فندق century pines resort في كاميرون هايلاند بعدسة أحمد ياهوو

أبوعبدالله (الاسفار ) · 16-02-2015, 08:17 AM

السلام عليكم ورحمة الله وبركاتة حديثي اليوم عن فندق century pines resort
تقيمي للفندق من حيث النظافه 8-10
الموقع 10-10
الاطلاله لا باس بها
الافطار جدا بسيط
محدود قائمه تختار منها
الفندق عندي لا باس به لكن عيب ان المكيف مركزي ولا يشتغل جعل الفندق عندي فاشل
ان شخص احب انام والمكيف يشغتل الاجواء جميله برى لكن ماتقدر تفتح النوافذ لان النامس كثير تشوفه يدور برى

والفندق شكله من الخارج والدخل الكونتر جميل وراقي
لكن بس تدخل الغرفه تحس انه فندق بسيط
طبعا ابدا مو مثل الصوره بالبوكينج

طبعا الشي اللي يتميز فيه موقعه قريب جدا من محطه الباصات وفيه محلات ومطاعم ما احتجت ابدا للمواصلات طول اقامتي الا في الجولات ولان الجولات بالسياره جدا مرتفع سعرها صادفت في المحلات القريبه من الفندق مكتب يقدم جولات سياحيه كلفني الشخص 25 رنجت كانت جوله خفيفه وممتعه
بسم الله نبداء بالصور

المدخل تصوير في النهار
اما الفندق تصويري كان المساء

شكل الفندق من الخارج

ومن الداخل

من جلسات اللوبي

جلسه خارجيه

مقابلها نافوره بس بالحقيقه مزعج صوت الماء لان المويه نازله ضرب

ونرجع لداخل هذا مكان البوفيه

هنا جلسات الفطور طبعا داخليه وو

وخارجيه

المنيو المتهالك المحدود

وجبة الافطار عندهم

نطلع فووق
وهذي غرفة النوم الكنبه قديمه
واما السرير انا شخص ما احب لون المفرش غامق يجيب الكائبه واتخيل انو مو نظيف
بس الحق ينقال نظيف
دورة المياه نسيت اصورها تقيمي لها نظيفه .. اللي يضحك انها كلها ستاير يعني الافرنجي له ستاره والدش له ستاره والحوض ستاره مالي حق انسى اصوره
نكمل

البلكونه الصغيره

اطلاله البلكونه
طبعا الجميل بالفندق مقابله حديقه عامه جدا جميله كان فيها ناس بس مافي ازعاج استمتعت فيها
وهذي صور لها

الحديقه اجمل ما اعطيتها حقها بالصور لان اغلب الصور خاصه يادوب طلعت كم صوره مرتبه لكم
اتمنى اني وفقت في تقديم التقرير
بالنهايه اقدم هديتي لكم ورق الشاي من بوه

مع تحيات اخوكم احمد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق Shangri-La's Rasa Ria Resort, Kota Kinabalu (صباح ) واقامة VIP بعدسة ابومشاري	abomishary	ماليزيا	39	24-08-2017 10:09 AM
الفخامة والراحة في the westin langkawi resort & spa فيلا من غرفتين نوم بعدسة ابومشاري	abomishary	ماليزيا	23	10-08-2015 11:56 AM
فندق ليك هاوس .. في كاميرون هايلاند بعدسة ابو ساره11*	أبوعبدالله (الاسفار )	ماليزيا	4	19-03-2015 08:12 AM