ملكة السفرات العائلية في رحلتها الرابعة الى ماليزيا 2016 - الصفحة 21

ابو حسن 9 · 28-12-2016, 02:43 PM

مرحبا اختي مبين الرحله حلوة من تصويرك وكويس في تنوع بالاكل ليت تحطين اسم الشركة عشان نستفيد
اما القرد ياويلي ام حسن بالهدا يوم نطلع الطائف ماتخلينا نوقف لو ايش خخخخ عاد ممكن ارتب الرحله بش عشانها

قصة حب, آخـــرفـــرصـــة, توبليرون و 1 آخرون معجبون بهذا.

قصة حب · 28-12-2016, 03:29 PM

اقتباس : المشاركة الأصلية كتبت بواسطة ابو حسن 9

مرحبا اختي مبين الرحله حلوة من تصويرك وكويس في تنوع بالاكل ليت تحطين اسم الشركة عشان نستفيد
اما القرد ياويلي ام حسن بالهدا يوم نطلع الطائف ماتخلينا نوقف لو ايش خخخخ عاد ممكن ارتب الرحله بش عشانها

شكرا لك
اسم الشركه ما اعرفه بس قصدي فندق البارك رويال يتعامل مع كذا شركه او فرد للطبخ بهذه الرحله
احجز من مكتب رحلات البارك رويال واستفسر عن الاكل

لا تحاتي هذه اول مره يقرب منا القرد
اربع مرات رايحه هالرحله

Sent from my iPhone using Tapatalk

فيصل, آخـــرفـــرصـــة, توبليرون و 1 آخرون معجبون بهذا.

فيصل · 28-12-2016, 09:03 PM

حلوه هالرحله
وفيها عدة فعاليات

النظافه مطلب حقيقي بالأكل
والله مهم لو ما أكل ممكن أي فاكهه تسد الجوع

القرد لا تتحرشين فيه نهائيا نصيحه

قصة حب, آخـــرفـــرصـــة, توبليرون و 1 آخرون معجبون بهذا.

قصة حب · 29-12-2016, 10:31 AM

اقتباس : المشاركة الأصلية كتبت بواسطة فيصل

حلوه هالرحله
وفيها عدة فعاليات

النظافه مطلب حقيقي بالأكل
والله مهم لو ما أكل ممكن أي فاكهه تسد الجوع

القرد لا تتحرشين فيه نهائيا نصيحه

كلامك صحيح 100/100

القرد فظيع ويخوف
مجنون اللي يتحرش فيه

فيصل, آخـــرفـــرصـــة, توبليرون و 1 آخرون معجبون بهذا.

هاني التميمي · 29-12-2016, 10:48 AM

والله تغيرت أوضاع جزيرة القرود
انا زرتها عام 2013 مع صديق لي كانت الرحلة ب 350 رينجت
بصراحة تذمرت شوي من هذه الرحلة نزلنا على الشاطىء وأكلنا المشاوي المعروفة وتمشينا على رجولنا وما كان في شي يدعو للحماس

ولكن ما شاء الله شايف الآن تعدد المطاعم وتواجد الدبابات شي رهيييييييب

امتعتينا بطرحك
وإشتهيت النودلز شكله خطييييير .. بالعافية عليكم

قصة حب, فيصل, آخـــرفـــرصـــة و 2 آخرون معجبون بهذا.

قصة حب · 29-12-2016, 11:16 AM

اقتباس : المشاركة الأصلية كتبت بواسطة هاني التميمي

والله تغيرت أوضاع جزيرة القرود
انا زرتها عام 2013 مع صديق لي كانت الرحلة ب 350 رينجت
بصراحة تذمرت شوي من هذه الرحلة نزلنا على الشاطىء وأكلنا المشاوي المعروفة وتمشينا على رجولنا وما كان في شي يدعو للحماس

ولكن ما شاء الله شايف الآن تعدد المطاعم وتواجد الدبابات شي رهيييييييب

امتعتينا بطرحك
وإشتهيت النودلز شكله خطييييير .. بالعافية عليكم

انا زرتها 2013 وكانت ممتعه وفيها نفس النشاطات
الله يعافيك
شكرا لمتابعتك

آخـــرفـــرصـــة, توبليرون و نانا ابو عابد معجبون بهذا.

هاني التميمي · 29-12-2016, 11:53 AM

غريبة !
بصراحة الدبابات ماشفتها خير شر
وماشفت غير مطعمين

يمكن تذمري هو السبب في عدم كشف المنطقة ككل

قصة حب, آخـــرفـــرصـــة, توبليرون و 1 آخرون معجبون بهذا.

قصة حب · 29-12-2016, 12:47 PM

بعد ما اصبحنا على خير والحمد لله
افطرنا المقسوم
انا اخذت بيضة وفطيرة دانيش وجبنة وفاكهة

يارب تديمها نعمة علينا

قررنا يكون اليوم هذا للريلاكس بالفندق
اللي يبي يسوي مساج واللي يتمشى واللي يقعد بالحديقة

لكن في فندق البارك رويال الجميل

والعيال صيحتهم صيحة يبون يسبحون في مسبح البارك رويال
يا عيال خاف ما يرضون
قالوا نجرب ونشوف

وتوكلنا على الله

وهذه لقطات من البارك رويال العزيز

وهذا الطير نسميه ( المينا ) بالكويت

حجزنا من الصبح عند صاحبتنا اللي بالحديقة عشان المساج
السعر 50 رينجنت
للقدم والساق بس
ساعة كاملة
لكن مساجها وايد حلو ومريح جدا

الجو يومها وايد حلوة والشمس غايبة

نزلوا العيال المسبح
والحياة سعيدة

ما شاء الله لون الزرع ايهبل

هذا مساج صينين زوج وزوجته
جربناه باخر سفرة وايد يمدحونه زوجي واخواني

على شاطئ البارك رويال

لايف جاكيت لزوم الجت سكي والبراشوت

هوايتي

اعجبتني الكراسي الجديدة

وهذا شاطئ البارك رويال الجميل

كل شوي نقعد مكان بعيد عن الشمس لما اشرقت

اشرايكم بالجو بهالصورة

بعد ساعتين رحت اشوف العيال

وجاني مشرف المسبح
مدام عيالكم صارلهم ساعتين بالمسبح خليتهم على راحتهم لأن اعرف انكم من زوار فندقنا لسنوات
لكن الحين مسئولية علي لو صارلهم اي شي
وبصراحة انا معاه هو على حق

راح اطلعهم

قلت ما قصرت وبيض الله ويهك
يااله ياااا عيال
الى مسبح الهوليدي ان غصبن عليكم

وطلعواااااا يضحكون ويتراكضون للمسبح الثاني

تشكرت منه وقال مو بيدي لو انتوا ساكنين الفندق الحين خليتهم لما يشبعون
فالمعذرة

الصراحة كان جداً ذووووووووق وما قصر

وتلوموني بحب البارك رويال يااااااانااااااااااااااااااااااااس

ومن البنات الكبار اللي خلصت مساجها راحت تقعد تراقب العيال في مسبح الهوليدي ان

ام جسومي, فيصل, أبو سعد و 8 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 09-01-2017 الساعة 01:21 PM

قصة حب · 29-12-2016, 01:14 PM

وحان وقت تصوير حديقة الهوليدي ان واطلالتها

وطبوا العيال بالمسبح

وقعدنا وياهم
ولازم نبرد على قلوبنا بايس كريم
اشتروه لنا الشباب من البقالة المقابله للبارك رويال

حديقة الهوليدي ان المبنى الرئيسي ( على الشاطئ )

حلوة الحديقة لكنها اصغر من حديقة البارك رويال

هنا الافطار كل يوم

الجو علييييييييييييييييييييييييل

العيال جاعوا واطلبوا شبس من هالمكان على المسبح
والقدر ان الحقيرة الهندية هي الموجودة وقعدت تصرخ على العيال عشان اطلبوا كتشب
وقمت لها ما تدري اني لها بالمرصاد
وخليتها تذلف بعيييييييييييييييد وجاني موظف غيرها
وسم ان شاء الله ما تابت يعني

وطق مطر ما شاء الله صار الجو احلى واحلى
سبحانه قادر على كل شي

شوفوا الماي على الزرع

شي عجيب الجوووووووووو

هالماي للغسيل للي جاي من الرمل من جهة الشاطئ

اهدااااااء لكم كلكم هالورد الحلو

وصارت الساعه 2 الظهر وشلعناهم غصب من المسبح

يالله عندكم ساعة تسبحون وتبدلون والوعد بالاستقبال
بعد ساعة عشان رايحين نتسوق شوي

وشفت هالورقة بالغرفة

للعلم : الهوليدي ان يتكون من 2 مبنى

1) Ferringhi Tower اللي احنا ساكنين فيه

2) Beach Wings اللي مقابل الشاطئ وفيه المسبح والافطار

Lover121, ام جسومي, فيصل و 7 آخرون معجبون بهذا.

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 29-12-2016 الساعة 01:50 PM

Lover121 · 29-12-2016, 02:21 PM

ماشاء الله إبداع

ورجعتي علينا ذكريات كانت هنا

أرسلت بواسطة iPhone بإستخدام Tapatalk

قصة حب, فيصل, أبن السلطنة و 2 آخرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس	abdullah h	تقارير لا تنسى	420	28-03-2022 11:13 AM
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
الغردقة «ملكة المدن السياحية العربية» لعام 2015	وليد عنبه	بوابة مصر	33	01-04-2015 05:35 AM