سلام عليكم ورحمه الله وبركاته

رغم انك قلتي ما تحبين امريكا في ديسمبر ... بس انصحك تفكرين فيها . رحنا فلوريدا في ديسمبر وصراحه كانت من احلى الاجازات الشتويه رغم ان فلوريدا ما تبرد وايد بديسمبر بس الاجواء رائعه والزينه بكل مكان وحدائق دزني عندهم تحضيرات خاصه للكرسمس والنيو يير . رحنا اغلب الحدائق بس خلينا مجك كندم ليوم 31 ديسمبر وصراحه كان احلى احتفال برأس السنه ما شفته مثله يسوى العنوه والسفر البعيد .

اخذنا كروز من بورت كنيفيرال قريب من فلوريدا ونفس الشي الكروز زينته احتفالات والعروض بالكروز كانت عن الكرسمس اذكر سوو لنا مسرحيه الكرنج ( الوحش الاخضر) .

انا اتفق معاج سياحه ديسمبر غييير .. يمكن حظي زين ان اعيالي اجازه من 15 ديسمبر الى 2 يناير فلازم كل سنه خطه . ان شاء الله السنه ناويين لندن ويقولون زينتها وايد اتونس ويفتحون الونتر وندرلاند ربي يسهل .

وتحياتي للجميع

دائما اتصفح هذا المنتدى لكن اشتركت فيه عشان أرد على موضوعك لأنه بالضبط نفس الشعور أنا من عشاق السفر في ديسمبر ولم أسافر في الصيف أبدا إلا بانكوك قبل عشر سنوات

أجواء الاحتفال و الزينه في الشوارع و المقاهي و البرد الشديد و أوراق الأشجار المتساقطه و رائحة الحلويات اللي تنبعث من الكشكات في أسواق كريسميس تأسرني

شكرا

اناااا من عشاااق السفر في ديسمبر ومن محبين ديسمبر العام رحت زيرمات في سويسرا كانت وااايد حلوه صج حسيت في الكريسماس عندهم وثلج وزينة جني عايشه في فيلم
وشفت كولمار وستراسبورغ في فرنسا بعد من صور و فيدوهات وايد حلوين

لي صديق ساكن بالمانيا

يمدح كولون و نوريمبيرغ

مشرررفة بريطانيا



شكرا

فني الاقتراحات وايد
اشرايج نروح شمال النرويج نموت من البرد ونشوف الشفق القطبي (الارورا)