شاطئ القرود







صورة الحيوان هذا من النت ....
صار لنا موقف واحنا متجهين للشاطئ وكنت أنا وأم سعد ومعنا مجموعة من السواح , المهم فجأة ونسمع صوت ونناظر يمين جهة البحر إلا وهذا الحيوان اسمه ( الورل ) وكان حجمه متوسط وواقف ويمد لسانه ويناظر فينا طبعا ما يحتاج أقلكم ايش صار في ذيك اللحظة ... شفت جميع الألعاب الأولمبية ( قفز حواجز , سباحة حرة , سباق 400 متر , جمبع أنواع الرقص الرياضي ) طبعا أنا أهدي في أم سعد وما غير هي حاطه رجلها المشكلة أنا قدامها يا بنت الحلال لا تخليني أطيح على وجهي المكان صعب وهي تقول أخاف يلحقني ويفترسني .... طبعا نصف اللي معنا رجعوا والباقي كملوا الطريق .....

إلى هنا الأوضاع ربكة شوي , عاد فجأة أم سعد سألتني قالت : كيف بنرجع قلت علمي علمك راح نرجع من نفس الطريق ..... يا حبيبي على هالمصيبة
قالت : شوف بالعربي الفصيح أنا ماني راجعة من هنا قلت أجل من وين بترجعين ؟ قالت فيه طريق ثاني ؟ قلت البحر , قالت : أوك مع البحر ..... قلت دقيقة بالله أدق على الفندق أقلهم يفتحون لنا الطريق لاننا راح نجيهم سباحة

لما قربنا من الشاطئ بدينا نسمع صوت القوارب فقلت كويس راح نرجع معها ,,,, جلسنا واستمتعنا بالشاطئ وبعدين رجعنا مع قارب وكان العدد محدود لقيت تقريبا 4 قوارب والأسعار على 50 رينجت وبعضهم يقول 100 رينجت ....



كذا خلصت جولتنا لهذا اليوم وكانت رائعة بما فيها من التعب والحر والأكشن اللي صار ....

كان غدانا ذيك اليوم من كنتاكي وصراحة رااااائع جدا والغروب كان على شاطئ المنتجع وعشاء بيتزا من الفندق
.
.
.
.

يتبع ....