وعليكم السلام ورحمه الله وبركاتو
حياك الله اخوي


بسم الله

ملاحظاتي على الجدول الاول

اولا بخصوص سيلانجور

يوم السبت رحلة الماينزرلاند اولا المول الاغلب يزروه غلشان الرحله بالقارب واخر رحله تقريبا بتكون الساعه 4ونص تقريبا وثانيا راح تكونون مرهقين بعد السباحه واللعب وتدورون العشا والفراش فانصحك تعشا في البراميد مول وتكسي على الفندق

ثانيا بينانج
حلو التغيير وركوب الباص والتعرف على الدوله ولكن ان اعلم باطفالك هل لهم قدره على احتمال رحله بالباص مدتها 4 ساعات انا عن نفسي عيالي بالسياره من الدمام الى الاحساء يرتفع ضغطي (متى بنوص وين وصلنا كم باقي الله يكون بالعون ويهديهم ) اذا عيالك ما عندهم مشكله خذ الباص

اول يوم بدال ماتروح لمول ومشوار تكسي اطلع من الفندق قدامك سوق الليل والمطاعم منتشره على رجليك اختار الللي يعجبك بموضوعي متكلمه عن المطاعم وحاطه روابط لمواضيع هنا عنهم

ثاني يوم لاحضت ان ايامك كلها فيها رجعه للفندق بالوسط اليوم انا رايي لو تخلي طلعتك وحده افضل لانك تاخذ سواق بالجوله الساعه 25 الىر 30 رينجيت لمدت اربع ساعات اولا اوفر بالمال واوفر بالوقت يعني تغطي الاماكن القريبه بيوم واحد مثلا هذا اليوم وانت بجوله الباص تقدر تنزل بالمحطات المختلفه وتتمشى بالمكان وترجع موقف الباص يجي باص ثاني وتركب فيه وهاكذا وبكذا تكون زرت كذا مكان مع ركوب الباص وبسعر تذكرت الباص وممكن تخصص الالعاب البحريه بالصباح قبل ماتطلع لان بتكون نشيط اول ماتصحى وكذا لك ادفنشر زون تخليها بالصباح تستفيد من باقي الوقت ان خروجك مره واحده وبعد الرجعه وحبيت تطلع وراك سوق الليل

اما بالنسبه للفندق اذا ميزانيتك تسمح خلك على الى منتجع جولدن ساندس شانغريلا ودلع نفسك



لانكاوي

اول يوم انت كاتب

الذهاب برحلة العشاء باليخت ومن ثم العودة للفندق او الذهاب لاي مول والعشاء هناك

مافهمت كيف تذهب الى رحله عشاء وترجع تتعشى في هذا اليوم انصحك ارتاح بعد حوست المطار واكتشف الفندق واطلع تعشا وارجع


اعتذر بعد المراجعه فهمت قصدك وانصحك تروح مطعم وترجع مو شرط يكون في مول

اليوم الثاني نفس الكلام خل طلعتك وحده حتى مايضيع وقتك وخلص مشاوير هذا اليوم وبعدها روح للعشا وبعدين للفندق وشاهد الغروب على البحر والجو الزيبن

ملاحظه الجزر بشكل عام وخاصه لانكاوي بعد صلاة العشاء تكون هادئه و اغلب الماكن تقفل فالافضل قبل العشا انت بالفندق وتمتع بمرافقه من مسبح وشاطئ وغيره


بالنسبه لجوهر ماعندي خلفيه عنها


اما كولالمبور خيارات السكن ممتازه




فكرتك لاخر يوم للاسترخاء ممتازه وعندي لك اقتراح لفندق قريب من اختيارك لكن يتميز بالمسبح الخاص وبكذا الاهل ويسترخون معاكم


ليكسيز هيبيسكوس بورت ديكسون

https://www.booking.com/hotel/my/lex...0989:li:dec:dm

غراند ليكسس بورت ديكنسون

https://www.booking.com/hotel/my/the...0989:li:dec:dm


لكن قبل ماتتتوجه لاحد هذي المنتجعات مر لك على سوبر ماركت وخذلك مؤونه لانها في منطقه تقل فيها المطاعم بس بتنحكر بمطعم الفندق وهو غالي لذلك خذ احتياطك

اما بالنسبه للجدول الثاني نفس التعليق اللي فوق مه اضافه بسيطه وهي رحله الكاميرون ما انصحك فيها هل تعلم ان المسافه من كوالامبور الى الكامرون هي 3 ساعات ونصف تقريبا ذهاب ومثلها عوده يعني 7 ساعات بالطريق لذلك مالم يكن لك نيه السكن فيها على الاقل يومين لا تحطه بجدول

اذا حايب تروح مكان قريب مع ان اغلب اللي يزورونه يقولون انه متوسط لكن لولا الاختلاف لبارت السلع اقرا عن منتجع افاموسا وشوف اذا يناسبكم هذا تروحه من كوالالمبور ساعه رايح وساعه جاي عباره عن حديقه حيوان وعروض للفيله والكوبوي



بالتوفيق اعتذر على الاطاله ان اصبت فمن الله وان اخطأت فمن نفسي