السلام عليكم ورحمة الله وبركاته

اسعد الله ايامك يارب

عندي عدة استفسارات على ماليزيا وباقي لي 4 ايام

بالعاده اسافر مرتاحه كل شي محجوز بس البس عبايتي وامشي (الله يخليهم لي )

الحين انا الي حاجزه مع زوجي عن طرق شركه وتايهه شوي


يوم الخميس 3 نوفمبر ..... بالهجري راح يكون 3شهر صفر

الرحله الى ماليزيا 8 ليال دايركت على الخطوط الماليزيه ... مدينه 3 ليال لنكاوي الوجهه الاول لنا
نوصل كوالا 11 الصبح وبعدها على طول لنكاوي نوصل 4 العصر

بعد لناكاوي راح ناخذ يوم في بوردكسن منتج لكزس و 5 ايام في كولا المبور وزياره سلانجور يوم و جنتنغ في يوم اخر عن طريق التلفريك

استفساراتي كل الاتي واعتذر للازعاج :

الاجواء و الميزانيه
كيف الاجواء في وقت سفرنا ؟؟؟ لاخذ احتياطات الملابس
هل تختلف مبالغ دخول الاماكن والتكاسي والفنادق والمطاعم عن فترة الاجازه ؟؟ وقت سفرتي احناعندنا داوم مدارسي
هل عند الماليزيين اجازه ؟؟؟ وعيد استقلال او اي مناسبه ؟؟
هل تكون اغلى في وقت سفرتي او ارخص ؟؟
هل عدد السياح راح يكون كثير ؟؟
كم تتوقعون نصرف في اليوم من حيث التاكسي والاطعمه واماكن التذاكر ؟؟

تحويل العملات

هل هذي المعلومه صحيحه ؟؟ اذا حولت الريال الى دولار ومن الدولار الى الرنقت يكون افضل والمبلغ يزيد ؟؟


المطار

الشنط اشحنها على طول على لنكاوي او لازم تروح كوالا لمبور بعدها انا اشحنها على الطيران الداخلي للنكاوي ؟؟؟

كم الحجم المسموح ؟؟ وهل الحجم المطلوب على جميع الشنط او الشنطه الوحده ؟؟ اقصد شنط الشحن وليس شنط داخل الطياره


الاوراق الي اعبيها في الطياره هل تجي بالعربي ؟؟ وممكن صوره لها ؟؟ ابي اجهز المعلومات في ورقه من بدري

هل الطيران الداخلي في نفس المطار او مكان ثاني ؟؟؟ واذا خارج المطار كيف اوصله ؟؟؟

ممكن شرح لجميع الاجرائات من وصولي لمطار كوالالمبور الى الانتهاء من جميع الاجرائات في مطار لنكاوي ؟؟


شريحة انترنت
كيف احصل على شريحة انترنت فقط ؟؟
وكم سعر الي يكفيني وقت السفر ؟؟
هل تشتغل في جهاز النت المتنقل الاسود الي من جرير ؟؟

الفنادق

ايش الطلبات الي يبغوها عند الدخول والخروج ؟؟؟

ايش الاشياء الي يقدمها لي الفنادق تكون مجانيه ؟؟ ما ابي يروح علي شي في الفندق مجاني وما استفدت منه
هل في كوكتيلات مسائيه ( ايش يكون اسمه بالانجليزي ) ؟؟ المساج ؟؟ وحمام الساونا والبخار ؟؟ مجانا
هل الفنادق توفر شفاط للحمام اكرمكم الله اذا طلبت منهم ؟؟؟


حجزي في لنكاوي منتجع dayang bay


وليله وحده في منتجع لكزس في بوردكسن ... هل المنطقه فيها شي مميز غير المنتجع ؟؟؟ والمنتجع هل فيه عروض مميزه ؟؟؟


5 ليالي في كوالالمبور dorsett kuala lumpur

اذا ابي يعملو لي الغرفه تزيين في احد الفنادق كم يكون السعر تتوقعو ؟؟ ومتى اخبرهم يزبطوها ؟؟؟



الاماكن

سمعت في لنكاوي جزيره خاصه تستاجرها ومافيها احد نهائي انت والي معي فقط .. ممكن معلومات عنها اكثر ؟؟ وكم السعر ل 3 ساعات ؟؟
وهل فيها شواء والمعدات انا اجيبها او هم يعطوني هيا ؟؟ وحمامات ؟؟ وفين موقعها ؟؟؟

برضو في لنكاوي رحلة سفينه لمدة 3 ساعات وقت الغروب وفيها شواء في اخر السفينه و ليست خاصه معك ناس ممكن مكانها او اسمها عشان يسهل على التاكسي يودينا لها ؟؟

ابي اجرب واروح اماكن مو موجوده هنا مثل المنطاد الي بلنكاوي
ايش الفعاليات الي لازم ما افوتها والاماكن المميزه هناك ؟؟
هل عندهم التوبيجان الي مثل جبل الاخضر بالطايف وفين مكانه ؟؟
هل في مثل الي موجود في تركيا الحبل الي معلق من الجهتين وكل مره واحد ينزل منه وفين مكانه؟؟
هل فيه ركوب النهر والتجديف مثل الي بالافلام ؟؟
في مدينه الاضواء هل فيه قارب صغير خاص يكون داخل مدينه الاضواء نفسها بدل المشي والتجول على الاقدام ؟؟
هل موجود مسارح لعروض جميله وليست مثل العروض الي دايم نشوفها (أسد ثعبان ..)
هل عندهم عرض مسرحي صامت ؟؟؟ ( عباره عن اداء بدون صوت فقط موسيقى العرض ويكون العرض ممتع جدا ومفهوم )

هل مدينه الاضواء و الفراشات المضيئه و حديقه ماينز وندر لاند مكان واحد ؟؟؟؟

هل في اماكن ما تنصحوني ارحلها ؟؟؟
حذفت من القائمه حديقة الفراشات والطيور والتماسيح والمعابد ما احبها ابدا تضيع وقت على الفاضي


الاسواق

ابي ارخص سوق في كوالا ويكون جودة البضائع ممتازه ابيها هدايا ؟؟
وسوق للبضائع الجديده للماركات العالميه ؟؟
هل عندهم ماركات محليه فيه الاقيها ؟؟؟ وكم الاسعار ؟؟
هل عندهم سوق يبيع بالجمله ؟؟ او يبيع البضائع بسعر الجمله ؟؟؟
ايش السوق الي ما تنصحوني ارحله نهائي ؟؟؟

فين الاقي اشياء الرسم مثل الفحم والرصاص واغراض الديكوباج والالون وغيرها ؟؟؟ كم اسعارها ؟؟ وهل هي فرق بينها وبين اسعارنا هنا ؟؟


المواصلات
اقدر استغنى عن التكاسي واستخدم المترو ؟؟ وهل سهل استخدام البطاقه وتحديد المكان وغيره ؟؟ ركوب المونوريل رخيص بس خايفه اتوه في البلده ومدري فين المكان الي اباه هل في مساعده عليه

ودي اجرب اركب القطار هل في عندهم ويوصل لاي مدينه ؟؟
هل الاقي عندهم مدينه ثلجيه او مستحيل

البرامج

هل تنصحوني في برامج معينه احملها على الايفون او الجالكسي ؟؟
اخوي جرب برنامج uber البرنامج خاص بالتكاسي استخدمه ويقول رخيص وعلى طول التاكسي يوصلك ومايتاخر عليك
هل في برنامج يحول اللغه الانجليزيه الى العربيه عن طريق التصوير بدل الكتابه ؟؟؟

اسماء الاماكن باللغه الانجليزيه


القبة الفلكية الوطنية
حديقة البرجين التوأمين
مدينه الاضواء
حديقه ماينز وندر لاند
نصب النسر في لنكاوي
القريه الشرقيه في لنكاوي
رحلة براشوت لنكاوي
الدبابات و الدبابات البحريه
سوق بي بي بلازا
سوق سونجاي وانغ بلازا
مطعم ابو طربوش
مطعم زعفران
مطعم خيمة الصحراء
مطعم حضرموت
مطعم السلطان
مطاعم عربيه ممتازه غيرها ؟؟؟\


اعتذر جدا على الاطاله واتمنى تجاوبوني وجزيتم خيرا ومشكووورين


https://i.ytimg.com/vi/BgJKVxaCx_s/hqdefault.jpg