ملكة السفرات العائلية في رحلتها الرابعة الى ماليزيا 2016

قصة حب · 05-01-2017, 09:56 AM

وأخيراً وصل اخر يوم لنا في بينانغ

اتفقنا نقضي اليوم بالفندق
الكل يبي يسوي مساج
ريلاااااااااااااكس اخر يوم

جربنا مساج القدم في الهوليدي ان
سعره 30 رينجت الكشك موجود بالحديقة

حليييييييو بس ما يتقارن مع مساح البارك رويال

والبنات الكبار حجزوا بالدور لمساج كامل
في سبا فندق البارك
رويال

والعيال بالمسبح يبلبطون ولازم واحد منا يقعد يراقبهم جنب الحوض
وكان اخوي اول واحد
ولما وصل دوره بالمساج صار دور اختي

الجو يومها يهبل مغيم ومطر عجييييييييييييييب والعيال فرحانين على هالأجواء بالمسبح

عقب ما كلنا خلصنا مساج
كلنا طبينا بالمسبح ولعبنا كرة بالماي
لمااااااااااااااااااااا تكسرنا وهلكنا
بس صج كان وناسة

اتفقنا يكون اللقاء بالاستقبال بعد ساعة
نطلع نتغدا

ونتمشى بشارع الباتو فرنجي

وكان التصويت كله للطربوش
عشان العيش ( الرز )

هذا الطربوش الكبير

اول ما دخلنا والا فيه شخص لبناني قاعد يسوي الخبز
والريحة تكفخ عجيبة

اعجبني الديكور وايد وخصوصا الوان الزجاج

اول شي طلبناه
الخبز اللي شفناه بررره
وقاموا يضحكون الموظفين
قلنا ايه وايد جوعانين وهذا تصبيره
يالله عجل بالخبز لو سمحت

وفعلا وصلنا الخبر بسرعة حااااااااااااااااااار

والطلبات كما في الصور ما يبون نغير شي
شيش طاووق ومشويات مشكلة وربيان مشوي والبرياني

طلبنا البرياني مره ثانية
لكن للأسف العيش مو نفس الطعم
والكل اجمع على ذلك
جودته في المرة الأولي لما زرناه كان أحلى
وبلغناهم بالملاحظة قال لا نفسه
بس انا اعتقد عندهم كذا شيف يطبخ

لكن الحمد لله شبعنا

وشربوا قهوة وشاي البنات

طلعنا من المطعم نتمشى ونقضي وقت للمغرب
الصغار اشتروا شنط للمدارس واسعارهم حلوة بعد المكاسر

وعقبها الكل طلب نروح نتسكع في القيرني مول ونتعشا هناك مرة ثانية
يعني ((( وداعية ))))

السفر ترا كله مولات وأكل وتمشيات ورحلات

مرينا البارك رويال نأكذ على حجزنا للباص
واخذنا وصل الحجز بعد دفع العربون

وطلينا على المسبح

ورجعنا فندقنا وهذا الغروب بعدسة اختي

سبحان الله

آخر مواضيع قصة حب

- شاركوني باختيار فنادق جديدة
- ملكة السفرات العائلية في رحلتها الرابعة الى ماليزيا 2016
- برنامج تاباتوك
- فندق هوليدي ان بينانغ
- عاجل جدا باص الى بينانغ

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 05-01-2017 الساعة 10:12 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائلية 18 ليلة صيف 2015 من 16 يوليو إلى 3 أغسطس	abdullah h	تقارير لا تنسى	420	28-03-2022 11:13 AM
نحييكم من اندونيسيا في رحلتنا العائلية نوفمبر 2015	ابو تركي 99	بوابة اندونيسيا	95	24-04-2017 10:06 AM
الغردقة «ملكة المدن السياحية العربية» لعام 2015	وليد عنبه	بوابة مصر	33	01-04-2015 05:35 AM