15-12-2016, 07:29 AM
|
#1 |
مسافر جديد
تاريخ التسجيل : Dec 2016 رقم العضوية : 13287 الجنس : ذكر المشاركات : 42 | مساعدة فى جدول لمدة 15 يوم السلام عليكم ورحمة الله وبركاته
اولا وقبل كل شىء احب ان اشكر كل القائمين على هذا المنتدى العظيم حقيقة بعد ان بحثت كثيرا داخل صفحات تقارير الاعضاء ووجدت هذا البحر الهائل من المعلومات لا يسعنى الا ان ادعوا لكم بكل خير وان يجعله الله فى ميزان حسناتكم واريد ان احيى فيكم هذه الروح الجميله فانتم تتنافسون من اجل مساعدة الاخرين
فلكم كل التحية والتقدير
لن اطيل عليكم اخوكم مسافر مع الاسرة زوجتى وطفلين الى تركيا ان شاء الله فى شهر يوليو القادم
ولدى بعض الاستفسارات التى ارجو ان تساعدونى فيها
اولا انا قررت ان اقضى 7 ايام فى الشمال التركى زى طرابزون واوزنجول وايدر والاسبوع الاخر فى اسطنبول
واستفساراتى هى
بالنسبه للشمال انا مش حابب انى اتنقل بين فنادق كثيرة وخصوصا ان معايا اطفال فتنصحونى انزل فى طرابزون او اوزنجول ومنهم اتحرك لاى مكان بالسيارة وهل ايدر مثلا تستحق الزيارة ولا طرابزون واوزنجول تكفى
واى الفنادق تنصحونى بيها فى المنطقة اللى هنزل فيها سواء طرابزون او اوزنجول
وما هى اهم المزارات اللى لازم ازورها فى هذة المدن بدون تكرار بمعنى ان فى مثلا مساجد شبة بعض او مغارات لو تنصحونى بالافضل
ثانيا بالنسبة لاسطنبول الحقيقة انا محتار ابتدى بيها ولا اطلع على الشمال الاول المشكلة ان طيارتى هتوصل الفجر ولقيت ان اول طيارة بتطلع على طرابزون 10:30 وده صعب عليا جدا انا والاولاد اننا ننتظر فى المطار كل الوقت ده فهل اقضى يومين فى اسطنبول واطلع الشمال وبعدين ارجع اسطنبول لبقية الايام ولا رايكم ايه
مع العلم ان انا بفكر انى اروح بورصا ويلوا ايضا لكن الحقيقة انا مش عارف بورصا ويلوا محتاجين ان اقيم فيهم ولا مجرد رحلة لمدة يوم تكفى لان من قرائتى احترت زيادة فى ناس رائيها ان مجرد زيارة تكفى وناس بتقول لازم تقيم فى بورصا ومنها تطلع رحلة ليولوا
الحقيقه انا محتار جدا والاماكن كثيرة ومش عارف ارتب جدول لاى شىء ولا للمزارات ولا للاماكن اللى استقر فيها
ثالثا بالنسبة لفنادق اسطنبول الحقيقة انا كنت بفكر انزل فى منطقة تقسيم بس وجدت ان ناس كتير بتشتكى من المضايقات هناك والشحاتين وان مفيش امان هناك فى فترة الليل ما مدى صحة هذا الكلام وما هو نوع المضايقات تحديدا لان انا الحقيقة بخاف جدا على اولادى وممكن الغى فكرة منطقة تقسيم نهائيا ولا حتى للتمشية لو شعرت بان فى اى شىء ممكن يضر اولادى
وللسبب ده الحقيقة فكرت اشوف فندق فى منطقة السلطان احمد واريح نفسى من التفكير لكن انا حبيت استشيركم الاول انتم الخبراء وافضل الناصحين
واخيرا بالنسبة لاسطنبول هل تنصحونى بتاجير سيارة هناك ولا السواقة هناك بتكون صعبة
وبالنسبة للقيادة فى الشمال انا ناوى يكون معايا سيارة هناك ان شاء الله هل الطرق هناك سهلة القياده فيها وبالنسبة للمرتفعات هلى سيارة صالون تفى بالغرض لانى سمعت ان هناك طرق متعرجة وخطرة فما صحة هذا الكلام
سامحونى على الاطالة وكثرة الاسئلة لكن اخوكم فعلا حاسس انه تاية ومش عارف استقر على اى شىء
شكرا لسعة صدوركم وجزاكم الله خيرا مقدما
التعديل الأخير تم بواسطة waleed700 ; 15-12-2016 الساعة 07:56 AM |
| |