ملكة السفرات العائلية في رحلتها الرابعة الى ماليزيا 2016

قصة حب · 26-12-2016, 02:37 PM

طلعنا من حديقة الفواكة بسرعة لأن السايق يحسب علينا الوقت

واتجهنا الى محل الشوكولاته والقهوة عشان نشتري كمية صغيرة منهم

وانصدمنا ان الأسعار زايدة
واخذنا شي بسيط ما كثرنا

بالطريق اعتقد هذه بحيرة ( ارتيم ) اذا مو غلطانه بالاسم

المكان حلو بس ما أدري اذا فيه مكان ننزل له
لأن حتى السايق ما ذكر عنها شي

جزء من محل العسل
الأسعار نار مبالغ فيها ما اشترينا شي

وما طولنا كثير

واتجهنا الى ((( هضبة بينانغ )))

والحمد لله بدأت الشمس تغيب والجو يحلى

ما شاء الله كان زحمة واااااااااااااااااايد

ودفعنا والأسعار زايدة

وعطونا الكروت واللي يضيع كرته ما يصعد

طابور وحضور كثيف بانتظار القطار
ما صدقوا يفتح الباب وناس على ناس

وااااااو حسيت بقمته من كثر الأوادم

الوقت المستغرق للقطار حتى يوصل للقمة تقريبا 15 دقيقة

وصلنا والحمد لله ما قدرت اصور كل شي من كثر الناس

الجووووووووووو مغيم وعجيب برااااااااااااااااد

الهضبة مكان جميل لا تفوتكم زيارة ويستحق تكرار الزيارة

عند هاللوحة كل الصغار يوقفون يصورون
يحليلهم

على فكرة المكان مطورينه ما كان بهالشكل
الحين ارتب واحلى

هالممر حلو للتصوير لكن برسوم مع الصورة

اصعد هالمكان عشان اكل نخي ( حمص ) لذيذ ومعاه رشة كمون وليمون
يا سلااااااااااااااااااام
وهالريال تعامله طيب وايد

هذه صورته هذه السنة

وهذه صورته سنة 2012 بآخر زيارة لي للهضبة

السعر يمكن 4 رينجت
يكفي شخصين

واشترينا ايس كريم الرمان عجييييييييييييييييييييييب

لذيذ وايد

هالمكان انا اول مرة اشوفه كله قفول ( أقفال ) ومكتوب عليها امنيات

فديت ديات وليدنا والله

مكااااااااااااااااااان جميل ويشرح القلب صراحة

اهداء يدل دربه

وافترينا شوي بالمكان عشان ننزل بالقطار تحت

اهم اسباب نجاح الرحلة

عزكم الله ( حذاء رياضي وعندي افضل نوع سكيتشرز ) اللون الأزرق
عجيب وخفيف ومريح يتشكل على حسب شكل القدم

خصلت جولتنا لهذا اليوم ورجعنا الفندق نريح شوي
وبعدها نطلع نتعشى بأي مطعم في الباتو فرنجي ونتمشى شوي بالسوق الليلي

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 26-12-2016 الساعة 02:59 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس	abdullah h	تقارير لا تنسى	420	28-03-2022 11:13 AM
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
الغردقة «ملكة المدن السياحية العربية» لعام 2015	وليد عنبه	بوابة مصر	33	01-04-2015 05:35 AM