوار بتجربة عبق التاريخ
والقرية مليئة ب الأزقة والشوارع الصغيرة
هذة القرية تقع بين قصر كيونغ بوك -وقصر تشانغدوك والمزار الملكي جونغ ميو
يعني اللي يحب هذة المزارات ممكن يجمعها كلها ويزورها في يوم واحد بما انها قريبة من بعض
نحنا علشان معانا أطفال كانت خطتنا زيارة الأماكن اللي فيها أنشطة وترفية أكثر القصور والمزارت هذة راح يتمللون منها

[emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254][emoji254]

والقرية بدون تذاكر













كان ودي أجرب شرب الشاي بالطريقة التقليدية مع كعك الأرز المشهورين فيها فاكرين المسلسل الياباني أوشين والباب اللي ينسحب والجلسة الأرضية وقدامهم الطاولة الأجواء هذة [emoji180] لكن بعد الأكل اللي أكلناه مافي مجال يارب لك الحمد والشكر





طبعا هذة القرية منطقة سكنية وفي ناس ساكنين في هذة البيوت وبعضهم حاط ورقة على بابه (ممنوع الإزعاج)
وبعضهم فاتحين بيوتهم ومحولينها لي كافيه للي حاب يشرب اي شي وبعضهم يبيعون عطورات وتم تصوير احدى المسلسلات في واحدة من هذة البيوت






















مو تستأهل القرية الزيارة بس علشان هذا المنظر [emoji7]





شايفين اللي لابسين (الهانبوك)
وهو الزِّي الكوري التقليدي وكانوا يرتدونه يوميا قبل 100عام اما هذة الأيام لايلبس إلا في الأعياد او المناسبات الخاصة وطبعا فيه أشكال وألوان للبنات والأولاد




بنتي نشبت لنا الا تبغى تلبس زيهم سألنا المرشدين ودلونا على المكان في أغلب الأماكن السياحية راح تحصلوا مرشدين سياحيين يتحدثوا اللغة الانجليزية ومتميزين بلبس بلايز حمراء وظيفتهم يساعدوكم ويدلوكم على اي مكان تحتاجوه

هذا هو المحل والتأجير بالساعة اللبس مع الإكسسوارات وكل شي
















وهذة الأسعار





وأعجبتني الأمانة اللي عندهم لمن جينا نقيس لبنتي أول فستان كان قصير والقياس الثاني كان في يد الموظفة قلنالها ان القياس صغير ونبغى اكبر قالت للأسف مافي سألتها عن الفستان اللي في يدها قالتلي هذا شوي مبلول طلبت منها أني اشوفه كان شي جدا بسيط يعني أبدا مو واضح قلت لها مافي مشكلة راح تلبسه
اللي عجبني انها مافكرت أصلا تعرضه علي وتخليني أنا اللي أقرر لأنها حست بالخجل ان ممكن تعرض علي شي زي كدا (أخلاق والا مو أخلاق).

والصراحة اللبس كان جدا حلو وحركة حلوة قبل لاتدخلون القرية تلبسون عيالكم هذة الملابس ويتجوّلون فيها وتصورهم عند البيوت القديمة الصور راح تطلع حلوة [emoji1360]
نحنا لبسنا الصغار كلهم وخرجنا نكمل مشي ونصورهم وشوي بدأ يحط مطر خفيف المهم خلصنا ساعتنا ورجعنا أغراضهم وعلى التاكسي والى برج سيؤل المسافة قريبه تقريبا 10دقائق طلع حساب التاكسي 18ريال




أسعار الكيبل كار

البالغين 6,000won
أطفال 3,500won

أسعار تذاكر البرج

البالغين 10,000won
أطفال 8,000won

كل المعلومات عن البرج والمطاعم والكافيهات الموجودة فيه هنا[emoji1370]

‏http://www.nseoultower.co.kr/eng/visit/use2.asp


























ولازم من الذكريات (أقفال الحب)



















وهنا المطر زاد ولامعانا مظلات مشينا شوية الين نقطة تذاكر البرج وكان فيه بعض المحلات
شايفين كيف الزحمة الكل راح يشتري مظله








وعلى البرج





للأسف الصور ماتطلع حلوة بالجوال ممكن بكاميرا احترافية يبان جمال المنظر




كلها محاولات




‏[emoji172][emoji1210][emoji172]




محل يبيع تذكارات





حلويات




ولازم من الذكريات







عجبني كلامها




في طريقنا للنزول

















وأشترينا تذكارات وعلى التاكسي




وعدينا على كوفي (Paris Baguette cafe)
وأخذنا هذة الفطائر طبعا مو كله حلو في أشياء حلوة وفي أشياء ماكلناها





وانتهى يومنا اللي كان يوم مليئ وعامر بالأماكن السياحية والذكريات الجميلة

دمتم ودامت أيامكم عامرة بذكر الله [emoji177]