ابو صالح يسعد مساك
و الله يحفظ لك اياس و يجعله من مواليد السعادة

هل تعتقد أن الرحلات أكثر متعة مع الاطفال ؟

ذكرت أن عشقك للمغرب بسبب طيبة الشعب
طيب ممكن تعطينا قصة ولا ثنتين ؟

الاكلة المغربية اللي تشتاق لها اذا رجعت للسعودية ؟

كيف تتعامل مع موظفي الجوازات عند الدخول للمغرب لكثرة ما سمعنا من قصص ؟

زرت بعض الدول بالاضافة للمغرب كاندونيسيا والمالديف وجورجيا
أين تضع المغرب اذا قارنتها فيما زرت من دول ؟

سناء تبيع على الانستقرام أصناف كثيرة طواجن وشوربة حريرة و رفيسة ولحم راس وووووو
( شيف على غفلة ) المهم طلبت منها و ما عجبك الأكل هل :
1- تبلغ عنها وزارة الصحة المغربية ( الرقم موجود عندي )
2- تبلغ عنها البلدية يعطوها غرامة ويقفلوا البسطة ( مع هدية للمبلغ )
3- تكتب راي سلبي جداً على صفحتها بالانستقرام
4- تقوم بعمل جميع ما ذكر اعلاه

عطنا رأيك بافران و شفشاون ؟

ما شاء الله البوابة المغربية فيها شغل ممتاز تشكرون عليه كمشرفين
لكن عندك متميزين مثل ساري و سنايبر و سناء
المايك معاك لتوجيه رسائل قصيرة لهم ؟

جيت ذات مساء و لقيت أبو مهاب مشخمط جدران الخيمة المغربية بالستيلو
و راسم قلب وسهم بالنص والدم ينقط وكاتب جنبه " الحب عذاب "
كيف تتصرف معه ؟

هل تفضل الفنادق ولا الرياض ؟

هل تفضل الرحلات القصيرة ولا الطويلة ؟

طيب تحب تأخذ كاش ولا تستخدم البطاقات ؟

يبدو لي أنك شخص رياضي ما شاء الله
وتلعب حديد
محتاج خدمة بسيطة ودي تكفخ لنا واحد في بالي
عرفته ؟
شاب وسيم زار المغرب من قبل وكتب عنها تقرير
ممكن تستغل نقطة أنه ما كمل التقرير

وش رأيك بنادي وقت اللياقة ؟
وهل تعتقد أن لعب الحديد يساعد في تنزيل الوزن ؟

طيب رأيك في البروتينات اللي الشباب يبلعوها للتضخيم ؟

ابله ام زياد تعطي دروس عن اللهجة التونسية
لكن للاسف فيسعت السطوش متاعي
ايش معنى سطوش عندهم و ايش الكلمة المقابل لها بالمغربي ؟

انا اعز شوربة الحريرة وادخل معاها جو
فين أحسن مطعم يقدمها في كازا او مراكش ؟

كيف وضعك مع المطبات الهوائية بالطيارة ؟

مطعم يعجبك بالرياض ؟

كيف شعورك والهلال ضمن الدوري بنسبة 99.99 % ؟

لو بيدك تجيب لاعب محترف غيري للنصر تجيب مين ؟

مع اصحابك وقدامك كيرم و ضمنة و اونو اي لعبة تختارون ؟

ربي يسعدك